خلف اسوار الحجاز

عبدالعزيز:غريبه عمي خالد ماقالكم هواللي مخرجني
هاني:لاماقالنا ليش ايش دخله ابويا
عبدالعزيز:في القسم سألني الشرطي انت مين قلتله عبدالعزيز صرخ قالي عبدالعزيز مين اسمك بالكامل
قلتله بكل فخر:عبدالعزيزبن عبدالرحمن بن عبدالعزيز ال وكنت اتميع بالهرج ووقفتي مايله قالي الضابط عدل وقفتك واهرج زين انت ويش يصيرلك الضابط خالد بن عبدالعزيز ال........
قلتله يصير عمي قالي: خساره منت رجال زيه
اناخلاص ثار دمي هنا قلتله بصوت عالي: وغصبن عنك رجال انت اللي مورجال
عصب بعدين صار يسألني اسئله وانا ولاكلمه طلعت من فمي واذاكان الجدار اللي وراي يتكلم كان تكلمت قالي: هات رقم ابووك ويعيدهات رقم بيتكم مارديت قال للشرطي اللي جنبي فتشه وجيب جواله
اناقيدي عارف الشغله ومقفل جوالاتي من البدايه ورميتها له على طاولته
قالي: افتح جوالك
ولمامالقي مني رد قال للشرطي ياخذني وقبل مااخرج قالي: اعرف منهو عمك واعرف كيف اجيبك
نظرت فيه باستحقار وقلته: سوي اللي تبي ماتهمني انا خارج يعني خارج
المهم بعد ساعه مادريت الا والشرطي يناديني رحت معه لغرفة الضابط اللي اول ودخلت والا الاقي عمي خالد جالس عند الضابط سلمت عليه وانا شاق الحلق والضابط اللي على الكرسي يكلمني باحترام وقالي اتفضل وقعدت وجلسنا ندردش بعدين سمحولي اخرج بكفالة عمي خالد عاد قالي ماني قايل لاابوك بس هذي اخر مره تحط نفسك بهذا الموقف قلتله ان شاء الله صار
ورحت للبيت والله لايوريكم استلمني ابوي تهزيء
هاني:مين قاله
عبدالعزيز:صاحبه اللي جاني وانا افحط ماكفاه الاهبل اشتكاني لاابوي وللشرطه
ريان:حرام تظلمه يمكن واحد ثاني علم الشرطه
عبدالعزيز:لاابوي قالي انه اشتكاني للشرطه هو بينه وبين ابوي سوء تفاهم وانا اللي رحت فيها
سلطان:انالما اصير قد عبدالعزيز بصير زيو
عمر:لاتكفى مجنون واحد في العائله وياالله يالله مستحملينه
عبدالعزيز:دورلك قدوه احسن مني والله التفحيط مرض ماانصح فيه بس يالله ايش نسوي الله يسامح اللي كان السبب
دنق عبدالعزيز يحبس دموعه هاني بس اللي شافه مسك هاني يد عبدالعزيز وضغط عليها بقوه هو الوحيد اللي يعرف كل شي عن عبدالعزيز يعرف اشياء مايعرفها صديق عبدالعزيزاللي جداًمقرب له وهوا فادي رفع راسه عبدالعزيز وكانت دموعه محبوسه في عيونه وقال بصوت واطي:تدري انها حامل في الشهر الثاني
هاني:ايش دراك
عبدالعزيز: يوم السبت اللي فات كنت مع فادي في السياره وقالي بنمر على اختي في المستشفى زوجها عنده شغل ضروري مايقدر يجيبها وتوها دقت علي اروح اجيبها انا انفجعت عرفت انها هي لان هيا الوحيده المتزوجه اختها الثانيه صغيره
قلتله: خير سلامتها
قالي: خير بس بصير خال بعد سبع شهور
ويكلمني وهوا فرحان وانا قلبي انقبض
قلتله:نزلني وروح انتا
قالي:عيب هذي سيارتك وبعدين مابيننا هذا الشي وماهي اول مره اوصل اهلي مكان وانتا معايا لاتكون متخلف منتا آكلها انت
اصريت عليه الا انزل قلتله نزلني في مقهى الانترنت وروح لها
هاني:خلاص انساهاوارجعلنا عبدالعزيز اللي زمان شوف شكلك كيف صاير رايح نصك وبطل من الدخان والله تراك تودي نفسك للهلاك عشان وحده ماهي حاسه فيك
جا عبدالعزيز بيتكلم نط عمر وقال: اش عندكم تتكلمو بصوت واطي
هاني:اسرا ر ماتنفع تتقال للصغار وضحك
عمر وهو يخنق هاني بمزح:احسلك قول والا موتك على يدي وضغط على حلقه بقوة
هاني:سيبني لااسوي حادث حرام معنا ارواح بريئه
عمر:قولي اول اش كنتو تقولو
هاني: ياورع سيبني عبدالعزيز اش فيك ساكت شيل اخوك عني
عبدالعزيز وهو ضايق خلقه:عمر بلاحركات بزوره سيب الولد يسوق
عمر ترك هاني وقال:سيب والاصاله وضحك هو واللي جنبه بس اما هاني وعبدالعزيز ماضحكو
عمر:عبدالعزيز اش فيك لايكون زعلك الورع اللي جنبك
عبدالعزيز:مافيني شي حرام اقعد هادي
ريان:ماتعودنا عليك هادي ياابو العز طول عمرك مسويلنا جو ولا اروع منه الكل يحسد اصحابك عشانهم مصاحبينك يقولون انك فله وماتحب ان اللي معاك يكون زعلان
عبدالعزيز:انا ابغى انام لاتسوو رجه ونزل الكاب على وجهه
اتذكر عبدالعزيز لماجاه فادي في المزرعه كان عبدالعزيز يعتني بالخيل
فادي:اهليين ابو العز كيفك وكيف الخيول معاك
عبدالعزيز:تمام وحتى الخيول اسمعها تسلم عليك
فادي:ههه بس بلا بكش
عبدالعزيز:لامن جد تراها تحس ومايفهمها الاصاحبها
فادي:اقول اتركك من الكلام الفاضي (وعن حسن نيه قاله)وهذا كرت زواج اختي لا اوصيك لازم تجي
عبدالعزيزحس انه صوته انقطع ومو قادر يتكلم يادوب طلعت منه :مبروك عليكم
خرج فادي من عند عبدالعزيز وعبدالعزيز ماحس على نفسه الا قدام بحر جده
جلس يبكي بصمت وكانت الساعه3ونص الفجرجاب من السياره ورقه وقلم وحس انه لازم يفضفض عن اللي بقلبه وافضل شي انه يكتب عشان يرتاح
اتيتك يا بحر يا صديقي الصدوق حزين
اتيتك اجرجر ورائي خيبة امل مريرة
اتيتك القي بنفسي علي شاطئك باكي
اتيتك القي بخوفي وضياعي بين امواجك الحنونة
اتيتك بدموع مُرة صامتة
اتيتك بحب تحطم بين صخور المستحيل العنيدة
اتيتك عاري من الداخل كالصحراء تعصف بها رياح شديدة
اتيتك بكتابي حروفه وكلماته صارت ذكريات مؤلمة
اتيتك بايام وساعات الفرح الجميلة
اتيتك احضن بين ذراعي نهاية قصة حب موجعة
اتيتك انثر رماد حبي في ليلة عرس ظالمة
اتيتك لاانقل اليك خبر زواج حبيبتي ونهايةحياتي
واستغرق في نوم عمييق
اخذو نص ساعه الشباب ساكتيين بعدين قال عمر:هاني بجد عبدالعزيز اش فيه موطبيعي تو كان يضحك ويتكلم اش قولتله
هاني:لاتقلق بيصير احسن لما يصحى من النوم
