رجيم عذاري

انا جربته كان في وقتها عندي زياده بسيطه بالوزن وجربته وطارت ابو الزياده
بس بالنسبه كم نزلت والله مدري
بس انا يوم صلحته ماصلحت رياضه يعني انتي لوتصلحين رياضه وتلبسين بدله الساونا
اوه بنزلك بالهبل
وبالنسبه للرجيم ترا سهل ومايتعبك ولاتملين منه بس اكره يوم عندي اول يوم يوم فيه بوجبه العشاء
والله عليه هو يعجبك هو الرجيم الوحيد اللي سويته بحياتي وهو الرجيم الوحيد اللي مشيت معه

مشكوره اختي على الرد وادعولي اني انحف لاني توي طالعه من ولاده ورمضان الله يشرفه عاد تخيلوا الزيادات

ممكن تفيدونا وتكتبون طريقته
والله يوفقكم

اولا الحمد لله على السلامه ياالنجمه
وبعدين حبيبتي ممكن تقولين شنو هذا الرجيم ؟

اي عرفته الرجيم هذا الي ينزل خمس كيالو بأسبوع بس مادري ان اسمه عذاري انا مره جربته خمس ايام بس ونزلت كيلوين ونصف واليوم راح ابتدي فيه
الي اول اليوم الفطور توست وع جبن قليل الدسم

حمدلله على سلامتك يااختي ويارب ويارب تنحفي وينحفون كل البنات
وإذا نزل وزنك اعملي للرجيم تكسير اوبمعنى اصح تثبيث وبشريني ياعمري وصدقيني إذا جاب نتيجه حلوه معك بفرح لك
بس ياعمري انتي مرضع صح ؟؟ فإذا كنتي كذا استشيري اخصائيه تغذيه واطلعيها على الرجيم
وشوفي وش تنصحك فيه
ونزلي الرجيم للبنات عشان يستفيدو منه انا لو كان عندي بالجهاز عطيتهم بس ماادري وينه

بنات ياليت تقولون لنا شنو الريجيم هذا
الله يرزقكم اذا كان حقيقي!!!

