تعالوو معايا شيش طاووق وسلطة جرجير روعه والله تعالو وبالصور كمان

بسم الله الرحمن الرحيم...
كيفكم يا أحلا فراشات...
طبعا هادي اول مشاركه ليا بقسم الطبخ...
كنت مشغوله بحملي وولادتي والحمدلله خلصت على خير
عشان ما أطول عليكم...
اليوم يا عسولات عملت على الغدا...
شيش طاووق ..وسلطة جرجير...
والله روعه... وسهله ..
واللي قدرت عليه صورتلكم هوا... لأن ماخطر ببالي اني انزل الموضوع.. غير بعد ما تغدينا... وعجبني
وهادي صوره للسفره.. يمي يمي
نبدا بطريقه الشيش طاووق ...
المقادير:
صدور دجاج من غير عضم... مقطه لمربعات وسط...
كمون
3 حبات او 2توم
ملعقه صغير خل
عصير نص ليمونه
كزبره ناشفه
شويه زيت زيتون
فلفل اسود
شويه ملح
ملعقتين صلصه طماطم
شويه مستردا (خردل)
قليل من بهارات شاورما
وهادي صورتها
االطريقه:
نحط كل المقادير ماعدا الدجاج.. في علبه.. ونحركها تمام
بعدين نحطه فوقها الدجاج ونخبط فيه لين يتخربط
واتركي بالتلاجه يوم كامل... او اقل شي 3ساعات..عشان يتشرب النكهه..
بعد كده نصفي الدجاج ولا ترمي مويته.. لأن رح نحط فيه فلفل رومي مقطع مربعات وسط.. ومشروم... او جزر.. على كيفك..
نحط الخضار اللي نبغاها بالتتبيله ونحركها مزبوط
بعدين نجيب اسياخ الخشب( ملاحظه غسليها بالمويه قبل لا تحطي فيها الدجاج عشان وقت القلي ما تنحرق الاعواد ) المهم
حطي دجاجه..فلفل رومي-دجاجه-جزره-دجاجه-مشروم- دجاجه..
يعني اقل شي يكون بالسيخ 4-5 قطع دجاج...
تمام؟
نجي دحين بعد ماخلصنا عمل كل الاسياخ...
نجيب صحن فيلو شويه ربع كاسة دقيق وربع كاسة بقسماط...
نخربطهم مع بعض..ونحط عليهم شوية بهارات الشاورما..
ومرري الاسياخ على الخليط... من غير بيض ولا شي..
رح يمسك شويه في الدجاج عشان اصلا فيله التتبيله...
واتركيهم بالتلاجه 5 دقايق...
واقليهم بعدين بزيت عميق حار..على نار متوسطه عشان يستوي ما ينحرق....
والله مره طيب
نجي لسلطة الجرجير اللي احبها موت ..
جرجير...
نص ليمونه
ملعقه صغيره خل تفاح او عادي..
ملعقه صغيره دبس رمان..
حبة توم
عيش مقطع صغير ومقلي..
ورانش سوس..
وهادي صورته عشان االلي مايعرفه
الطريقه :
غسلي الجرجير مره مزبوط..
خليه يتصفى.. وبعدين افرديه على منشفه..عشان المويه تروح منه..
بعد كده تبليه بكل التوابل اللي فوق ماعدا رانش سوس والعيش..
لما تحطي الجرجير بصحن التقديم.. وزعي العيش عليه..
بعدين رشي شوي من السوس.. وطبعا الملح والحموضه تزوديها على حسبك رغبتك..
والله من جد يابنات مره طيبه..
ولا هو منقول .. ولا متحرك...
شغلي يعني شغلي....
واللي ينقله يكتب منقول.. طيب..
وهدا الصحن لاول ..وحده ترد...
وعشان ماحد يزعل.. لكل فراشه حلوه ترد لها صحن...
شكرا ياحلوات.. مقدما