عمر:اخاف تجيه حاله الاكتئاب اللي قبل سنه انا شفت في عيونه حزن
هاني:لالاتخاف هذيك الحاله عدت على خير
عمر: والله اني خايف انت ماشفته ذيك الفتره مومعقول عشان ابويا ماوافقله على اللي يبغاه قلب الدنيا واضرب عن الاكل اربعه شهور احس انه في شي غيره لان عبدالعزيز ماهو من صنف الشباب اللي يتعلق بسرعه
هاني:مين قلك اني ماشفته انا كنت زي ظله بذيك الفتره وبعدين لاتقلق ياعمر اخوك بيكون احسن
عمر:يعني كان عندك كيف حلفتلي انك ماتدري وينه
هاني:لانه كان محلفني مااتكلم وبعدين كان يدق عليكم كل فتره وفتره خلاص انسى انتا تبغى عبدالعزيز لاتذكره بذيك الفتره لاني ماصدقت ينسى ويرجع لنا
عمر:انشالله لوانه ودي اعرف اش اللي خله يسوي اللي سواه ماعلينا اسوق عنك شكلك تعبت
عمر ماكان هامه تعب ولدعمه قدماهو هامه اخوه اللي ماهو عارفه اش فيه ووده يكون جنب اخوه
هاني:ياليت انا اباخذلي غفوه لين نوصل ساسكو
وقف هاني السياره على جنب ووقف عمه وابوه من وراه نزل عمر وهاني وابهاتهم
ابو عبدالعزيز:خير ياعيالي اش فيه
عمر وهاني ضحكوعمر:لابس ياابويا ابجي مكان هاني في السواقه عشان يريح
ابو هاني:فجعتونا ياعيالي يبغالنا ياعبدالرحمن السفره اللي تجي نسوي زي الشباب نسافر بسياره وحده عشان نتناوب على السواقه
ابوعبدالعزيز:عشان نسوي زي طاش ماطاش واكثر
الكل:ههه
ورجعو لسياراتهم وكل واحد راح يطمن زوجته ان العيال بخير
كمل عمر واخذ ينظر بكل حنيه في اخوه اللي كان غرقان في النوم وكأنه من زمان مانام عمر مره حساس وحنون وقلبه كبير عكس اخوه
قام يتذكر لما كان في غرفة شروق يتناقر معاها وسمع رجه في الصاله ونزلو ولقيو ابوهم واخوهم عزوز يتكلمون بصوت عالي اول مره يشوف اخوه يتكلم بكل جراءه مع ابوه واول مره يشوف اخوه القوي باالضعف والانكسار هدا
عبدالرحمن اللي بطبعه شديد على اولاده وعيال اخوانه لدرجة ان الكل يخاف منه ويحسبله الف حساب وطبعا شدته هادي لمصلحتهم
ريان:عمر وين رحت تعديت ساسكو
عمر:هاه انا فين ساسكو..... وين ساسكو
ريان:والله انك اهبل ارجع لوكنت نايم شكلك تكمل على جده
عمر:خلاص ياابويا انا راجع
رجع عمر لمحطه ساسكو وقابل عمه وابوه اللي كانو معصبين صحيو اللي كانو نايمين
ابوعبدالعزيز:اش هذا ياعمر مو قلنا هنا نوقف
ريان :الله يعينك ايش يفكك
قرب عمر من ابوه:نسيت ياابويا معليش
ابو عبدالعزيز بعصبيه:لاتسوق اذا كنت تنسى اخاف بعدين تنسى نلاقيك في القصيم
عمر: انشالله
ابو عبدالعزيز بصوت عالي:انشالله توصل للقصيم
عمر بارتباك:لاانشالله ماعاد انسى عشان مااوصل القصيم
رجع عمر عند الشباب اللي كانو مييتين ضحك عليه
عمر:وجع بااشكالكم تضحكون علي
هاني:شكلك يجنن وانتا واقف قدام ابوك ومنزل راسك
عبدالعزيز:لانكم ماجربتو ابويا على الاقل ابوكم مو شديد زي ابويا
ريان يعشق التصوير:نفسي اصوركم ياعيال عمي لماتتهزؤو من ابوكم شكلكم يجنن طول بعرض ومنزلين الراس ههه
عبدالعزيز:بايخ بس لاتموت على نفسك ماخليت شي ماصورته حتى احنا بتصورنا وبعدين هذا من الاحترام اللي ماتعرفه يادوب
ريان يجري ورا عبدالعزيز :والله لاامسك انا مااعرف الاحترام
وقامو يجرو ورا بعض لين
شافهم عبدالرحمن وصارخ عليهم:عبدالعزيز ريان اش الحركات هذي اش خليتو للبزوره وانتا ياعبدالعزيز تجري ورا واحد فرخ
الشباب ماتو ضحك على عبدالعزيز وريان
وخاصة لما قال على ريان فرخ جوو عند الشباب
عمر:احسن ذوقو من اللي اخذته
هاني وهو مييت ضحك:كل كوم والفرخ كوم (يقول وهو يقهر اخوه):يافرخ
ريان:ماغيرك الفرخ والله معكم حق يوم انكم تخافون منه احس كلامه يجلجل بقلبي الحمدلله على ابويا يازينك ياخلودي
ذكرني باابويا عبدالعزيز لما كان يخاصمنا واحنا صغار
عمر:اللي خلف مامات شوف ابويا طالع على ابويا عبدالعزيز وعبدالعزيز اخوي طالع عليهم
عبدالعزيز:والله لمااجيب بزوره ماراح اسويلهم اللي سواه فيني ابويا راح اخليهم على راحتهم
هاني:كلام بس
كملو هرج وسواليف وبعدين اتغدو
عند الحريم
اسيل:شوشو تعالي عندي مره طفشت من هرج ماما وبابا
شروق:طيب بروح استئذن من بابي
راحت شروق عند ابوها وكان معاه عمها وواحد على بالها انو عبدالعزيز لانو معطيها قفاه
شروق:هاي على الحلوين
خالد:هلا حبيبتي
هاني رخى راسه وماانتبهت لاارتباكه شروق
عبدالرحمن بحنان:اش تبغي ياقلبي
شروق بسرعه:بابي ابغى شبسات وحجر للهتفون وابغى اروح سياره عمو خالد عشان نتسلى انا واسوله
عبدالرحمن:اوكي حبيبتي براحتك وانتا ياهاني روح جيب لي شروق حجر وشبسات وعصيرات
شروق توها تلتفت على هاني ومره انكسفت على بالها عبدالعزيز ومن الخجل راحت بسرعه وقابلها ريان
ريان:بشويش يامطفوقه لاتصقعي
شروق مافحالها تناقره:انتا ماتسيب احد في حالو
راحت شروق وهي متفشله صح انو خطيبها بس لسى كلو كلام راحت جهة سيارتهم نسيت انها بتروح لسيارة عمها نادتها اسيل وراحت عندها
اما هاني داب لما سمع صوتها وشافها يالله كيف اقولها اني احبها
عبدالرحمن:هاني وين وصلت اقولك روح جيب اللي قالت عليه شروق
هاني بارتباك:طيب
راح هاني وجاب لشروق اغراضها وودها
راح جهة باب امه
ساره:هلاحبيبي
هاني:امي خذي اعطيه البنات ورا
ساره:يعني لو شوشو ماهي فيه ماجبتلنا
هاني اتكسف:لاوالله ياامي هيا طلبت عمي وعمي قالي جبلهم
ساره:اها طيب بس لااوصيكم لاتسرعو
هاني:من عيوني ياعيوني
وراح وكانت في عيون تراقبه كانت شروق تنظر فيه بكل حب دخل السياره سلطان
سلطان:ابله شروق
سلطان يمرر يده قدام وجهها:ابله شروق سرحانه فيني
شروق انتبهت:هاه اش قولت
