روآية غريبہ مرت الأيام

1. ~ ~ ~ ~ ~


2. مرام : لآ والله ، من عقب الزفه وأنا مو شايفتهآ !!


3. ~ ~ ~ ~ ~

بسم الله الرحمن الرحيم
~ ~ ~ ~ ~
عآئلة أبو طلال :
راشد / الأب ،،
مزنه / الأم ،،
طلال / الولد الكبير عمره 27 سنة ،،
أسماء / البنت الكبيره عمرهآ 23 سنة صديقة بنت عمتهآ ديم الروح بآلروح ،،
جمآنة / عمرهآ 20 دآيم مع أختهآ أسمآء وكاتمة أسرآرهآ ، وأغ لب وقتهآ مع بنت عمتهآ " ملاك " ،،
مشآري / عمره 16 سنة ..
^ ^ ^
عائلة أبو أحمد :
محمد / الأب ،،
نوره / الأم ،،
أحمد / الولد الكبير عمره 25 سنة ،،
ديم / عمرهآ 23 سنة البنت الكبيره وصديقة بنت خآلهآ " أسمآء " الروح بآلروح ،،
طيف / عمرهآ 18 سنة ، أغلب وقتهآ مع بنت خآلتها " وجد " ،،
بدر / عمره 14 سنة ..
^ ^ ^
عائلة أبو رائد :
عبد الرحمن / الأب ،،
جميلة / الأم ،،
رائد / الولد الكبير والوحيد عمره 24 سنة ،،
ملاك / البنت الكبيرة ، عمرهآ 20 سنة ، أغ لب وقتهآ مع بنت خآلهآ " جمآنة " لتقآرب الع مر والفكر ،،
مرآم / عمرهآ 19 سنة وتقع د مع أختهآ " ملآك " و بنت خآلهآ " جمآنة " وأحيآنآ مع " وجد و طيف " ..
^ ^ ^
عائلة أبو مآجد :
طآرق / الأب ،،
سلطآنه / الأم ،،
مآجد / الولد الكبير وعمره 24 سنة أغلب وقته مع رآئد ،،
وجد / عمرهآ 18 سنة وأغلب وقتهآ مع طيف ..
~ ~ ~ ~ ~
تبدأ الروآية في إحدى الأسوآق لتجهيز الع روسة الجديدة " أسماء بنت راشد "
~ ~ ~
جمانه : أسوم شوفي هالفستان مره نعووم ، شرايك ؟
أسماء : ماادري وش رايكم بنات لحد يسألني هالأيام مره محتااسه ..
ديم : ام والله ماادري وش اقول لك بس مو كأنه قصير شوي ؟
جمانه : لاموقصير ولا شي المهم أنه مغطي الركبه ومن فوق ساتر وبس ..
مرام : لالا شوفو هذا التيور مرره خيآآآل ..
ملاك : اقول بس إسكتي لحد يسمعك انتي وخلاقينك ..
مرام : افف ، مالك دخل انا سألت البنات مو ملاك !
> مر شهر ونص على هالحال ، كل يوم يطلعون للسوق ويتهاوشون مايرجعون إلا بقطعتين أو ثلاثة قطع ..
أسماء تبكي بغرفتها : خلاص مابقى على زواجي شي وانا مااشتريت اللي ابغاه ..
جمانه : إهدي شوي باقي 3 أسابيع يمدي إن شاء الله ..
أسماء : وش 3 أسابيع ، المفروض أقعد شهر وانا فاضيه ارتاح نفسياً وأروح المشاغل اتجهز ، يآربيه ، وش بسوي الحين ..
جمانه : بيمدي إن شاء الله بس حنّا نتأخر لأننا كثآر وكل شوي نوقف
..
أسماء : خلاص انا من بكرا بروح واشتري وماراح اقول لبنات خالاتي وخوالي ، عشان اقدر أخذ راحتي أصلاً ..
جمانه : وأنا ؟
أسماء : لاطبعاً ، أنتي أختي ولازم تروحين معاي ، وقبلي بعد ..
جمانه : تسلمين ياقلبي ..
~ ~ ~ ~ ~
> مر إسبوع وأسمآء وجمآنه مايجلسون بالبيت ، بس بالأسواق يحاولون يخلصون بأسرع وقت .. <
~ ~ ~ ~ ~
ديم : أقول طيف ..
طيف : خير ؟
ديم : ودي نسوي حفله توديع لأسماء ، والله بنشتاق لها خآصة أنا مستحيل أفارقها بهالسهولة ..
طيف تنقز من مكانها : ايه والله ، جبتيها ..
ديم : أجل يالله بدق ع البنآت ونرتب موعد ينآسبنآ كلنآ ..

