حلو مشكلتي ربنا يرزقكم ويسخرلكم الطيب

هلا حبايب قلبي انا جديدة بالمنتدى سجلت زمان وماعاد دخلت بعد كدا
والان عندي موضوع اتمنى تساعدوني فيه ضروري ومتأكده انكم رح تساعدوني
بدخل بالموضوع على طول
الموضوع ومافيه
انا متزوجة وعندي اربعة الله يخليهم ليا هم كل دنيتي
غير اطفالي الاربعة عندي اتنين من بنات اختي الكبيرة انا اعتبرهم بناتي ومربيتهم على يدي
لان اختي الكبيرة انسانة مريضة جدا جدا فمن هم صغار وانا شايلة مسؤوليتهم
وكانهم بناتي
المهم البنات ماشالله عليهم قماري اخلاق وادب وكل شي لكن مايخرجون من البيت نهائيا
عشان والدتهم المريضة
وانا شايلة همهم ابغاهم يتزوجو زي البنات ويشوفو حياتهم
والعمر بيمضي قضو حياتهم كلها وهم محبوسين يهتمون باخوانهم وابوهم الكبير وامهم المريضة
وانا الصراحة امهم ابغى افرح فيهم واشوفهم مبسوطين ومستقرين
والناس ماهي دارية عنهم لانهم مابيخرجو والاب مشدد عليهم مايطلعو كثير لان والدتهم تحتاج عناية دقيقة جدا
طبعا في هالحالة فكرت بموضوع خطابة وكدا تكون ثقة مافيها شي الصراحة طالما مابيخرجو
حرام يقعدو كدا والعمر يمضي بلا زواج والبنات ياعيني عليهم حتى اذا نفسهم بشي ما يطلبو
ولا يشتكو ولا يقولو شي
اكيد لهم احلام وطموح و ابغالهم العفاف
طبعا طلعت ارقام كثيرة لخطابات من النت
طلعو كلهم جوالاتهم مقفلة مافي الا كم وحدة ردت عليا ومن تكلمنا ماعاد ردو
فالمطلوب اخواتي
ياريت تعطوني رقم خطابة ثقة وتخاف الله بجدة
اكون لكم شاكرة ورح ادعيلكم بظهر الغيب