حيآكم على عزومتي ياعسولآت وبالصور طبعا

أما العشا فكان :
مرقوق
كشري
ساندويشات دجاج
ورق عنب
أفخاذ دجاج
سلطة مكرونه
وراح اكتب لكم وصفات بعض الأطباق مو كلها
يتبع <<<<<

الكشري
ال مقادير :
2 كاس رز
4 لفات شعيريه
نص كاس عدس
ربع اصبع زبده
2 بصل
2 ملعقه طعام زيت
ملح - ملعقة شاي كمون
الطريقه :
ينقع الرز في ماء حار
2- يسلق العدس نص سلق في ماء وملح
3- تحمس الشعيريه في قليل من الزيت لتتحمر
4- يحمس البصل ليتحمر جدا ثم نضيف الكمون ثم ماء وفير ثم ملح وماجي
ونضيف العدس والرز والشعيريه لما البصل ويترك لينضج
أما الصوص :
3 ملاعق زيت - 2 بصل - 3 طماط - 2 ثوم - بيالة خل - ملعقة سكر
( تحمس المقادير ربع ساعه ثم تخلط بالخلاط )
وأخيرا نسلق كاس مكرونه في ماء وملح وم زيت
الافضل مكرونه صغار بس زوجي الله يهديه ماجاب لي الا هالنوع
وبإمكانك تزيين الطبق بشرائح بصل مقليه أنا ماحبيت احط
وصراحه الكل مدح الكشري وانبسط عليه
الحمدلله ما ضاع التعب

أفخاذ الدجاج
عجينة بف باستري
أصابع بطاطس
دجاج مفروم
جزر مبشور
بقدونس
ملح - بهارات
بيض - بقسماط
الطريقه :
أول شي نطلع عجينة البف باستري من الفريز ونتركها برا لجل يفك التجمد
بعدين
نسوي الحشوة
اللي هي دجاج مفروم تحطينه عالنار انا بعد ما احمسه تنزل منه مويه فأصفيه
ثم أرجعه على النار وأضيف له الجزر والبقدونس و أحط بهار مشكل و ملح
بعدين ناخذ شريحة البف باستري و نفردها فرد بسيط و نقطعها 4 قطع
يعني خط طول و خط عرض وتصير عندك 4 مربعات
نحشيها و نحط جزء من اصبع البطاطس داخل الحشوه ثم نسكرها
وتشكلينها بشكل فخذ
ثم تغمسينها بالبيض و البقسماط و تقليها
وبالعافيه على قلوبكم
وباقي الوصفات ان شاء الله أكتبها بالصفحات الجاية

تسام الايادي

تسلم يدك
تبارك الرحمن
ان شاء الله الليله اصلح افخاذ الدجاج
والله يحفظلك اهلك وزوجك وتتهني بالشقه

احم احم
ماشاءالله وش هالزين
ياعسى سفره عامره يارب
والله من زماان وانا ابي طريقة الافخااذ
اذكر قد سويتها ونسيتها
ماهنا ذاكره الله تخلف
من جد روعه وابداع في الطبخ والتقديم والتصوير وطرح الموضوع بعد
مشكوره حبيبتي ولنا لقاء في مواضيع جديده

والله ماقصصرتي من جد مبين انك تعبتي
وبالعافيه على اهلك ومبروك الشقه الله يهنيكم فيها ويكفيكم شرها

ما شاءالله تتهني فيها يا رب
و عساها سفرة دايمه و بيت عامر

ماشاء الله عليك والله سنعه
سفره دايمه