سلطان يبتسم:سرحانه فيني؟
شروق:ههه ايوا
سلطان:بكاشه
اسيل:خير اش تبغى
سلطان:احد كلمك انتي
سلطان يلتفت على شروق:بتروحي في سيارتنا
شروق تهز راسها وتبتسم
سلطان:واو فله اجل انا مني رايح مع الشباب
اسيل:اقول فارق مانبغى رجه
سلطان:انتي اللي رجه وماني مفارق انتي فارقي
وفضلو اسيل وسلطان على مناقرتهم الين وصلو ركبو الباقين سياراتهم وكملو
في سيارة الشباب ساق عبدالعزيز
عبدالعزيز:عمر وين كنت يوم نسيت ساسكو
عمر:هذي بركتكم كلكم نايمين وانا سرحت وماانتبهت لساسكو
هاني:اللي ماخذ عقلك يتهنى به
عبدالعزيز:من ورانا ياعمر
عمر:خلاص كذبتو الكذبه وصدقتوها كنت سرحان في الدنيا
هاني: اش فيها الدنيا
ريان:الدنيا حلوه
عبدالعزيز: من وين لها حلوه الدنيا تفرق ماتجمع لاتنخدعو فيها
ريان: انتا دائما متشائم اش ذنبها الدنيا اذا كنت متعقد من شي
عبدالعزيز تغيرت ملامح وجهه لحزن شافه عمر
عمر:ريان يمدحون السكوت للي زيك
عبدالعزيز:اش فيك عليه هو صادق ماغلط
ريان:يعني من جد انتا متعقد من شي بس تصدق مو باين عليك دائما مبسوط عمري ماشفتك متضايق ماشاالله عليك
عبدالعزيز:مولازم اضحك عشان الناس تقول علي اني دائما فرحان في ناس تضحك من الحرقه اللي بقلبها يعني المظهر مو كل شي
ريان :يعني انتا تضحك من حرقه
هاني:ريان صرت زي سلطان واخس اش فيك على عبدالعزيز مستلمه قالك ناس ماقالك انا اضحك من حرقه
ريان:والله انا قلي عقلي غير كذا
هاني:اقول اهجد بس
يتبع

يلا ابشوف التفاعل مع القصة والردود

ياي ياحظي انا وحدة ترد
الموهيم القصة كتير
كمليها بس بليز لا تطولي في تنزيل البارتات اذا ما عليكي امر.

ابشري ولا يهمك الحين انزل البارت الجديد

في بيت المرحوم عبدالله
في الصاله كان جالس الجد والجدة ورنيم وهيثم ولؤي
دق التلفون ردت الجده
الجده:السلام عليكم
دلال:وعليكم السلام
الجده:ياهلاوالله دلال يابنتي وينك ماتدقي علينا
دلال:اهوه انا داقه عليكم كيف حالك وكيف حال ابويا وعيال اخوي
الجده:كلهم بخير ويسألون عنك انتي كيف حالك وكيف حال زوجك واولادك
دلال:بخير ومشتاقيلكم انا اداقه ابغى ابشرك بنعيد عندكم انا واولادي وزوجي بيعيد عند اهله بالمدينه
الجده محد قدها من الفرح:الحمدلله يابنتي والله اني فرحانه مره اليوم عبدالرحمن وخالد بيجون باهاليهم ونحنا دحين نتظرهم
دلال:امي سلميلي على اللي عندك وعلى اخواني وحريمهم
الجده:يوصل انشالله
الجد:سلميلنا على بنتي دلال وعلى زوجها وعيالها
الجده:سمعتي ابوك اش يقول
دلال:ايوا سمعته سلميلي عليه مع السلامه ياامي حسن يناديني
الجده:مع السلامه
هيثم:تأخرو عماني
الجد:لاتستعجل ياولدي الطريق طويل وهما عوائل تلاقي البزوره كل شوي يوقفوهم اما للحمام او للاكل وشكلهم اتغدو في الطريق
رزان:مافيه معاهم بزوره اصغر شي سلطان
هيثم:هادا عن عشر بزوره
لؤي عصب:لوسمحت مااسمحلك تهرج في سلطان
الجد:هياخودلك يدافع(يعني ايش يفكك ياهيثم)
هيثم:ههه ملعيه ياابوالشباب غلطنا
رنيم تنظر بالساعه: هما مشيو بعد صلاة الظهر الساعه1 ودحين احنا الساعه 7المسا
قطع كلام رنيم الجرس
الجد:روح يالؤي افتح الباب شكلو عمانك جو
لؤي:انشالله ابويا
راح لؤي فتح الباب وقابل عمه خالد اتعلق بحضنه
لؤي:اشتقتلكم تأخرتو مره
ابو عبدالعزيز:اخس عليك بس اشتقت لخالد
لؤي وهويترك عمه خالد ويحضن عمه عبدالرحمن :اشتقتلكم كلكم
عبدالرحمن:ماابغاها يابكاش
لؤي: والله ماابكش من جدي اتكلم
سلم لؤي على الباقي ودخلهم في الصاله سلمو على بعض
قعدو البنات والحريم في اول الصاله والرجال في اخر الصاله
الجد:الله يحييكم ياعيالي تو نورت جده
خالد:جده منوره بااهلها الطيبين
عبدالرحمن:الا وين القمر
وكانت رزان داخله وسمعت اللي قاله عمها كانت لابسه شرشف صلاه
رزان:القمر قدامك ياعمو عبدالرحمن
عبدالرحمن:هلاوالله بحبيبتي تعالي بحضني خليني اشبع منك
جات رزان بحضن عمها رزان دلوعة الكل حتى عمها عبدالرحمن الشديد نقطة ضعفه رزان
دائما يخضع لطلاباتها حتى لوكانت شوي مستحيله يحبها اكثر من عياله وياويل اللي يزعلها رزان مره حساسه وتحب اهلها حب ماينوصف وتخاف على كل واحد فيهم يمكن لانها فقدت ابوها وامها مره وحده لماكانت صغيره
رزان جدا جميله تسحر الكل بنعومتها وجمالها صوتها يجنن خصوصا لما تغني
رزان راحت سلمت على عمها خالد وعيال عمانها
وراحت عند الحريم وسلمت ولما وصلت عند البنات سلمت عليهم
شروق بتقهرها:كاالعاده ماكله الجو علينا اموت واعرف اش السر اللي مخلي كل العائله تحبك الحب الجنوني هدا
رزان:موتي قهر وبعدين انا رزونه موحياالله
شروق:لاوتدلعي نفسك كمانت تراهم يجاملونك
رزان زعلت:والله ترا اشتكيك على جدو وعماني
شروق:لا الله يخليك بلا بزرنه ماني ناقصه
رزان وهي زعلانه بصوت عالي:عمو شوف شروق
عبدالرحمن :شروق اش سويتيلها مسرع تونا واصلين
شروق استحت ودنقت
هاني لفتت نظره شرووق لما دنقت مع انه ماكان يشوف وجهها واتمنى لوانها كانت تكشف عليه عشان يشوفها وهيا مستحيه حس بانجذاب ناحية شرووق وماهو عارف اش تفسير شعوره لما يتواجد معاها بنفس المكان قال بنفسه يمكن لاننا مخطوبين بعدين قال لاانا من قبل مااكلم ابويا يخطبها وانا احس اني انجذب لها
ريان الوحيد اللي انتبه لهاني دعس على رجله عشان هاني ينتبه هاني انتبه على نفسه وشال عينه من شرووق
ريان بصووت واطي:اش فيك علقت عليها احمدربك شفتك قبل محد ينتبهلك والارحت فيهاهذا وانتا هاني اللي الكل يحبك ويحترمك لانك محترم وعينك مو طويله زينا على قولتهم
هاني:يااهبل اسكت انا ماقصدت شغلك بعدين
