جعل الي ترد ربي يفرج همها ويسعدها دنيا واخره

الله يعينك
ان شآء الله البنات يفيدوونك
وربي قعدة البيت عذاب خصوصا للي متعودة تشتغل وتتحررك
الله يووفقك ي رب

في شيء حلو..
ليه ما تدخلي تحفيظ ... شيء اكثر من رائع .
صحبه صالحه تعينك على الخير و تسال عنك يوم القيامه عسى يشفعون لك
وتحفضين كتاب ربي لان نسبتك ما تساعد ابدن .
وثانينا المعاهد ماوراها الا الدجه يعني وش بتسوين بالله بالشهاده بتصيري مبرمجة حااسب!
والا بلبل لغه!! اللي يسافرون يالله يجيبونها !! بعد ما يسكنون مع عايله
و هذي خريجين معاهدنا بللوآ الشهاده وشربوآ مويتها !!
انا بتخرج من جامعة الامام تخصص عربي => الحمد لله على كل حال
اول ما اجلس بالبيت اقرب تحفيظ لين الله يكتب لي وضيفة .
قدمي على اي مكان وضيفه بشهادة ثانويه . مثل : تكوني كاشير على كافيها الجامعات . استقبال بالمستوصفات !
والباقيات تبي فيتامين ( و )
تقدير تشتغلين بالبيت شوفس مولك . طبخ ! خياطه ، رسم ابدي باي مجال لا تجلسين كذا
اسال الله لك التوفيق
.. لا اله الا الله والله اكبر والحمد لله ...

الله يوفقك يا قلبي،،،

الله يفرج لك ياعسل عاجلا غير آجل وتنقبلين ياللي فيه خير لك .
شوفي ياقلبي أنا كنت أستاذة العام الماضي بكلية خدمة المجتمع والتعليم المستمر بجامعة الإمام في الفترة المسائية دبلومات.
طبعا هالدبلومات مدتها سنتين وبمبلغ 20ألف - 25ألف للسنتين(تقريبا الترم ب5آلاف) .
فالعام جتهم مكرمة من الملك عبدالله وخلاها مجانية ع حسابه بس الجامعة ماأعلنت مايبون تسجيل كثير عشانه بلاش .
وأظن المكرمة للحين مستمرة مو متأكدة لأني تركتهم بس أنتي خذي شهاداتك وروحي لهم ولاتسألينهم هو فيه مكرمة ولالا خاف يقولون لا مافيه ((قولي أنا جاية أسجل بمكرمة الملك حقت الدبلومات )) بس مدري بالضبط متى يبدأ التقديم أتوقع كل بداية ترم بس أنتي روحي من بكرة إ، شاء الله .
موقعهم/بين مخرج 5و6حي النفل خلف شركة الفنار .
هذا اللي أعرفه وحبيت أفيدك فيه بس مو متأكدة إذا هالسنة نفس العام أو لا لأني مو معهم هالسنة.
دعواتك لي بالتوفيق في الدارين وأن ربي يفرج همي ويشفيني بالقريب العاجل أنا في أمس الحاجة لدعواتكم ياأخواتي الله يجزاكم خير..

وعليكم السلام ورحمة الله وبركاته .
صدقت حيووها اهم شي ادخلي تحفيظ اكسبي اخرتك قبل دنيآآآآآآآآآآآآآآك
صآآحبي نآآآس صآآلحه حيآآآتك تتغير بتحسسينك انساانه جديده كأأن ششي ولد في دآآخلك
قلبك يصحى من الغفله تقربيين من الله برضآآ الله كل شي بيصلح لك
الدنييا بتجيك رااغمه عن انفها راغمه عن انففها !
صدقيني صحتك وذااكرتك بالقرآآآن بتكون غير
وبعدين اذا لقييتي ششي مع التحفييظ يفييدك لاتتردين وادخلييه اعززمي وخليي عندك هممه اهم ششي لاتجلسسين بالببييت بدون فآآآيده
الله يسعدك ويكتب لك الخير والتووفيق يآآآآآآآآآآآآآآرب

إختي كثير من الجامعات فاتحيين نظام التعليم عن بعد .
عندك جامعة الملك فيصل أنا أدرس فيها تعليم عن بعد . الترم ب ( 2500 )
والشهاده معتمده والتخصصات روعه ( علم اجتماع + إدارة أعمال + إنقلش + تاريخ + عربي + جغرافيا + تربية خاصة )
وما يشترط نسبة معينه .
والدراسة 4 سنوات

>>شرايك نبادل انتي ادرسي بالجامعه وانا اجلس بالبيت ^_^
خذي دورات انجليزي وحاسب كلها شهادات تفيد بأذن الله
انا قبل ماكنت مصدقه انو في ناس تشتغل وماعندها شهادات بس لما شفت بعيني وحده معي تدرس وتشتغل .
ربي يوفقك ويسهل عليك يارب

الله يكون في عونك
ويكتبلك الخير
ويرزقك من حيث لا تحتسبين يارب