حلى لذيذ مره بالقشطه والجاموس

هلا فراشات
كيفكم وحشتوني
كنت في المدينه ودقت حلى عند بنت خالتي ومره عجبني أخدت منها الطريقة
أبغاكم تدوقو والله مره لذيذ وسهل وما ياخد وقت
المهم طريقة الحلى هيا
تجيبي بكت بسكوت شاي وتكسريه بيدك وتحطيه بشكل عشوائي في الصينيه
حطي في الخلاط علبتين قشطه وعلبه حليب نستله و6 حبات جبن كيري وظرف دريم ويب
وصبي الخليط على البسكوت
وحطي في الفرن لمدة عشر دقايق
خرجي من الفرن وحطي عليه صوص الشوكولاته الجاهزه وحطيه في التلاجه على طول
وبالعافيه
عاد لا تنسوني يالردود اللي تشرح الصدر وللي تسويه تقلي كيف طلع معاها