ردو علي ولا والله اموت من القهر والهم

انا بعد والله لايقول اكون في هالموقف بس ااذا صار مابينا خلاف اقعد اصيح وانقهر
مرة من قبل اسبوعين او ثلاثة قلت لزوجي يوديني خمس دوائر بشتري اغراض حق عيد ميلاده طبعا ماقلت له بشتري حق عيدميلادك قلت له بشتري ريش شعر وحاجات بسيطة طيب المهم هو شاف قسم الاواني وقف عندهم وانا رحت اخد الاغراض اللي كنت ابيها ولما بغيت شي وكان فوق وانا ما اطال اخده قلت بروح له بنادي عليه ومارحت وانصدمت وشفته كانوا صوبه بنيه واظاهر معاها امها وكان يتكلم معاهم ويضحك والله قلبي انشعل ضو ونيران وقلت شنو اتصرف سكت بداية الموضوع وقلت بخاطري انا يحرم علي اكلم ازواج خواتي وهو يروح يكلم وحدة مايعرفها ولا يضحك معاها بعد وهذا اللي قهرني ازيد وكنا احنا مقررين ان بعد مانشتري نطلع نتعشى بمطعم ورحنا المطعم وقعدنا وطلب عشى هو وانا شألني قلت له ما ادري مع اني مالي نفس وسألته ليش كنت تكلمه بالبداية كذب علي وبعدين قالي انا بس سألته تبين هذا مع اني اعرفه انه يكذب وماكن بس هذا الكلام لانه بس لاحظني اني جيت صوبه سكت ولا عطهم ويه حتى المرة وبنتها عرفوا وقلت له اعرف الشي اذا انت كلمت انا راح اكلم
توقعي شنو قال ..... قال انا لو كلمت انا صبي وانتي لو شفتيني راح تطلبي الطلاق وانتي لو طلبتي راح تدفعي كل شي لكن لو انا شفتك تكلمي نفس الشي راح اسوي واذا تبين الشي من الحين راح يصير قومي بوديج بيت ابوج
والله ولاقمت من محلي وانا قلت خلاص اني ماراح اقول لاهلي اي شي يصير مابينا
والله للحين ما اثق فيه بس سكت وتحملت وادعي من ربي الله يهديه
انا ما احرضج على زوجك لا انا اقول لج سوي اللي يملي عليه ضميرج بتسكتي له ..... لو بتكلميه بس اقول لج لاتكلمينه وانتي تصيحين لان انا صار موقفي جذي وزاد الشي مابينا لا لكميه بهداوة شوي
وتماسكي اعصابج والله يكون بعونج والله يهديه ويهدي زوجي

يا أختى شوق العمر وجعتيلي قلبي الله يهدي الأزواج تعرفو انا صديقتي راجلها هكي
وتعرف ان يخون فيها بس ما لها حيلة او دليل بس تنغص يا عمري وتقعد تبكيلي لانها يتيمة وراجلها عرف انها ما لها احد غيره بس ناسي ان ليها رب كريم بياخد بإيدها

ليه ما تكلمينه في الامر واذا كلمتيه وش رده الله يهديه ويهدي الي عندي

خواتي اكبر غلط يوم ماتواجهون الغلط
ليش ما تيلسين معاه وتكلمينه
وبالاحرا لو سمعتيه يكلم وحده من المفروض انج تروحين عنده وتيلسين عداله وبعدين شوفي كيف بيتصرف

لله يصبركِ على بلواك

الحوار الهادي فقط هوعلاج المشكلة

الله يعين كل مبتلى
انا عن نفسي اواجه زوجي وادخل في عينه اذا كنت متاكده ميه بالميه بس ماادخل احد في الموضوع ابدا

الله يهديه
كلميه يا خيتي لاتسكتين
لانج اذا سكتي يمكن لاسمح الله تكبر السالفة
سوي مثل ما قالت اختنا" ام فطامي الحلوة "
واجهيه >>اسأليه اذا انتي مقصرةويااه
وفي شو مقصرة
تناقشي معاه
بس لاتسكتين
.... ربي يكون ف عونج يالغلا ....

لاوالله ماقول شي بس اقعد اكل في نفسي واحرق اعصابي وبس