ابوعبدالعزيز:رزونه تعالي هنا جنبي
رنيم:اش فيكي عليها تحطي عقلك بعقل طفله
شروق:امزح معاها
رنيم:خلينا نستأذن ونطلع فوق زي الحريم
شروق: يالله
جات رزان وجلست جنب عمها وجنبها التاني مسافه بعدين عبدالعزيز
عبدالعزيز:اش قالتلك شروق
رزان:قالت انو كل العائله تحبني مجامله ليا
عبدالعزيز مسوي نفسه مصدوم:اوف من جد
رزان:يعني انا اكدب
عبدالعزيز:لامعصومه ياطويلة العمر
رزان بكل براءة الاطفال:اولا لاتقول طويلة العمر ابويا عبدالعزيز يقول ماطويل عمر الا الشيطان
وعن كلام شروق قالت كمان انو حركاتي حركات اطفال
عبدالعزيز:في هذي صادقه
رزان معصبه:يعني انا طفله
عبدالعزيز:لا اقصد انتي صادقه انك تزعلي
رزان:الحمدلله في احد فاهمني
رزان عمرها ماحست انو عبدالعزيز غريب وكانت تعامله غير عن عيال عمها كلهم عبدالعزيز قام يتأمل في وجهه رزان مره يقول شبهه حبيبته خلود ومره يقول خلود احلى منها بكثير لكن انبهر بجمالها كل مره يغيب فتره مايشوفها يرجع يلاقيها احلى من قبل
طبعا رزان احلى بكثير من خلود بس الحب اعمى قلب عبدالعزيز
رزان :عبدالعزيز اش فيك ماترد
عبدالعزيز:هاه اش كنتي تقولي
رزان:كنت اقول اشياء كتيره وانت ماترد اقول لوسمحت ممكن طلب
عبدالعزيز: اتفضلي آمري
رزان:روح مكان ثاني عشان ابغى اسيل تجي جنبي وتكلمني ماهو زيك ماترد علي
عبدالعزيز:اصغر عيالك انا يالله لازم ماارفضلك طلب عشان ماينزل غضب الكل علي
رزان:ماني فاهمه كلامك بس اذا ماتبغى تقوم انا اقوم
عبدالعزيز: لا ولو مايصير صاحبة السمو تقوم انا قايم من هنا
رزان ضحكت :شكرا
قام عبدالعزيز ورزان نادت اسيل تجي جنبها وقامو يهرجو وعبدالعزيز ماشال عينه من رزان ذكرته بخلود
ابو عبدالعزيز:ها ياامي انشالله انتي بخير
ام عبدالرحمن(الجده):الحمدلله بخير ياولدي
ابوعبدالرحمن(الجد):تراهاتكدب صحتها في النازل وماهي منتبها لنفسها ولو رزان ماتغصبها عشان تأكل الدواء كان مااكلته
ابوهاني:ليه ياامي كذا تسوي فينا ترانا محتاجينك
ام عبدالرحمن:لا ياولدي لاتخاف كلها كم يوم واكون زي الحصان ابوك هدا يبالغ
ابو عبدالرحمن:اناابالغ اسألو رزان الاسبوع اللي فات ليش تعبت علينا مره
رزان:اقول ياامي
ام عبدالرحمن :انانسيت آكل الدوا وبس
ابوعبدالرحمن:نسيتي والاماتبغي
وكملو هرجهم بعدين راحو يتعشو وكل واحد طلع غرفته ينام ماعدا عبدالعزيزاللي قعد في الصاله اللي تحت والبنات الكبار كانو صاحيين في غرفتهم وأسيل نامت وتركت رزان
***************
في غرفة البنات
شروق: كلمتك انتي لوحدك والا كلمت كل اخوانك
رنيم:لا كلمتهم كلهم هيثم عاتبها شوي بس بعدين حن وكلمها بلطف
ورزان سووت مناحه اخذت نص ساعه تبكي وماتقول كلمه الا ترجع تبكي ولؤي مارضي في البدايه يكلمها يقول ماما ماتت مع بابا من زمان لكني اترجيته عشان ماتحز بنفسها انو لؤي ماكلمها قام يعاتبها وجرحها باالكلام الله يهديه بس رزان هيا اللي مره حزنتني تصدقي كلنا بكينا من كلامها للماما لوتشوفيه تقطع القلب غير هيثم سكتها واخذت كم يوم تنام عنده باالغرفه
ووعدها انه بيوم راح تشوف ماما وتحضنها
شروق:ياقلبي يارزونه متى قالتلكم بتدق مره ثانيه
رنيم:قالتلي متى ماقدرت ادق راح ادق
شروق:رنيم بصراحه وماتزعلي
رنيم:اتكلمي ماراح ازعل لاني اعرفك صريحه اش عندك
شروق:صراحه امك غلطانه كيف تسيبكم وتروح يعني لوسايبتكم وانتو كبار كان قلنا معليش تقدرو تهتمو بنفسكم بس هيا سابتكم وانتو صغار
رنيم:خلصتي صراحتك
شروق:قلنا بدون زعل
رنيم:ومين قال اني زعلانه ماما ياشروق مجبوره يعني مو بيدها اللي صار واكيد هيا ماتتمنى انو في شي يبعدها عن اولاده اللي بحاجه لها
هذا شي مكتوب علينا ولازم نرضى ونعيش نستنى نلتقي بماما
ترا انا كنت زعلانه منها لكن بس كلمتنا حسيت اني بطير من الفرح
وقالتلي المره الجايه بكلمك على الايميل واخذت ايميلي
وقالتلي ابشوفكم بالكاميرا
وهيثم انشالله راح يشتري كاميرا عشان نشوفها وتشوفنا
شروق:الله يرحمك ياعمي وجات بتكمل لكنها سكتت
في الصاله اللي تحت
رزان نزلت في الصاله اللي تحت عشان الصاله اللي فوق مافيها سبيس تون عبدالعزيزكان مشغل الفيديو قاعد يتفرج على الشريط اللي جابه ريان من صاحبه مروان
رزان: السلام عليكم
عبدالعزيز وهو مرتبك:ووعليكم السلام
رزان:اشبك قامت تنظر في التلفزيون وقالت:هذامين اللي يرقص انتا صح
عبدالعزيز وهويسكر الشريط بسرعه:اش تبغي
رزان:لاولاشي بس ابغى قناة موجوده هنا وماهي موجوده في الصاله اللي فوق
عبدالعزيز:تفضلي اتفرجي في اللي تبغي بس ممكن اتفرج معاكي والا اسرار
رزان:لاعادي اتفرج معايا بس بدون صوت
عبدالعزيزوهو يحط يده على فمه :اهوه سكتنا
رزان حطت على سبيس ستون وعبدالعزيز ضحك بصوت عالي
رزان تنظر فيه بقهر:في شي يضحك
عبدالعزيز يلم ضحكته:لابس على بالي بتحطي على فيلم او مسلسل اوبرنامج على الاقل موسبيس تون لا وتوم جيري كمان
رزان:ممكن تسكت والا تخرج لاني مااحب الصوت
عبدالعزيز:لاابغى اسكت واتفرج معاكي
هزت راسها رزان وابتسمت ابتسامه مجامله
وعبدالعزيز سرح في وجهه البريء وقال في نفسه والله حرام لوتدري امها انها عندها بنت زي الملاك كان ماتركتها لحظه وحده بعدين قام يسأل نفسه عن السر ورا اهتمامه برزان ومالقى جواب وقطع افكاره صوت التلفون اللي جنبه
رزان:عبدالعزيز لوسمحت رد
عبدالعزيز:ياسلام ليش ماتردي انتي هذ موبيتكم
رزان:بلا بياخه انا ماني فاضيه
عبدالعزيز:حاضر من عيوني بس لاتعصبي
رد عبدالعزيز:السلام عليكم
الطرف الثاني:وعليكم السلام مين هيثم؟!
