تنظيم الدواليب

اهلا اختي زهرة الحنه
في ايكيا يبعون سلات بمقاسات واحجام مخصوصة لارفف ولادراج جدا عملية انا استخدمها للملابس الداخلية وملابس بناتي وجدا مريحة وتحسين الدرج مرتب معهم وماينحاس
اتمنى اني افدتك ولو بالقليل

يعطيج العافيه اختي
انا استخدم هالسلات و هي فعلا مفيده
يعني هو شي محرج شوي بس شو اسوي
انا ما اعرف ارتب دواليب يعني وين احط الملابس المناسبه في المكان المناسب
كل يومين ابحث عن طريقه و ابهدل الدولاب من فوق لين تحت
شكرا اختي

بصراحة أنا مهما رتبت دواليب عيالي ألقاهم قالبينه فوق حدر ، وأرد أرتبه من جديد وأحيانا أعاقبهم وما أرتب شي ، أخليهم يتعلمون شلون يرتبونه بنفسهم ، لكن ماكو فايدة ( حوسة)
بس طبعاً في وايد أشيا عملية تساعد على الترتيب وإتساع المكان لكل الحاجيات ، بس ما أعرف عن السلة اللي من إيكيا للأسف
ويعطيكم العافية يارب

حبايبي مو لازم ايكيا
ممكن تستعملون أدراج شفافة من ساكو
أو حتى كراتين عادية تجلدونها بجلاد حلو وتكون أحجامها بحسب الحاجة
و سلامتكم

كل ما كتر الرفوف بالدولاب يكون مرتب

عندي لكم طريقه حلوة

اهلين فراشات انا على العموم احس ان دواليبي مرتبه وهذا مو مدح بس لاني مرتبتها حسب احتياجاتي
اول حاجه دولاب التعليق حاطه البنطلونات والتنانير وبعدين البلوزات الحفر ثم الاكمام وبعدين حقت السهرات وبعدها الفساتين
وتحتها سلة للأحذيه اكرمكم الله وسله للبوجامات الشتوية
ثاني جاجه دولاب الأرفف الرف الأول فوط وعلى جنبها براويز صور انا وزوجي
الرف الثاني سلة لملابس زوجي الداخلية وعلى جنبها عطوراته وحاجاته الخاصه
الرف الثالث سله لي انا فيها بجاماتي وعلى جنبها علب صغيره لحاجيات
الرف الرابع فيه مخدات صغيرة وسله ورود
الدولاب الثالث تعليق فيه ملابس زوجي للطلعة وقمصان النوم الخاصه فيني وادراج صغيره للملابس الداخليه
هذ كل حاجه في دولابي وعلى فكره دواليب اطفالي نفس الشي
ويارب ماطولت عليكم وتستفيدون من طريقتي

اي والله مشكله ترتيب الملابس..
انا رتبتهم جذي:
الكبت مقسم 3 أجزاء:
الجزء اليمين:لتعليق قمصان النوم وتحتهم رف للشنط وتحتهم رف للاحذيه والنعول(اكرمكم الله)
الجزء اليسار:للدراريع
الجزء اللي بالوسط:أرفف:
الرف اللي فوق:للملابس الشتويه
الرف اللي تحته:لملابس زوجي
الرف اللي تحته:لملابسي
اخر شي تحت درجين:
درج للملابس الداخليه..
ودرج للدلاغات واللفات وغيره..
========
دايما اتعب من الترتيب ..بس حلوه فكرة الارفف..ان شاء الله اجربها
جزاكم الله خير..
ان شاء الله استفدتم مني

شي حلو