تورتيلا الدجاج وجبنه الحلوم يمي

السلام عليكم ورحمة الله وبركاته
جبت لكم هالوصفه للي يحب يتعشى عشا خفيف:icon18: او غدا متاخر
المقادير:
كيس خبز تورتيلا وافضل اسبايسي حار
غلفيه بقصدير تمام حتى ماينشف ويكسر معاك ودخليه فرن حار 10 دقايق
الحشو:
صدور دجاج مخليه عظم وجلد ومقطعه اصابع
فلفل بارد مقطع اصابع
سنين ثوم مفرومين
بصله مقطعه جوانح
فلفل اسود وملح
شويه زيت
نص كاس جبن مبشور اي جبن تفضلي مازرولا ولاشيدر انا حطيت حلوم
نحمي الزيت ونقلب البصل لما يذبل نزيد عليه الثوم والدجاج ونقلب لما يتغير لونه نحط البهار والملح والفلفل ممكن تزيدي فلفل حار كمان
قلبي وخليه على نار وسط لحدما يستوى
لما يستوى وهو حار زيدي الجبن وقلبي لحد ما يذوب
جهزي طماطم شيلي اللب منها وقطعيها وشويه خس
واخطلي شويه مايونيز وماسترد وكاتشب
ادهني الخبز بشويه من الصوص وخلطه الدجاج والخس والطماطم ولفي
وغلفيه بقصدير وحطي بلثلاجه متى ماحبيتي سحنيها بلفرن او على الصاج 10 دقايق
للي يحبها طريه يحميها بلقصدير والي بيحبها مقرمشه شوي يشيل القصدير
تقعد بلثلاجه يومين
وصحتين وعافيه