تقسيم المهر بطريقة متوازنة

^الوله^

09-10-2022 - 09:52 pm

السلام عليكم ورحمة الله وبركاته:
اشحالكم يا فراشات المنتدى ؟؟
بغيت اسالكم يا فراشات انا مقبلة على الزواج وما اعرف كيف أقسم المهر المهر وما اعرف شو اشتري بالضبط من غير احس هالايام كل شيء غالي وانا من النوع اللي ((((((((((((((((يخسر بيزاته على الثياب وغيره))))))))))
حبيت منكم انكم اتفيدوني وكيف اتصرفتوا بالمهر
وجزاكم الله ألف خير

التعليقات (4)

ميعاد

10-10-2022 - 01:11 am

أولا ً ألف ألف ألف ألف مليون مبروك
والله يوفقك حياتي وأنشالله تتهنين في زواجك وحياتك المقبله
وبالنسبه لهالأمور على حسب المهر اللي عندك
يمكن يكوون المهر غالي وممكن يكون وافي بالمتطلبات الرئيسيه
بس طبعا ً لازم تحطين في بالك هل بيكوون جزء من المهر في الكووشه والقاعه والطق والعشا والبطاقات
يعني بيكوون عليك وألا على المعرس وأهله
وثانيا ً تجين للمهر نفسه تشترين لك نوته صغيره دفتر صغير تشيلينه معك في كل مكان وتكتبن فيه كل حاجه
أنتي تبينها وتكتبين أرقام وتلفونات الخيايط والكوافيره اللي بتزينك ليلة العرس والمصوره واللي بتسرح لك
شعرك وأرقام العالم اللي بتحتاجينهم هالفتره طبعا ً فترة التجهيز تختلف من فترة تسليم المهر إلى الزواج نفسه
وأكيد أحسن شي لو كان في حدود أربع إلى ست شهور علشان تقدر العروس أنها تتسووق على راحتها
وتفصل وتحجز وتلقى اللي تبيه وتقدر تعتني في نفسها وفي بشررتها وشعرها وأظافرها ويدها ورجولها
وتسووي رجيم وتهتم ببشرة وجهها وتغذيتها وتبان النتايج في هالفتره وتكوون طلتها أحلى عروس
بالنسبه لتقسيم المهر م
-فستان الشبكه ..
وحاولي تركزين على الألوان الفاتحه وحاولي يكون معاه
شال .. تراه يعطي فخامه أكثر لك
فستان زواجك وكم بيكلف هل بتفصلين وألا بتستأجرين أو تشترينه جاهز
سجادة صلاه مع ثوبها وأخذي له معك سجاده عشان ربي يجمع بينكم بالخير
الذهب والألماس وطقم الشبكه والذهب الأبيض وشنطة الذهب وعلى اللي تحبينه أنتي من مجوهرات
طبعا ً لا تنسين تاخذين لك ساعه فخمه تلبسينها دايم وساعه ثانيه تكوون للمناسبات
ويمكن تكوون لك ساعه ثالثه هديه ما تدرين ؟؟
ملابس للطلعات طبعا ً يرجع لذوقك
قمصان النوم طويله + قصيره عندك لاسنزا ونعومي شوي غالي بس يستاهل
بجامات نوم مختلفه (طويل وقصير وبرمودا) لاسنزا ونعومي موت بجاماتهم
أحذيه للطلعات ( صنادل وكعوب وأبواته طبعا ً الألوان لا تكررينها ومو كلها مرتفعه عشان ترتاحين فيها)
أخذي لك كم شبشب للبيت ثنين أو ثلاث
ملابس داخليه قطنيه (نعوومي وشانتيل)
ملابس داخليه دانتيل (نعوومي وشانتيل)
طبعا ما ننسى المشدّات
فساتين للمناسبات تستقبلين حد وألا معزوومه عند حد
