حلويات الكويت المكشوفه انقذوني يابنات

قلبي هذا الحلى تلاقينه عند ماينا شوكولاته... الكيلو ب 160 ريال
مسوين قسم لحلويات "الجوهرة سويتز" وهذا اللي قلتي...تمر مغمس بشاكلت أزرق... وتمسكينه بعود قرفه...معه تشكيله كبيره... وهو ضمن قسم الجوهرة..
بس ..انتبهي...العامل اللي هناك .."عامل الإستقبال" أسمه منير أعتقد ... سوري أضن...مره نصاب.
يقول لك الصينية خذت مني كيلو وهي ما أخذت الا 750 غم مثلا..
أتمنى أكون أفدتك..
آه تذكرت فيه جنبه ..محل شاكلت عنده حلويات كويتيه مره حلوه وطعمها جنان .. بس شكلها عادي.
وفيه بعده محل شاكلت بعد... عنده حلويات فرنسية...بالحبة (5ريال)الوحده...تقدمينها بطريقة مبتكره.
إذا تبغين أفكار خبريني
بالتوفيق

ياقلبي مره مره شكرا على المساعده الله يوفقك يارب ويرزقك عاجلاغير آجل.بس حبيبتي ياليت تعطيني موقعه بالضبط وتكفين اذا عندك افكار ثانيه رجاء لاتخليني وياليت تكون محلات فعلا مميزه بشغلها لاني بصراحه ماعندي وسيلة مواصلات هناك الا تاكسي فالدعوه راح تكون صعبه شووي فياليت تساعديني بالمفيد الله يسلمك يارب

قلبي هذا في الرياض موب في الكويت!
شارع الثلاثين..
تبين من الرياض عطيتك أفكار ومحلات>>بنت الرياض
بالتوفيق وألف شكر لهالدعوة الحلوه...الله يرزقك بالمثل

آها بس تصدقين اول مره اسمع عن هالمحل طيب غريبه ييعني الحركه مره حلوه شلون ماانتشرت عند العالم عادتصدقين شفتها بعرس قالت لي من الكويت

طيب هذا الحلى الفرنسي وين احصله؟؟

كنت حاطة منه في حفلة عندي يوم الخميس..
والله حتى أنا استغربت لمن تنحت مرت أخوي ...لأنها قمة في الذوق وصاحباتها مو أي أحد كلهم شيوخ وبنات عز!!
مره أنجنت عليه ...أستغربت أنها ماتعرفه!!
----
شارع الثلاثين ... تكون الفيصلية خلفك...
بعد لك كل محل وبإيش مشهور:-
1-على اليمين جوي...ألوان التغليف حقه... الشاكلت اللي يالتشيز كيك..
الشاكلت المكشوف الملون.
2-سوشيه برضه على اليمين..
مشهور بالبيتيفور..اللي بالسينمون وتارت التفاح.
3- ارجعي Uبعدين بيجيك على اليمين ..
ستوديو الشيكولاته<<<مره خاس معد عنده شي حلو.
بعده محل اسمه سنفيتون برضه خاس ..كان مره حلو..
بعده محل كان اسمه نتالين بس غير ما حفظت اسمه الجديد..عنده الحلويات الكويتيه اللي قلت لك.
4- بعده ماينا... عنده المكشوف الملون بالكيك والتمر....الخ
5- بعده المحل الفرنسي مدري شسمه بعد قلت لك عنه..
6- فيه كمان لونوتر ... بس حلو للحفلات الصغيره ..
7- فيه كمان So
----
هذا بالنسبة لشارع الثلاثين رح أرجع أذكر لك محلات ثانية بمكان آخر

دونيه :-
شارع العروبة حلو لحفلات البنات.
لافندر:-
شارع التخصصي قبل إشارة طريق الملك عبدالله..
معروف بالموالح اللي كيلوها ب200..
ممكن تخلطين معاها اليابانية اللي كيلوها ب120.
كمان الآيسكريم حقه مره رهيب في التقديم..
تجيبين صينية تغطينها بالثلج ومكعبات الثلج اللي تنور.. بعدين تحطين الآيسكريم عليها.
كمان فيه عندهم شاكلت جوه تلاقينه ماعرضوه ،،، المهم هذا الشاكلت جاي بقراطيس زي حلويات الأطفال.. شكلها عادي جدا ... بس حلوه وذوق.
puplurs
أعتقد أسمه كذا بس تلاقينه في الفيصلية في هارفي نيكلز.. الدور الثاني..
عنده حلويات مره فظيعة
وموالح خيال الكيلو ب200 بس بجد غريبة
فيه فرع ثاني له بمملكة المرأة.
----
هذا اللي جا في بالي الحين بس أكيد البنات بيساعدونك

بنت السعوديه
تسلم اناملك
ماخلتي شئ

يسلمو اختي عالمعلومات افادتني كثير