أخيراً يابنات نزل وزني في 20 يوم 15 كيلو ....... اقول لكم قصتي أنا ما خليت ريجيم ماجربته جربت غصن بان الكويت وما نفع وصار لي مضاعفات بعدة لا وطعمة يلوع الكبد ونصحوني كثير بالحبوب اللي تسد الشهية والله وانا اختكم رحت وشريتها العلبة ب 200 ونفس الشئ مانفع وجربت ريجيم الشوربة هم مانفع وجربت الريجيم الكيميائي ورجعت دبل بعد ماتركته اهئ اهئ الين ماحصلت هالريجيم من وحدة تقرب لي من زمان ما شفتها وقالوا لي انها تغيرت صارت رشيقة وانا اعرفها منفوخة عالعموم ماصدقت لين شفتها ضعيفة ماتصدقون وعزمت اسوي ريجيمها اللي جابتها من وحدة كانت منفوخة وضعفت عالعموم هالريجيم صار كأنة وصية كل وحدة تعطية الثانية وراحت قريبتي وسئلت دكتورة معروفة في منطقتنا وقالت لها هالريجيم زين أنصحك فيه مع الرياضة طبعاً .... عالعموم أنا سويته 20 يوم طبعاً أول أسبوع تحسين أنج خفيتي بس أنصحك إذا جعتي كلي علك خالي من السكر وفي منه أنواع أنا عني أستخدم علكة نوفا بالنعناع عالعموم نزلت عليه كلن أستغرب ويقولون سبحان مغير الأحوال هالمنفوخة صارت كذا أنا كان وزني 80 صار 65 وكله أشياء موجودة بالبيت وأعذروني طولت عليكم وكاهو الريجيم السبت . الافطار . جبنة قليلة الدسم 100 جم + توست + شاي أقهوة ( أنا أحط شريحة جبنة قليلة الدسم وهي متوفرة فوق 1 شريحة بريد بر مع شاهي طبعاً أحط السكر الخاص بالريجيم فقط لا تفركرين تحطين سكر مع الشاهي ولا نقطة ههه تعذيب صح ) عالعموم اللي يبي الدح مايقول أح ...
الغدا . 2/1 دجاجة مشوية + سلطة خضراء + خضار مسلوقة .. ( الخضار تجي مجمدة في أكياس بس أسلقيها )
العشا . كوب كبير عصير برتقال ( طازج طبعاً أنتي تعصرينة وأنتي ماتشوفين الدرب ) + علبة زبادي قليل الدسم كليها طبعاً آخر الليل مو مع البرتقال ( يازينك وأنتي تاكلين عصير وتشربين برتقال )
الأحد . الأفطار . 2 بيضة مسلوقة مع شاي ( بدون سكر الا من سكر الريجيم )
الغدا . سمكة مشوية كبيرة + صحن سلطة خضراء ..
العشا . شابورة ( طبعاً بر ) مع قطعة جبنة ( اللي ذكرتها فوق """) مع شاي أو قهوة ( شاي اكيد )
الاثنين . الافطار . بيضة مسلوقة + برتقاله + شاي أو قهوة الغدا . لحم مشوي غير محدود الكمية مع حبة طماطم أو خيار ( أنا أستبدلته بدجاج ) ...
العشا . كوب حليب قليل الدسم ويفضل منزوع + شابورة ( بر ) ...
الثلاثاء . الافطار . شريحة جبنة قليله الدسم + توست ( بريد بر ) + شاي أقهوة .
الغدا . نوع واح من الفاكهة ... ( أنا كنت آكل التفاح ) ......
العشا . لبن قليل الدسم مع توست ( بريد بر )
الاربعاء . الافطار . 7 حبات تمر مع قهوة طبعاً مو شاي الغدا . دجاج مشوي بدون جلد غير محدود الكمية .
العشا . 3 بيضات مسلوقات مع توست .... ( أنا كنت أحط البيض في المقلى من دون زيت وأقلقلة .. وأحط شوية جبنة فيتا قليلة الدسم علشان يلينة ) ...
الخميس . الافطار . مفتوح الغدا . مفتوح العشا . مفتوح الجمعة . الافطار . جبن قليل الدسم + 2/1 خبزة + عصير برتقال ...
الغدا . لحم مشوي غير محدود الكمية ( أستبدلية بدجاج اذا تبين ) + لبن قليل الدسم ويفضل منزوع ....
العشا . مفتوح ملاحظة : مفتوح تعني اختيار أي وجبة مما سبق في الريجيم ( لا تستانسين واجد ) ..
عالعموم أنتي بس سوية عشرين يوم يعني أسبوعي و6 أيام = 3 أسابيع وروحي الدوام وأنتي مستانسة وقولي عذاري ماقالت .. رهيب واذا حسيتي بالجوع مررة بين الوجبات كلي هوى أقصد كلي تفاحة وعالعموم أتمنى للجميع الرشاقة وأي استفسار أنا حاضرة بس أهم شي الرياضة أعرف وحدة سوت الريجيم هذا وضعفت بس يبي لها شوية رياضة ........ عالعموم أنا بادية الريجيم اليوم 25 / 6 السبت وهذاني أكل زبادي وبالتوفيق .................... منقول

مبروك غاليتي والله إني فرحت لج وايد،،
إدعيلي أنحف مثلج،، وأنا بعد من شهرين طالعة من ولادة،،
ووزني ما تتخيلينه 104 :(
إنشاءالله راح أبدأ بالرجيم إلي سويتيه،،
ويارب أضعف مثل ما ضعفتي،،
بس أبي أوصل70،،
يارب يارب يارب،،
دعواتكم،،
والله يجزيج خير عزيزتي...