عبدالعزيز:لا مو هيثم تبغي هيثم!
الطرف الثاني:انت منو
عبدالعزيز وهو يلتفت على رزان:رزان تعالي في وحده تسأل عن اخوك هيثم
رزان وهي تاخذ السماعه:الو مين معايا
الطرف الثاني سمع عبدالعزيز وهو ينادي رزان:هلا حبيبتي انا امك ماعرفتيني
رزان لما سمعت الصوت عرفت انها امها:كيف ماعرفتك ياماما(وجلست تبكي)
الام:حبيبتي لاتبجين زي المره اللي فاتت لاني بكلمك من دوون ماتبجين
رزان وهي تبكي:ماما كيفك؟ ليش طولتي علينا
الام:انا بخير يابنيتي وانا ياحبيبتي ماقدرت ادق الا اليوم كيف حالك وكيف حال اخوانج؟!
رزان:كلهم بخير ومشتاقيلك وينك ياماما (وزادت في البكاء)
الام:ويش فيك يابنيتي احد مزعلج
رزان:...........
الام:رزونه يمه ردي علي لاتسكتين انا مااقدر اطول دقيت لاني مشتاقه لكم وايد
رزان وصوتها مخنوق من البكاء:ماما تعالي انا نفسي اشوفك ماما الله يخليك ماما اسيل دائما تتكلم عن امها وحتى صحباتي انا نفسي اتكلم عنك عند صحباتي واخليك تشوفيهم ويشوفوكي ماما عندنا تكريم للامهات وبيكرموكي لاني من البنات الممتازات والمتفوقات ماما الله يخليك تعالي ابلاتي دائما يسألو عنك وانا اقولهم ماما ماقدرت تجي كل مره اقول عذر شكل
الام قعدت تبكي وتقطع قلبها على بنتها حرام اش ذنبها المسكينه تنحرم من امها
الام:يمه حبيبتي ذحين انا لازم اقفل سلميلي على اخوانك وجدك وجدتك بعد
رزان:ماما انااحبك وكل يوم اتخيل انك انتي اللي تدخلي غرفتي وتصحيني
الام ماقدرت تستحمل :خلاص يايمه مع السلامه
رزان وهي متزهده بكاء:مع السلامه لاتنسي تدقي علينا
الام:انشالله يابنيتي وقفلت
رزان سكرت السماعه سكتت فتره قصيره بعدين انفجرت في البكاء
عبدالعزيز كان يراقبها من البدايه ومتقطع قلبه عليها
كانت حاطه يدينها على وجهه وتبكي زي الاطفال وتشاهق جا جنبه يحاول يسكتها
عبدالعزيز:رزونه خلاص انتي كبيره روحي غسلي وجهك وتعوذي من ابليس
رزان ماترد وزادت اكثر من اول عبدالعزيز وهو يحاول يسكتها
كان مار من جنب الصاله هيثم وسمع صوت اخته دخل شافها تبكي
وجنبها عبدالعزيز جا عندهم
هيثم وهو منفجع:حبيبتي اش فيك مين زعلك
رزان لما سمعت صوت اخوها رمت نفسها بحضنه ودفنت وجهها في صدره
هيثم شوي ويزيغ عقله لانه يحب اخوانه حب كبير ومايرضى احد يزعلهم قال بصوت عالي:عبدالعزيز اش فيها رزان ايش سويتلها
عبدالعزيز:ماسويتلها شي كلمت امك ومن وقتها وهي تبكي حاولت اسكتها ماهي راضيه
هيثم يكلم اخته:رزونه حبيبتي كلمتي ماما
رزان جلست جنب اخوها ودنقت
هيثم:ردي ياحبيبتي ماما فيها شي تراكي اقلقتيني عليها
رزان هزت راسه يعني لا
هيثم:طيب اش فيك تبكين
رجعت رزان تبكي اكثر من اول وبصوت مخنوق:ابغى ماما وباباابشوفهم ابغى احضنهم وابوسهم لو مره بس
دنق هيثم موقادر يواجهه اخته
عبدالعزيز:رزونه انتي كبيره وعاقله ابوكي الله يرحمه مات ادعيله بالرحمه ترى عمي كان يحبكم اكثر من نفسه ولو كنتي تحبيه ادعيله دائما ولاتبكي عشان ماتزعليه وامك الظروف فرقت بينكم
مسحت رزان دموعها وجات بتطلع نادها هيثم
هيثم:رزونه حبيبتي غسلي وجهك واتوضي وصلي ولاتنامي عشان ابغاكي في موضوع خلاص حبيبتي
رزان:خلاص
قام هيثم وحضن اخته وسلم عليها وقالها:ماراح اتأخر لاتنامي(مسك خدودها وبمزح قال)اعرفكي دوبه على طول تنامي
ابتسمت رزان ابتسامه بارده لااخوها وقالت:انشالله
جلس هيثم جنب عبدالعزيز وغمض عيونه ربت عبدالعزيز على ظهر هيثم
عبدالعزيز:ليش ماخليتها تنام

يسلمو يا قلبوا على البارت كملي وانا معاكي قلبا وقالبا

وين التفاعل وين الردود
تسلمي ياقلبي ياايموا
عشان خاطرك راح التابع بتنزيل البارتات

رزان وهيا تلتفت :مين عبد العزيز اش جابك
عبدالعزيز :امشي قدامي على البيت
رزان:اترك يدي احسن لك ترى اقول لابويا
عبدالعزيز :اقول امشي معايا بالطيب لا00
رزان تقطع كلامه :قول اش تسوي لايكون بتضربني
عبدالعزيز:موهذا اللي بيصير اذا مامشيتي معايا امشي لا اسحبك من شعرك
رزان :اترك يدي تراك تألمني .
