حوار دار بين نورة ومنيرة مررة رهييب شوفو نهايته

1. وزياادة أي عيد يسونه انتي تحتفلين فيه معهم

) طقاق وحوار دار بين نورة ومنيرة ..مررة رهييب شوفو نهايته (
منيرة /نورة ابسألك هل تحبين أمك؟
نورة_ أكيد احب امي!
منيرة/ طيب وش سويتي لها ؟
نورة- كثيير واخر شي عطيتها هدية في عيد الأم.
منيرة / وش رايك بعيد الأم ؟
نورة- عيد الأم رهييب ولقيته فرصة لأبر أمي ولو بالقليل.
منيرة / يعني انتي تحبين برها، ليش؟
نورة- لأن قدمت لي الكثير والله أمرنا أن نكافأها ونهتم ببرها .
منيرة / طيب وش جزاء البر عند الله؟
نورة- اولا البر جزاءه الجنة لأن الجنة تحت أقدام الأمهات ،وثانيا عيالي بيبروني اذا كبرت.
منيرة /يعني أفهم من كلامك انك هدفك انك تبين ترضين الله عليك عشان يدخلك الجنة؟
نورة- أكيد طبعا
منيرة / طيب اللي أعرفه ان الله ما يحب ولا يرضى على عيد الأم ، كيف تحبينه وانتي تسوين اللي مايحبه!
ولايوصلك الى الجنة بالعكس يبعدك عنه ويزيدك سيئات بدل الحسنات!!!
نورة- صدق!!
فعلا كلامك صحيح كيف اطلب رضى الله بشي هو مايحبه وبيزعل الله علي !!
منيرة/انتي تدرين ليش عيد الأم ربي ما يحبه ؟
نورة - لا ، ماأعرف
منيرة/ أنا ابقولك ليش ، بس ابسألك قبل:
انتي تحبين الكفار ؟
نورة - أكيد لا لا!!
أكرههم وخاصة ان الفترة الأخيرة متسلطين على المسلمين في كل مكان ويذبحونا في فلسطين والعراق .
منيرة/طيب اللي يكره شخص يحاول يقلد افعال اللي يكرهه واللي يعاكسه وينفر من أي شئ يسويه؟
نورة - لا ، طبعا اذا اكره شخص ابكره افعاله.
منيرة/ طيب انتي مع احترامي لك (تكذبين) ؟
نورة - نعم ما سمعت!! أنا أكذب !!
منيرة/لا تزعلين مني والله اني احبك لكن ابقولك ليش، لأن فعلك شي وكلامك شي أخر يعني عندك تناقض
لأنك لو تكرهين الكفار مثل ما قلتي ،ماراح تقلدينهم بأي شي وخاصة عقائدهم وأعيادهم بالعكس أنا الاحظ انك تحبينهم مررة وتموتين فيهم!!
انتي ما سمعتي الرسول وش قال في هذا الموضوع؟
نورة - لا وش قال؟!
منيرة/النبي صلى الله عليه وسلم قال : " لتتبعن سَنن من قبلكم شبراً بشبرٍ وذراعاً بذراعٍ ، حتى لو سلكوا جحر ضبٍّ لسلكتموه ، قلنا : يا رسول الله اليهود والنصارى ؟ قال : فمن !؟ " ، رواه البخاري
فقد أخبر النبي صلى الله عليه وسلم عن ان أمته بيجي يوم وتقلد اليهود والنصارى والفرس في كل شي ، وليس هذا – بلا شك – من المدح لفعلهم هذا بل هو من الذم والوعيد لمن يعمل هذا.
نورة/ يالله انتي توصفين حالنا الشباب والبنات!!
منيرة/ الصراحة انتي تموتين فيهم مرة، اشوفك متابعه اخبارهم اول باول ما يفوتك شي !
أفلامهم ..أخبار فنانيهم ...تسمعين أغانيهم..تلبسين مثل لبسهم ..تقرين دايما عنهم ..

وزياادة أي عيد يسونه انتي تحتفلين فيه معهم

بصراحة( احيانا اشك انك مسلمة ..بس الحمدالله انك تصلين والا كان صدقت انك منهم )معليش انا قسيت عليك ،لكن انتي صديقتي واختي واحب لك الجنة مثل ما احبها لنفسي والصديق اللي يعلمك اخطائك عشان ندخل الجنة مو اللي يداريك ويكذب عليك .
نورة/ يمة خوفتيني، كلامك صحيح!!
تصدقين كلامك في مكانه ،انا فعلا صرت اقلدهم واتابعهم وانا ماأحس!!
يالله ياحبيلك يا منيرة نبهتيني لشي عمري ماانتبهت له ..ياارب عسى يتوب علي
(استغفرك ياربي ..ياحبيبي ..أنا غلطت كثير وانا ماأحس يارب تهديني لكل ماتحب وترضى)