تعالي شوفي يامامتي من تحت يداتي عشاء أخوي بالاستراحة مصور

1. صينية الخضار


2. وكذا تكون جهزت


3. مكرونه الدجاج

صباحكم / مسائكم ورد
أول موضوع لي بقسمكم الرائع اللي استفدت منه كثير
بعد معاناه طويلة نزل الموضوع ولله الحمد
أنا مصورته من اول بس تكيسلت أنزله
بس عشان دلع درتي >>>> درر حنونه
اضطريت أنزل الموضوع
أخوي العزيز كالعادة طالب عشاء بالاستراحة له هو وأصحابه >>> مايغلى عليه الغالي
طبعاً بديت أطبخ واصور وهو يصيح يقول الآيفون لا يطيح بالمرق >>> خايف عليه
مالكم بطول الكلام
ندخل في العشاء على طول >>> أقصد بالموضوع
طبعاً العشاء كان عدة أصناف
1- جريش
2- مكرونة بالدجاج
3- رولات التوست
4- ورق عنب
5- صينية خضار بالفرن
7- تبوله
نبدأ بسم الله
(( الاصناف الرئيسية ))
الجريش

• تنقعي الجريش مده طويله بالماء

بعدها تسلقين الدجاج في مويه وملح وبهارات وزيت >>> الملح والبهارات لازم تكون زاكيه
تطولين بالسلق لحد خلاص ماتحسي انو صار العظم بيطلع من الدجاج بسهوله
تشيلي العظم
بعدها ترجعي الدجاج بالمرق وتحطي الجريش
طبعاً الماء لازم يكون اعلى من مستوى الجريش بكثير من 10 سم واكثر
وبعدها تحطي الفلفل الحار
تقفلي عليه قدر الضغط ساعة كاملة

• بعدها تفتحين وتأخذين المضرب الحديد وتضربينها زين زين لحد ما يصير متجانس

وبالعافية على قلوبكم
زوم

صينية الخضار

• جهزي كل البهارات >> مقطوع - فلفل اسود - كمون - ثوم - حبتين ماجي - ملح
• قطعي كزبرة وبقدونس
• قطعي بطاطس - كوسه - جزر ( شرائح بنفس السمك اللي بالصورة ) >>> غير هالخضار احسه يخرب الصينية
• جيبي دجاجة وقطعيها 4 - 5 اقسام وانتبهي لازم الجلد يبقى
• أخلطي كل هالاشياء مع بعض ولا تنسي الزيت
• حطيها بالصينية وحطي عليها مويه تقريباً نص إلى ثلاث ارباع الصينية حسب الخضار عندك

ودخليها الفرن اسفل شيء
شغلي النار من تحت على اعلى درجه
ومن فوق خففيها
اجلسي تابعيها وقلبيها لحد ما تنضج

وكذا تكون جهزت

مكرونه الدجاج

• تسلقي 1 ونصف مكرونه دوائر مع ماجي
• تراعي انو الكرونه انسلقت كويس وبقي عليها شوي ماء
• نحط عليها دجاج محضر مسبقاً ( بصل مفروم يتشوح بزيت وتحطي الدجاج عليه مع البهارات والبقدونس والكزبره واخيراً تضيفي الجزر معاها >>>> بس هنا نسيته )
• ونضيف لها علبه قشطة + ملعقتين جبنه سائلة + ملعقتين مايونيز

ونقلبها كويس لحد ما تتجانس
نرصها بالصينية وندهن وجهها بالبيض وندخلها الفرن لحد ما تطلع ذهبية
رولات التوست
راح اقول الطريقه بدون صور لأني ما صورت

• تأخذي التوست وتفرديه لحد ما يصبح رقيق
• تقطعي اطرافه
• تحشيه الحسوه اللي تحبي >>> بيض - تونه - دجاج مفروم
• تلفيه وتغمسي اطرافه في مايونيز

وبعدها في كزبره وجزر مفروم
(( المقبلات ))
ورق العنب
تبوله
طماطم + كزبره + بقدونس + ليمون + ملح + برغل >> يتنقع في ليمون
بالذات لما تكون الكزبرة والبقدونس طازجه من المزرعه >>>>>>> ام
وبكذا أكون خلصت العشاء
طبعاً غلفته بورق قصدير وحطيته بسلال >>> وتيسر اخوي هو والعشاء
يالله عاد محتاجه اشوف رأيكم وبصراحه
مع الاخذ بالاعتبار شيئين :
1- اني طباخة مبتدئه >>> تو من 8 شهور تقريباً
2- اني راح أقرأ الردود لأمي أربها تقتنع اني سنعه - وتغير وجهة نظرها عني
بصراحه اتمنى من كل قلبي القى تقييم زين من مشرفات القسم الحبوبات
لأني بجد تعبت بالموضوع وتنسبقه - أكثر من العشاء نفسه
إذا مو عشاني التقييم عشان امي
أجبرو بخاطري
لكم ودي
( بعد تقييمي )
احب اهدي هالورد لحبيبتي واختي الغاليه أم سعود
اللي راح تشرف موضوعي عن قريب