عبدالعزيز:اقول امشي معايا لامسح فيكي الرصيف
(طبعا عبد العزيز من العصبيه مو عارف اش يقول)
رزان:اذا ماتركتني راح اصرخ بصوت عالي
عبدالعزيز:اذا كنتي بنت عبدالله خليني اسمع همسك
وهو يسحبها بيدها للسياره وبحكم طول وعرض عبدالعزيز اللي مايتقارن بجسم رزان النحيف قدر يتكمن منها ويسحبها من يدها من دون حركه من رزان الغضبانه والمصدومه في نفس الوقت
رزان: انتا لو تحترم بابا ماتسوي فيني كذا اتركني وبداء صوتها مخنوق بعبره بكاء وخوف
سحبهامن يدها وفتح باب السياره من جهة السواق ودخلها ودخل وراها ودفها على المقعده اللي جنبه وقفل الباب تحاول رزان تفتح الباب ماهي قادره لانه سحب صمام الامان اظن اسمه كذا(شي في باب السياره مايخليه ينفتح)
نادى عبد العزيز السواق
التفت على رزان وقال لها بلهجة آمره:لا اسمع صوتك وغطي وجههك
رزان عنيده طنشت كلامه ولفت وجهها الجهه الثانيه
عبدالعزيزعداها لها
جاءرانيوا:نعم بابا
عبد العزيز:ارجع بيت وقول لبابا كبير انو عبد العزيز اخذ رزان يوصلها
رانيو:اوكيه بابا
رجع رانيوا للسياره
رزان تصارخ:نزلني خليني ارجع البيت مع رانيو ماابغى ارجع معاك
احسلك بسرعه نزلني لاافتح الشباك وانط منه
صوتها كل ماله ويعلى اكثر من اول
عبدالعزيز شغل شريط اغاني غربي ورفع الصوت
لااخر شي صارت تتكلم رزان ومو واضح صوتها
راحت رزان وقفلت الشريط وكملت صراخها
نظر فيها عبدالعزيز نظره خاليه من مشاعر الانسان
وقامت تصرخ وتقول ابغى اطلع وتسحبه من ثوبه
وتشده بقوه عبدالعزيز اتوتر بزياده وماقدر يسوق من ازعاجها
وحس انه بيفقد اعصابه لكن تعوذ من ابليس وشغل الشريط
ووطى على الصوت شوي رزان قفلت المسجل وسحبت الشريط
ورمته ورا وقامت تصارخ:نزلني ياعديم الاحساس انت حقير وماعندك قلب
خرج عبدالعزيز من صمته الطويل وقف السياره على جنب ومسكها من راسها من ورى وشد شعرها بقوة الرجال وقال بصوت حاد يدل على الغضب:اذا ماسكتي وجلستي زيك زي المقعده اللي وراك بتشوفين شي مايعجبك
رزان العنيده طنشت كلام عبدالعزيز وحاولت تبعد يده عنها لكنها ماقدرت لقوة عبدالعزيز وبحكم انو سيارت عبدالعزيز مظلله كلها محد داري ايش يصير فيها
رزان تحاول تفك يده من شعرها:سيب شعري انتا اساسا مو رجال والا ماتسوي قواتك على بنت انتاواطي والا ماتمسك شعري بالطريقه هادي
ترك عبدالعزيز شعرها ورزان تصارخ عليه:ابغى اطلع انتا وحش ماابغاك توصلني انا ادق على رانيو يرجعلي
عبدالعزيز بصوت عالي ومن دون وعي:تروحي البيت والا تروحي
تتصرمحي في الشوارع رزان مافهمت من كلام عبدالعزيز شي
عبدالعزيز ماكان يبغى يقول الكلام اللي قاله
بس طلع غصبن عنه طلع الكلام من حرصه على بنات عائلته
لانه خالط بنات من كل مكان وشاف الهوايل ويخاف
لووحده من بنات عائلته تكون زي البنات اللي اتعرف
عليهم لانه يستحقرهم ماعدا حبيبة القلب خلود
نطت رزان في المقعد الخلفي وتحاول تفتح الباب بس ماقدرت جاتها فكره جهنميه وكانت تبغى ترجع لااخر مقعد ولما شافها عبدالعزيز سحبها من طرف عباتها ووقف السياره في اقرب مكان والتفت عليها:ارجعي مكانك بسرعه
رزان طنشت كلامه وحاولت تفتح الباب اللي ورا نقز عبدالعزيز في المقعد اللي ورا وسحبها بقوه وصقع راسها في الشباك وعلى مارفعت
راسها وشالت شعرها عن وجهها الاويجيها كف..........
........كف ...... من انسان تحس بشي ناحيته من انسان انغرمت فيه من دون ماتدري وصارت مغرمه فيه بس دحين لا لاوالف لا راح تدوس على قلبها لجل كرامتها
حطت يدها على خدها تتحس مكان الكف يمكن انها بحلم
وان عبدالعزيز ماضربها لكن حست بحراره في يدها وهذي حرارة
الكف اللي جا على خدها الصغير
عبدالعزيز مااستوعب اللي صار نظر في يده كانت ترتجف
ويقول في نفسه لو انها خلود ممكن تاخذ زي هذا الكف اكيد لا
لانها حبيبتي وروحي وحتى اذا غلطت مستحيل
اضربها لانها تسمع كلامي ماهي زي رزان العنيده بس
انا ليش اقارن حبيبة قلبي خلود بطفله صغيره معقوله قاطع نفسه
بسرعه وقال يمكن انا اشفق على رزان اناقلبي ماحب غير خلود
وماراح يحب غيرها
كان هذا حوار عبدالعزيز مع نفسه نزل عيونه للارض متفشل ينظر على بقايه الانسانه اللي كانت قبل شوي انسانه رزان كانت حاطه يدها على وجها وتبكي بحراره وبصوت عالي وتشهق وشكلها يقطع القلب ويذوب الحديد
حاول عبدالعزيز يرفع راسها وبصعوبه
رفع راسها وشاف شكل رزان اللي يقطع القلب حزن عليها سحب يدينها من على وجها وهي تشد يدينها وترجعها على وجها وتصارخ عليه:اش تبغى تبغى تتشمت علي انا عارفه وشالت يدها من على وجها وقامت تمسح دموعها وكملت ...اناعارفه انت اساسا انسان عديم الاحساس انسان وقح سافل ( وقامت تشهق)
(كملت)انتا على بالك لوضربت بنت بتفرد رجولتك عليهالا انت مورجال انت كل شي بطال فيك انت مو انسان انت ح وسكتت
عبدالعزيز اللي كان مدنق ماتوقع انو رزان تتكلم بذي الطريقه رفع راسه ونظر فيها:كملي حبيبتي جات على هالكلمه ماقدرتي تقوليه قولي اني حقير كملي
رزان:انا ماني حبيبتك انا مااحب واحد حقير مايستاهل الاحترام
بعد كل الكلام اللي قالته رزان اتوقعت ان عبدالعزيز يعطيها كف ثاني لانها كانت تتكلم وهي من جوه مهزوزه وكانت ميت خوف منه لكن شكلها الخارجي حاولت انه يكون صامد قدامه
عبدالعزيز خلى رزان تقول كل اللي عندها وتفرغ كل شي بقلبها من حقد وكراهيه تجاه عبدالعزيز في هذي اللحظه بعدين لمها في حضنه وحاولت رزان تبعده بيدها الصغيره لكنها ماقدرت على عبدالعزيز اللي كان طويل القامه وعريض الكتوف وكان حاضنها كأنها بيبي صغيره وقالها:اسف اسف تكفين سامحيني انا غلطت وانتي غلطتي انتي اكيد بتسامحيني لانك وترتيني معليش انا اسف
استجمعت رزان قوتها ودفته بقوه واشرت على خدها وقالت:هادي اش بتسويلها اسف حقتك فين اصرف اسف حقتك لو احد سألني ايش اللي بخدك اش اقول لهم
تبغاني اقولك مسامحتك واعيش واكل غيرها منك ومن غيرك لاحبيبي انا ماراح اسامحك لانو عمره ماحد ضربني ولااحد عمره راح يضربني انتا مجنون
قعدت رزان على المقعده ولفت مسفعها وقالت:وصلني البيت
عبدالعزيز:خلاص انا برجعك البيت بس انتي اهدي
رجع عبدالعزيز ونظر فيها ومسك خدها على مكان الكف وهيا كانت مستسلمه له من خوفها منه:يألمك خدك
