حياتي وزوجي على حافة الهاوية

السلام عليكم ورحمة الله وبركاته
كانت الامور مستقرة من لما خطبني وملكنا وحبينا بعض لين خلاص قرب الموعد وبدت تظهر المشاكل بيننا
وكان اغلبها كلها مني وجيت هنا وطرحت مشكلتي والحمد لله انحلت لكن بعد كذا صارت الامور مو طبيعية
لين مره تهاوشت معه وقفلت منه حسيت بجمود وصداع وكنت اصرخ وعلى طول جابوا شيخ وقرا وطلع فيه سحر معمول علي وفعلا كانت اغلب المشاكل تطلع مني وانا لاحظت هالشيء وهو ملاحظ وصابر وساكت ومتحمل ولما عرف وقف معي و ماتركني الله يسعده ويجزاه الجنة ويحفظه ويخليه ايده بإيدي ويشد علي وماكان يحسسني بأي ضعف او عجز ..
ولما بديت اصيطر علي نفسي واهلك العارض بدت الامور تتغير من ناحيته ولما كلمني وصارحني انه الهدايا حقتي نقلها من الغرفة حقته ومو طايق يسمع صوتي ولما اقوله بجي عندك يحس بجسمه نار هو عرف انه صابه ماصابني ولما عرفت انا على طول قفلت ودخلت في نوبة بكاء وغضب وقهر وهو كان يرسل لي مسج انه لاتتركيني ابيك واتصل علي 3 مرات وبعدها ماعاد اتصل انا كان وقتها مبهذلة وحالتي النفسية صفر وماكان بداخلي الا بركان ثااير وانتقام من جدي اللي ما اكتفى بس بأمي وابوي وفيني جا الحين يكمل على زوجي اللي ماله ذنب ..قعدت كذا ساعة ورجعت اتصل عليه اول ماسمعت صوته قعدت ابكي ماقدرت امسك نفسي حسيت بالذنب حسيت بالقهر لانه تأذى بسببي حسيت بغليان لانه لما قربت الامور خلاص بدا يخرب كل شيء .. هو فهم اني سحبت عليه وتركته وصار يقولي انتي كسرتيني جزاك الله خير وحلوة هالمواقف تبين لك الشخص اللي قدامك وصار فاهم السالفة غلط وخلص الشحن ورجعت دقيت عليه وعطاني مشغول وارسلتله كذا مسج انه لما سويت كذا كان قصدي انه مابين له ضعفي في وقت هو بحاجة لقووتي كان قصدي مراعاة له مو سحب وتخلي .. امس يقولي الامور معك وصلت لمرحلة ماكنت اتوقعها توصل معك انتي بالذات انه وصل لمرحلة خلاص فاض فيه الكيل انتي جدار و لكن لما قالي باللي صار يحس فيه عذررته وربي
ايش اسوي والله مابي اخسره لاني احبه وهو برضو يحبني ولاعمره قصر معي بشيء
وكنا خلاص على وشك هو يدخل دورة وبعدها بنسوي الفرح وجت هالامور ..