دبابيس الفراخ بالمسطردة واللوز

المكونات
دبابيس فراخ (على حسب عد الافراد)
زيت زيتون
ثوم مفروم
زعتر مفروم
ملح
فلفل اسود مطحون
دقيق
بيضة مخفوقة
1 ملعقة كبيرة مسطردة
لوز طازج مطحون
قطع طماطم شيرى للتزيين
طريقة عمل دبابيس الفراخ بالمسطردة واللوز
تغسلى دبابيس الفراخ كويس جدا خاصة العضم.
بعد كده تتبليهم كويس، وتحطيهم فى وعاء غويط مليان بزيت الزيتون، وتضيفى الثوم المفروم والزعتر.
وتسبها على نار هادية لمدة ساعة. اهم حاجة ان الزيت مايغليش.
بعد الساعة ترفعيها من على النار، وتسبيها تبرد.
بعد ماتبرد تاخدى دبابيس الفراخ من الزيت، وتشيلى الجلد من عليها، وتجففيها من الزيت بورق مطبخ.
بعد كده تجيبى طبق غويط، تحطى فيه الدقيق، وتضيفى عليه المسطردة بعد كده البيضة المخفوقة، ثم التوابل، وفى الاخر تضيفى اللوز المطحون، وتخاطيهم كويس جدا.
بعد كده تحضرى قلاية الزيت عل البوتاجاز.
بعد كده تتبلى الدبابيس بالخلطة.
وتبداى تقلى الدبابيس، لكن خلى بالك ان اللوز بيستوى بسرعة، فبالتالى تقليهم على كل الجوانب بسرعة.
فى الاخر تحضرى طبق التقديم وعليه ورق مطبخ، وترصى البابيس عليه.
وللتزين، بعد ما ترصى البابيس تضيفى عليهم من فوق مسطردة، وزعتر، وقطع طماطم الشيرى.
ممكن تقدميها مع سلطة خضراء وكاتشب. وبالهنا والشفا.