رزان:هدا شي يهمك
عبدالعزيز باس خدها بحركه سريعه لانه يحس انها طفله صغيره لسى ماكبرت ونقز وجلس في مكانه قدام وقال:اكيد يهمني ذحين نوقف عند البقاله اجيبلك تلج
رزان انحرجت من الحركه الهبله اللي سواها بس ماتبغى تبين له انها ضعفت:خايف انهم يشوفو اللي سويته فيني
عبدالعزيز:انا مااخاف من احد
راح عبدالعزيز للبقاله وجاب تلج وجاب عصيرات وشبسات وكان مقفل السياره ورجع دخل السياره وركب ورى عند رزونه:السلام عليكم
رزان ردت بقلبها
عبدالعزيز:السلام لله موعشانك زعلانه ماتسلمي
رزان لفت وجهها على الجهه الثانيه وجلسة تنظر في الشباك وطنشته
عبدالعزيز:وين تحبي احطلك التلج
رزان تلتفت عليه بقوه:في البيت طبعا وانا احطه موانتا
عبدالعزيز طنش كلامها:اش رايك نروح عند البحر
رزان:لارجعني البيت
عبدالعزيز نقز على مكان السواق وكمل طريقه وراح على البحر:ترا رايحيين على البحر
رزان ضحكت على حركته بس مابينت له شدة على صوتها لان كان في صوتها نبرة بكاء:قلت رجعني البيت
عبدالعزيزبعناد:قلت على البحر اقول ليه جالسه ورا ومخليتني قدام كأني سواق
رزان:مدام مايهمك رايي ليه تستشير
عبدالعزيز:رزان انا اسف ماقصدت امد يدي عليك وتعالي جنبي لاني ماني سواق
رزان باستهزاء وطنشت كلامه الاخير:لاعادي انتا شكلك موواثق من نفسك وبتثبت رجولتك وعلى بالك الضرب من الرجوله شكلك من دولا الهمج اللي يثبتو رجولتهم بالضرب تراهم في نظر الكل ماهم رجال في نظرنا رخوم
عبدالعزيز:انتي لسانك طويل
رزان:وانتا يدك طويله
عبدالعزيز مااخذ على كلامها لانها معصبه وكبر عقله:قولتلك معليش ماقصدت وانامستعد اسوي اللي تبغي عشان تسامحيني وتنسي
رزان ببرود:انتا غبي
عبدالعزيز عصب لكنه مسك اعصابه وحس انو رزان تبغى تنتقم منه بكلامها:رزان ماله داعي هذا الكلام كفايه تراك جرحتي فيني بمافيه الكفايه لوسمحتي الزمي حدودك
رزان تبغى تنرفزه:تعرف ليه غبي لاني لو رحت اشتكيتك عند ابويا الله اعلم اش راح يصيرلك
عبدالعزيز:وصلنا للبحر يالله امشي
رزان:ماني نازله
عبدالعزيز:مااخذت رايك بتمشين غصبن عنك
رزان ببراء الاطفال اتخلت عن تهديداتها:رجعني البيت وماراح اقولهم انك ضربتني
عبدالعزيز:يارزان اناماهمني اش تقوليلهم انا اهم شي عندي انك تسامحيني
رزان:وانا قولتلك ماراح اقولهم بس رجعني للبيت
عبدالعزيز:يالله رزونه امشي معايا الله يرضى عليك
حاول معاها لين اقنعها ونزلو للبحرطبعا لطيبة قلبها ماتعرف تزعل أي شي يرضيها وكلمة توديها وكلمه تجيبها لانها كمان صغيره
عبدالعزيز:اش رايك ننط خلف السور هذا يكون البحر قريب مننا
رزان:لاننزل مع الدرج احسن
عبدالعزيز:الدرج بعيد خلينا ننط نسوي مغامره
رزان:بس انا خايفه اطيح
عبدالعزيز:لاتخافي معاياه يالله انا انط اول بعدين اعطيني الاغراض وبعدها نطي انتي
رزان:يالله مع اني خايفه
نزل عبدالعزيز واعطته رزان الاغراض ونطت ومسكها عبدالعزيز وراحو قدام البحر
رزان:حلو المكان دائمااناوابوياوامي واخواني نجي هنا بس مع الدرج
عبدالعزيز:عيونك الحلوه تشوف كل شي حلو
رزان:هات التلج بحطوه على خدي لانه يحرقني
عبدالعزيز اتذكر الكف اللي جاه من ابوه وحس بالاحساس اللي تحسه رزان اخذ التلج وحطه على خدها ومسكه لها وكان قريب منها مره:انااسف قلتها كم مره وابقولها مية مره لين ماتسامحيني
رزان تحاول تشيل يد عبدالعزيز من خدها وتتأمل عيونه اللي كانت قريبه من عيونها وتقول بقلبها ياي لون عيونه العسليه تجنن تسحر:خلاص سيب انا امسكه عندي يدين
عبدالعزيز باستهبال:والله عندك يدين وريني اشوفه
رزان وهيا توريه يدينها بحركه طفوليه:شوف منتا مصدق
عبدالعزيز يضيع الموضوع:ياناس يدينك زغنونه طالعه على مين
عبدالعزيز زاد الطينه بله لانه ذكرها باامها رزان وهي تحاول ماتنزل دموعها اللي كانت مالية عيونها:طالعه لماما لانوامي نوره تقول ان يديني زي ماما ونزلت دموعها
عبدالعزيز يمسحلها دموعها بيده الثانيه:رزونه معليش ماقصدت اذكرك بمامتك
رزان:مين قال اني نسيتها عبدالعزيز ابسألك سؤال ممكن
عبدالعزيز:ممكنين يااحلى رزونه
رزان:انا لو بابا وماما عايشين كنت راح تعطيني كف
عبدالعزيز اتحسف مية مره على اللي سواه وسب نفسه ليه سوا اللي سواه في المسكينه عض على شفايف وقال بصوت اشبه للهمس وعيونه في عيون رزان:حبيبتي رزونه لو اسيل والاشروق سوو حاجه غلط كان الكف بيجيهم
سوا مني والا من أي واحد من عيال عماني اوحتى من ابويا والاعمي
لانكم شعر وجهنا والعيب اللي يجيكم يجينا
واحنا راح نكون متضريرين اكثر منكم فهمتي يارزونه
رزان:طيب انا ماسويت شي غلط بس عشاني روحت الكوفي
عبد العزيز:انك رحتي الكوفي هذا مو غلط بس انك رحتي ومامعاكي احد كبير هذا الغلط
عبدالعزيزبيغير الموضوع:افتح العصيرات والشبسات عشان ناكل واحنا ندردش
رزان:اناافتحها والاانتا سيب التلج انا امسكه وافتحهم انتا
عبدالعزيز:خلاص انااسوي كل حاجه عندي يد ثانيه
رزان:يد وحده ماتصفق
عبدالعزيز:وان صفقت ماترقص
رزان:ههه ماشالله عرفت تكملت المثل
عبدالعزيز:اعجبك انا مسيطر على الوضع
رزان بابتسامه:انتا فيك عيوب
عبدالعزيز انصدم:اش هيا كفى الله الشر
رزان:اولا عصبي
تانيا تفحط ومسكتك الشرطه
عبدالعزيز طارت عيونه من راسه وقلبه طاح لانه ماقال لجده وخايف انو يوصل لجده انو الشرطه مسكته وهو يفحط بلع ريقه:مين قالك؟
رزان خافت من عبدالعزيز بعدت عنه
عبدالعزيز:رزان قربي ماراح اغلط معاك بس انتي شفتي الاشرطه صح
وينها ماهي مكانها انا على بالي واحد من العيال اخذها
رزان بخوف:الاشرطه عندي لاني خفت لوسبتها يشوفوها عمو عبدالرحمن والا ابويا ويخاصموك
عبدالعزيز دنق وقال في نفسه شكلو كلام هاني صح آآآآآآآآه ليه يارزان تحبيلك واحد منكسرمحطم ومتشتت مستحيل احد يلمه ويرجع زي ماكان غيرشخص واحد ماغيرهاهي اللي كسرته وشته وهي اللي تقدر تجبر كسره وتلمه بحضنها اللي طول عمري احلم ارتمي فيه
رزان:اش فيك ياعبدالعزيز انتا تبكي
عبدالعزيز:لاعيوني فيها حساسيه من الهوا ودمعت عشان الهوا دخل فيه على العموم شكرا لانك شلتي الاشرطه عندك لانه لوشافه ابويا اكييد راح يكسرها فوق راسي وراح يزعل مني
رزان صدقت انوعيون عبدالعزيز متحسسه من الهوا:العفو.....
