حلى بكريم الكراميل روعة و سهل وسريع

هلا يا حلوات
الحلا اللي عندي اليوم مرة سهل و سريع
المهم بدخل في التفاصيل بسرعة
المقادير
لكل طبقة تبغينها تحتاجي الى:
1 ظرف كريم كراميل
1 علبة قشطة وسط
1 بيالة حليب سائل
2 ملعقة من النكهة المميزة لكل طبقة (نسكافيه ، قهوة ،كاكاو....) او حتى تخليها بدون نكهة اضافية
علبة بسكويت شاي ( مع زبدة او حليب عشان تكوين الطبقة الاساسية الاولى)
الطريقة:
اول شي طبعا تحطين البسكوت في صحن (ممكن تشربيه حليب او تفتته مع زبدة شوية او حتى عصير تحبيه)
لازم بس الصحن يكون عالي شوية لانو الطبقات لازم تظهر
بعدين الطبقات تسويها زي كده:
حطي الحليب و القشطة و ظرف الكريم كراميل و النكهة(اذا تبغيها) على النار الخفيفة مع بعضهم
و قلبي كويس الين ما تحسي انو الخليط اتجانس و بادي يقل معاكي شوية (3 دقايق على الاكتر)
صبي الخليط فوق البسكويت بسرعة قبل ما يجمد عليكي و ما تقدري توزعيه بصورة حلوة و استني دقيقتين قبل ما تبداي تسوي الطبقة التانية (عشان تلحق الاولى تجمد ما تاخد غير 5 دقايق على الاكتر)
سوي الطبقة التانية بنفس الطريقة بس غيري النكهة اللي فيها
و صبيها فوق الاولى اللي بتكون الحين جمدت خلاص
اذا تبغي بعد كمان طبقات سوي
و بعدين دخلي التلاجة الين يبرد
و بالعافية على قلوبكم