حماصة الخبز

السلام عليكم ورحمة الله وبركاته
مادري هل هذا هو المكان المناسب لوضع موضوعي ولا لا !!!!
بس صراحه هذا قسم خااص بالمطبخ وما يدخله الا راعياات الطبخ والنفخ ماشاءالله عليكم
المهم ماابي اطول عليكم
حماصة الخبز اكيد تعرفونها اللي تضغط الخبز وتحمصه
امس باليل واحد من اخواني قاام انصاف الليالي جوعان ودخل المطبخ عاد الرجال لا دخلو المطبخ يعفسوون الدنيا حتى لوكان يبي كاسه مويا المهم جااخوي المحرووس سواله كبسه خ امزح سواله سندوتش جبنه مع بيض وكثر جبن شكله وحطها بالحماصه عشاان تتقرمش المهم تعشى وبالعافيه ياخوي
قمت اليوم الصباح والحماصه الله لا يوريكم جبن ناشف لاصق بالحماصه وكم قطعة بيض وخبز
جينا للمهم اللحين اشلون انظف الحماصه الجبن لاصق فيها محروق شوي فكرت انقعها بمويه بعدين اغسلها بالمويه والصابون مثل اي صحن بس خفت انها تخرب لانها بالكهرباء
حكيتها بالملعقه تخدشت
وش اسوي قولولي تراني جوعانه ابي اسويلي فطور سندوتش جبن ومو عارفه اشلون انظفها
وسوري اذا طولت عليكم