جلابيات فيها شغل تكوون فخمه عشان لا رجعتي من شهر العسل والناس اللي بتجي تسلم عليك
وعلى حسب لوكان بيجيك ناس واجد وألا على خفيف لازم تكون لها ميزانيه
تنانير قصيره + طويله على حسب اللي تلبسينه وأتوقعه طويل
بناطلين جينز لوكنتي تلبسينها وممكن للسفر والشاليهات
بديات وتوبات كت وغيرها
ثلاث إلى أربع أطقم عبايات فيها شغل وتكون راقيه وفخمه للزيارات
وعبايات عمليه تلبسينها للطلعات والتمشيه والسفر
عطورات عاد لازم تشترينها آخر شي لأنه كل يووم نازله عطوور جديده
ولا خذيتي لك عطر أخذي لك معه طقم الجل شاور والأسبري وخذي له معك عطر كهديه بعدين
كريمات للجسم ترطيب وتغذيه وتنعيم وتفتيح
عدة الأظافر مقص مبرد ولا تنسين تاخذين لك مناكير بس خليها آخر شي مع المكياج
عدة نزع الشعر ( موس +ماكينه + حلاوه)
معطرات الفم تلقينها في الصيدليات على نعناع
فرشاة اسنان + معجون
بخور عاد مشالله عندكم الدخون والبخور حدث ولا حرج كله يجنن
أستشووار للشعر وخذي فير لوحبيتي التغيير
مكياج ( 4 كريمات أساس وأربع بودرات مضغووطه وثلاث كونسيلرات و3 مثبتات للمكياج وثلاث علب شدو
من النوع الكبير وأخذي ثلاث إلى أربع قلامه كحل أسود وقلم كحل أخضر وأزرق وبني للتغيير وخذي لك
ثلاث أو أربع آي لاينر الكحل السايل جربي ماك ولانكوم وخذي خمس مسكررات وأهم شي خذي من ديور
والأروواج والغلوسات على حسب ألوان للبسك والألوان اللي تحبينها والبلاشر خذي لك أربع علب مختلفه )
بس خلي المكياج للأخير بعد ما تشترين الملابس وما بقى على الزواج ألا أسبوع إلى عشر أيام أو أسبوعين
تكوني شريتي الملابس وتشوفين الألوان المتكرره وأنصحك بالفواتح بما أنك عروس ولازم لها ميزانيه
ومليانه الأسواق منه وطبعا ً مدامك عروس لازم تدلعين وتشترين لك كل الألوان جربي من ماك ولانكوم
وديور وميك آب فور إيفر وايف سان لوران وأنتي وذوقك حبيبتي
فوط صحيه
اكسسوارات ناعمه (حلق خواتم سلاسل أساورخلاخل)
شراشف وتاخذين لك حركات وأطقم للحمام ومناديل وحركات لبعدين
طقم فوط للحمام إخذي أثنين و ثلاثه وتقدرين تآخذين له معك وطقم صغير للسفر
شامبو وصابوون وجل شاور وأسبريه معطرللجسم ومزيل عرق وبودره ومعطر للحمام
وبس أدري تعبتك معي بالقرايه بس وربي ودي أساعدك من قلبي
وتلقين في قسم عرووس الفراشه أشياء البنات كاتبينها عن التجهيزات والزفات والبطاقات والكوش
وتلقين أسماء محلات قمصان النوم عندكم في الامارات البنات مو مقصرين بصراحه كل شي تلقينه مكتوب
وحبيت أساعدك بهالتجهيزات والله يوفقك يا رب ويسعدك والسموحه لو طولت عليك
ما ابغى منك ألا أن تدعين لي بالنجاح والتوفيق والستر
ميعاد

(((ريم حمودي)))

