جريش روعه من عمايل ايدي يم يم وعد مني الكل راح ينهبل عليه ام

السلام عليكم رجعت سويت موضوع جديد وابشركم تحملت الصور صار لي كم يوم وانا احاول
اوف مابغيت بس عشانكم اتعب بس الله الله بردود حرام عليكم خ احبكم..
نبداء بسم الله وقوالوا مشاء الله تبارك الله..
المقادير 3 بوادي شوربه جريش تركي(المقياس عندي) وشوفوا مقياس الباديه تحت..
وبادية شوربه ونص رز مصري وممكن الاستغناء عنه...واذا استغنيتي عوضيه بجريش.. اوكيه
وبصلتين مقطعه
سمنه فارم
ملح وكمون مهم وخصوصا كمون المدينه احسن من الكمون السوداني يجي على بني وللاسف هذا الي كان متوفر عندي ..
مطيب الطعام ابو كيسه حمرا الي بالصوره
هالمطيب الله يسلمكم مثل الماجي بس يعطي نكهه مره خيال الكل يسال من وين جايه..
طبعا تحطيه بكل الاكل والكبسات..
وومقادير الكشنه ليمون اسود كمون شوية ملح بهارات مشكله تمر هندي ودبس الرمان..
نبدا
تحمسي البصل من غير مايتغير لونه مع شوية زيت وسمنه اول مايذبل تحطي المويه والجرش والرز بعد ماتغسليه..
وحطيت كمون لاتقولون راح يغير اللون بعد مانحط اللبن يرجع لونه
بس اذا حطينه كمون المدينه الي يجي على زيتي افضل مايلون كثير
انا حطيت 3ملاعق كمون (تراه مهم للجريش) ورقة غار وحده
وثلاث الى اربع ملاعق مطيب الطعام..وملح حسب الرغبه انا حطيت اربع ملاعق تقريبا
ونحط مويه ارتفاعها تقريبا 4سم من الجريش..
ونتركه... لين يتشرب المويه.. تقريبا بعد ساعه ساعه ونص حسب الجريش
ويصير كذا
نحط عليه كلبة لبن كامله مثل الي فوق الصور والافضل نحط نصها وكل ماحتجنا نحط شوي
عشان مايصير الجريش سايل بس انا احتجتها كلها بس على دفعات.. اوكيه ياحلوات
بعد ماحطينا اللبن والفلفل الحار.. نتركه لين ينهرس.. ويصير مزبوط...اوكيه انا خليته ساعه ونص وكل ربع ساعه احركه خمس دقايق عشان ينهرس
اوكيه نبدا اللحين بالكشنه
وهي الاهم اذا طلعت مزبوطه يوه تحلي الجريش وتخليه انما ايه...تاكلي اصابعك وراه
نحمس البصل انا احتجت 6 بصلات وسط تقريبا..مقطعه صغير وتحمس
مع ملعقتين سمنه فارم وشوية زيت
واذا ذاب نحط
تمر هندي نذوبه بمويه لين يلين ونظغط عليه بشوكه ونطلع الفصم نواة التمر ونحط مقدار ملعقتين دبس الرمان مليانه..
وهذي صورتها(وهي البادي الي في فيها حطيت الجريش)
ونحطها على البصل مع ملعقتين الا ثلاث كبار ليمون اسود مطحون(الليمون الاسود نكسره ونشيل بذر اليمون الاسود لانه يعطي مراره ونطحنه من غير البذر اوكيه)ولا شغلك بيصير عدم..
مع نص ملعقة كمون وبهارات مشكله ملعقه صغير وملعقه صغيره زنجبيل مطحون..
وبكذا يكون كذا شكله
وبعدين خلص الجريش واستوى وطلع تمام ولله الحمد وهذا الشكل النهائي
واللي تبي تنقله تقول اسمي واسم المنتدى ولا لااحلل ولا ابيحها..الي ماتقول..اسمي واسم المنتدى
وادعولي ان الله يجعل بيني وبين زوجي موده وسكنى ومحبه وان الله يجمعنا على خير ويكفينا شر من به شر..
وسوها لاهلكم وازواجكم وقولي لي وش رايهم فيه والي تسويه تقولي تفرحني واذا طلع مظبوط وتمام ان شاء الله تدعي لي..