حلو بارد سويته اليوم وطار بعد الغداء تعالوا يابنات

شعلة الإيمان

31-12-2022 - 03:11 am

الخلطه الأولي
2- قيمر كي دي دي
1- كريمه حمراء
1- علبة جالكسي السائل
=====
الطبقة الأولي تتكون من:-
كيك شرائح فانيلا
====
الطبقة الثانية تتكون من :-
بسكوت دايجستف يصب علي كل بسكوته من الدايجستف ملعقة حليب سائل
=====
الطريقه :-
اول شي نصف الكيك بالبايركس وبعدها نحط طبقه من الخلطه الأولي
وبعدها نحط البسكوت الدايجستف بعدما شربنه علي كل بسكوته ملعقة حليب سائل
وبعدها نضع باقي الخلطة الاولي ونزين الطبق علي حسب الذوق انا زينته بالفليك وقطع
كاكاو مليتريز
بالعافيه
ملاحظة:- يصير تبديل بسكوت الدايجستف ببسكوت مالح دون الحليب
=======

التعليقات (9)

Genan88

31-12-2022 - 06:54 am

مشكورة أختي على الحلى اللي شكلة لذيذ بس ممكن توضحيلي بعض الاشياء بما أنك من الكويت فتسمية الاشياء عندكم
تختلف عن تسمية الاشياء عندنا في السعودية:
الكريما الحمراء قصدك فيها الجلي اللي هو الجلاتين و لاهو شي ثاني
وكم مقدار الجالكسي
كيك الشرائح الفنيليا قصدك السويس رول
ومشكورة أختي مررة ثانية على الحلى الحلو مثلك وبصراحة تحمست أسوية

ام غدير*

31-12-2022 - 07:55 am

مشكورة حبيبتي على هل حلو
شكله لذيذ شوقتيني اسويه

توتوه

31-12-2022 - 08:56 am

الكريما الحمراء قصدك فيها الجلي اللي هو الجلاتين و لاهو شي ثاني
كيك الشرائح الفنيليا قصدك السويس رول ... او قصدك الكيك العادي الجاهز...

شعلة الإيمان

31-12-2022 - 09:57 am

لا يالغاليه الكريمه الحمرا مثل علبة القشطه ولكن علبتها حمرا
والكيك هو الكيك الي بالقصدير علبه جاهز
واي سؤال من عيوني خواتي

دانة الدنيا

31-12-2022 - 10:58 am

اختي الغاليه شعلة الايمان
يسلموو على الحلو
الله يعطيك العافيه
تشكرات
ودمتي سالمه
مغليتك .. دانة الدنيا