10-10-2022 - 02:12 am

حبيبتي اول شي مبروك >>>>>>الفال لي انشالله
انا عندي فكره انشالله لما يسلموني المهر بسويها لاني مالكه الحين
اول شي تسوينه قولي انتي شو محتاجه وكم تقريبا بتخسرين عليهم...
1-الاقمشه كم قماش بتشترين؟؟ انصحك نصيحه...اشتري قماش او اثنينه اللي عالموضه والباقي خذيهم شيفونات من حيالله محل لان الشيفونات ما تروح موضتهم اعتني بالالوان اكثر شي..
2- الخياطه يبغالها.. انصحك لا تودينها عند مصمم ..لانهم وايد يكلفون روحي عند اي مشغل شغله حلو بما انك فالعين روحي مشغل ناظم وعروس الخليج..وشمعدان اللي عند مطعم الديوان ولا اروع منه
(((ولا شو رايج تاخذين جاهز ترا والله اوفر لو حسبتيهم الاقمشه +الخياطه )))
3-التنانير والقمصان اشتري عشر حق الطلعه وصراحه مو مهم من وين اهم شي يكونون شيك
اما البيت جلابيات اذا رح تسكنين عند اهل زوجك والتنانير كثري اما اذا ما رح تسكنين عندهم يعني رح تستقلون انتي وزوجك وحدكم.... افضل انك تروحين مصنع عجمان للملابس
عندهم تشكيلات ولا اروع من الملابس اقصد البيجامات والبناطيل والبدلات وشورتات انواع واشكال وعندهم شيل بعد...
واسعارهم عالقطعه على 15 و20 واذا زاد 25
4- النعلان والشنط اشتري من10_15حبه ولا تاخذين نفس الالوان
5-ملابس الانجري خذيلك5 او 6 حق اول اسبوع وانصحك نصيحه اذا انتي تكلمين زوجك ومنفتحه معاه الحين يعني وانتي مالكه بقولك على حركه انا بسويها ان شاء الله>>>>>>>>>>>>>>>>>>>>>>>>>>>>سوي عمرك مستحيه وقوليله انك تستحين تاخذين هالملابس وكلفيه فيها
ههه علقنا الرجال ههه
بالمره يجيبهن على ذوقه...
............................................
خلصنا من الملابس وهاذولا اكثر من 7000_10000 لا تصرفين عليهم
............................................
5- الحين المكياج والعطور
بقولك على شي اهم شي فالمكياج كريم الاساس والبودر والقلوسات الشفافه خذيهم ماركه تكون اوكيه
اما الايشدو الروج والاقلام وهالكلام اي شي مو شرط تكون ماركه
هاذا استعمليهم بس اذا كنتي معزومه على عزيمه عشانكم لانكم معاريس او حفلات بعد عرسج >>>>>>>>اقصد الاساس والبودر
اما الايام اللي تكونين فيها فالبيت اشتري اساس نيفيا هادي وايد حلو انا عن نفسي استعمله اذا جونا ضيوف وللمدرسه بعد
وايد حلو...
العطور خذي على كيفك
..................................................
وهاذولا لا تصرفين عليهم اكثر من 3000_5000
.................................................
6_فستان العرس اذا بتستاجرينه هو احسن لان التفصيل يكلف بس انا عن نفسي قلت بصممه وبفصله وعقب بستاجره عشان اضمن ان ماحد غيري لبسه...ما عندي فكره كم؟؟؟
ملاحظه اذا تقدرين تروحين السعوديه احسن لج عندهم فساتين ولا اروع وجاهزه بعد...
................................................
7- مكياج العرس من3000_6000 حسب عند من ؟؟
وانا ما اعتقد يكلف اكثر من كذا
..............................................
8- الذهب 10000درهم
حطيله هالمبلغ
وروحي دبي احسن لج
.........................................
الكسسوارات 800 درهم
انا اقصد الاكسسوارات الخفيفه
...................................
الملابس الداخليه بعد مو شرط من مكان غالي اهم شي حلويين
وانا مقدرتلهم 800 درهم
................................
والله يسهل عليج ان شاء الله
وانشالله ماكون نسيت شي
والفال لكل الفراشات....

صبا جده

10-10-2022 - 03:13 am

موضوع فادني كثير يعطيها العافيةاللي كتبته واللي ردوا عليها

M!Ss You

10-10-2022 - 04:14 am

استغفر الله و أتوب إليه
لإله الا انت سبحانك اني كنت من الظالمين

مشكلة محرجة←
لو سمحت من وين اشتريهم دلونى→