بس يالله خلينا نقوم عشان الهوا مايأذي عيونك
جا بيتكلم عبدالعزيز لكن جواله دق
عبدالعزيز:هذا هاني ابروح اكلمه واجي ماراح اطول
رزان:خذ راحتك بس لاتبعد لاني اخاف
عبدالعزيز:ماراح ابعد
رد عبدالعزيز على هاني ورزان راحت بافكارها لعيون عبدالعزيز ياالله اول مره اشوفه عن قريب ياالله عيونه تسحر ماشالله يارب مااحسدك كلو على بعضه يجنن اكيد لانو يشبه لجدو عبدالعزيز وين يروح القمر الصغير غير القمر الكبير رفعت عيونها ونظرت في القمر وقالت لاتغتر في نفسك ياقمر ترا هنا في الارض في انسان احلى منك بكتير ويستاهل انو يجي مكانك ويضوي العالم بنوره قامت تبتسم وتقول مسامحتك بس ماراح اقولك الكف اللي جاني منك قربني لك احبك يا عبدالعزيز
عبدالعزيز:مرحبا
هاني:وينك ووين رزان اقلقتني عليك والكل يسأل عليكم
عبدالعزيز:قلتلهم
هاني قاطعه:شايفني نذل انا قلتلهم انك لما قالت اسيل انها ماتبغى تروح انتا قلت لرزان انا اوديك لانك خفت عليها تروح مع السواق لوحدها والكل دعالك على الموقف النبيل شفت كيف اني ماني نذل
عبدالعزيز:آآآآآآآآآآآآآآآآآآه حرام اللي قاعد يصير ليه مارحت وراها عني ليه خليتني انا اروح
هاني وهو مفجوع:ليه ايش صار رزان ايش صار فيها عبدالعزيز اتكلم ترا محد راح يسامحك لو رزان صارلها شي
عبدالعزيز:لمااجي اقولك ماابغى اسيبها لوحدها اناوهي جايين على البيت ذحين
هاني:لحظه قبل لاتقفل قولي هي بخير والا لا هذي امانة عندنا كلنا هي واخوانها
عبدالعزيز بضيق:بخير لاتخاف يالله سلام
هاني:سلام
قفل السماعه هاني وقال في نفسه ماراح اسكتله لوجرحها لوبكلمه ياربي يجيب العواقب سليمه
رجع عبدالعزيز لرزان
عبدالعزيز:اتأخرت
رزان:لاماتأخرت
عبدالعزيز:يالله مشينا
رزان قامت:يالله
عبدالعزيز:مستعجله على البيت ليه
رزان :لانو هيثم اكيد راح يجن عقله لاني اتأخرت وماارد على جوالي لانك لما ضربتني ماادري وين طار
عبدالعزيز:لاتخافي هاني قالهم انك معايا
رزان مفجوعه:وايش قالهم كمان لايكون قالهم على اللي صار باالتفصيل
عبدالعزيز حكاها على الكذبه اللي الفها هاني
رزان:الحمدلله ماقالهم مولازم يدرو
وتاشر على خدها :عبدالعزيز شوف خدي باقي الاثر
عبدالعزيز:ايوا باقي بس احسن من اول لماحطينا التلج يالله نمشي على السياره
رزان:يالله بس بروح مع الدرج حتى لو بعيد
عبدالعزيز:على امرك
وراحو على السياره
عبدالعزيز:استني ادورلك الجوا ل
رزان:ادور معاك
عبدالعزيز:لاخلاص لقيته خذي
رزان تنظر في الجوال:واو سبعين مكالمه وثلاث رسايل
عبدالعزيز:من مين
رزان:بعضها من صحباتي اللي مواعدتهم والاغلبيه من رنيم و هيثم حتى الرسايل منه اثنين والاخيره من صحبتي تقولي بتجي والا لا على الكوفي شوب
عبدالعزيز:معليش انا السبب
رزان:لاعادي مافي مشكله لايكون قلت لهاني على اللي صار بيننا
عبدالعزيز:لاماقلتله
رزان:مولازم لانه راح يسوي حكايه ويقولهم وبعدين انا عمرو ماحد مااعطاني كف وصعبه اني اخذ كف والناس كلها تعرف راح تشفق علي وانا مااحب الشفقه
عبدالعزيز:اسف احس اني سببتلك أذى
رزان:لاعادي تراني اشوف في عيونك شفقه وانا قلتلك مااحب الشفقه
عبدالعزيز:اوكي بس ماقلتيلي مسامحتني
رزان:خلي الكف يبرد اول
عبدالعزيز:ماتوقعت انك تحقدي وتشيلي بقلبك على احد
رزان:لاتنسى اناآدميه
وبعدين مين قالك اني بحقد او بشيل عليك
مسألة وقت وراح انسى وان شاء الله ارجعه لك
عبدالعزيز طارت عيونه من مكانها على جرأت رزان:اتمنى تنسي ولاترجعيه زي ماقلتي
رزان:عن اذنك بكلم صحباتي
عبدالعزيز:خذي راحتك
اتصلت رزان على صحبتهاواعتذرت لهاوقفلت منها
رزان:حلو السلسال والدبدوب كمان من فيين جبته
عبدالعزيز:جاني هديه
رزان:مين جابه
عبدالعزيز سكت ومارد
رزان:معليش اذا اتلقفت في شي مايخصني بس حرام تلبس سلسال لانك مسلم مو مسيحي ولاكافر ولاإمعه تقلد الغرب
عبدالعزيز:اناماالبسه انا معلقه بس
رزان تمسك السلسال وعبدالعزيز طاح قلبه:مكتوب حرف Aوk
الaحرفك اماkحرف مين
يتبع