تكفون يابنات ساعدوني عندي مشكلة

أنا عندي مشكلة .. أنا متزوجة لي 9 شهور من زواجي والحمد لله ما كان عندي مشاكل كثيرة في التعامل مع شخصية زوجي الصعبة ..
لكن في الشهور الأخيرة لاحظت ان زوجي تغير في معاملته لي ، ما أدري ليش ما صار في احترام زي أول صار يدقق في كلامي ليش تقولي كذا.. وأنا كل مرة ابرر له موقفي واني ما اقصد وعلى هذا الحال ..
وفي يوم من الأيام خاصمني على حاجة معينة وبينت له موقفي، لو تشوفوا كيف عصب علي وقال إني أنا بديت ارفع خشمي عليه وأنا أقوله ما كان قصدي واني أحبه قعدت اترجاه عشان يسامحني وطنشني أيام خلاني أندم وبعدين سامحني حسيت اني انذليت كل ماتصير مشكله انا أتنازل وراضيه لين يرضى لأني أحبه وما أبقى أخسره وكل المشاكل اللي يزعل منها والله ما تستاهل كلها تافهة
آخر مشكلة ناقشته بأسلوب حلو على موضوع معين وكان معايا حق في هذا الموضوع قالي طيب يصير خير ..
رحت المطبخ ورجعت لقيته قالب وجهه وزعلان ما يبقى يهرج ويقول اني أنا صيحت ورفعت صوتي عليه أقسم بالله يا بنات اني مارفعت صوتي ولا شي بالعكس هو أحيانا يصيح فوقي ويرفع صوته علي وأنا اصبر وما أبقى أدقق عشان أتجنب المشاكل ولمن نتصالح يرميها علي الوظيفة يقولي أنا نفسيتي تعبانه لأنه ماعندي وظيفة وتجين انتي وتسويلي مشاكل بالعكس انا اشوفه مبسوط وهذا موب سبب
يا بنات أنا ماني مقصرة معاه في شي ، والله ان نفسيتي زفت كرهت الحياه أحس اني ما اقدر اتكلم معاه إلا واحاسب نفسي على كل كلمة بقولها ، ماني قادرة اخذ راحتي في الكلام احس اني مقيدة تكفون قولولي وش الحل