~ ~ ~ ~ ~

أتفقوآ البنآت على يوم الحفله يكون مفاجأه لأسماء ببيتهم ، وكآنوا متفقين قبل مع جمآنه بدون ماتدري إختها باللي راح يسوونه ..
إجتمعوا ببيت خآلهم " راشد " وأسماء كانت تآخذ شآور ، طلعت من الحمام رآحت جمآنه قالت لها روحي جيبي كتآب من المجلس ، وكآنت المفآجأه تدخل أسماء وتلقى البنآت كلهم مجتمعين ويصآرخون عشآنهآ ، كانت لحظه مانستهآ أسماء ، لأنها كانت لحظه من أقسى اللحظات بحياتها ، عاشت بهالبيت وربت مع هالبنات وفجأه تتركهم ! مابقى على فرقاهم إلا 10 أيآم ، وتفارق العزوبيه معآهم ! كآنت من أصع ب اللحظآت اللي مرّت ع ليهآ ..
~ ~ ~ ~ ~
أسماء تبكي : يالدباات ليش ماقلتو لي ؟
ملاك : لأنها مفااجأه ياقلبي ..
أسماء : حرام عليكم انا ابي احد يخفف عني وانتوا تزيدون علي ..
ديم : أسووم بلا بكاء خلاص إحنا جايين نتونس ونفرح معاك المفروض هاليوم يكون أحلى يوم بحياتك لأنه أخر إجتماع لنا قبل زواجك ..
وجابوا إستريو وقاموا يرقصون و يستهبلون ..
~ ~ ~ ~ ~
السآع ة 2 بآلليل ..
أسماء تبكي بغرفتها ، تدخل عليها جمآنه : وش فيك يا قلبي تبكين ؟
أسماء : ماادري وش فيني ، خايفه والله خايفه ..
جمآنه تضمها : خلاص ياقلبي ريحي عمرك بهالأيام إن شاء الله دور هاليوم السنه الجايه أذكرك باللي كنتي تسوينه وتشوفين إن ماكنتي تضحكين على عمرك ..
أسمآء : طيب نآمي معآي اليوم ..
جمآنه : أوكي ، بس شوي أجيب أغ رآضي وأجي ..
~ ~ ~ ~ ~
جاء يوم الزوآج المنتظر ..
زوآج أسماء بنت راشد ..
تجمعوا الكل في القآعة بالمغ رب ، وتجهزوا ونزلوا يستقبلون المع آزيم وقاموا البنآت يرقصون كالع آدة وديم فوق مع أسمآء تنسيهآ شوي ع شآن تضحك ..
جآء وقت الزفة ، وقت تحديد المصير ..
إنفتح البآب الأبيض الكبير على أصوآت الزغآريد ..
طلع قمر بنوره ، نورت الصآلة واللي فيهآ ..
كلن يسبح ويهلل ، من هالزين اللي هل ..
طلعت أسماء بفستآنهآ اللؤلؤي النآعم ..
وعلى أصوآت الموسيقى الهآدية ..
~ ~ ~ ~ ~
ألف الصلاة والسلام ،، على النبي سيد الأنام
صلو بأسماء ع النبي ،، وأهدو لها أج مل سلام
هالليلة من ألف ليله في مزاياها ،، ليله بكل الليالي اللي ع رفناها
ليله تزف بفرح ها شمس ليلتنا ،، والكل يركض إذا طلت مح ياها
طلت ع روس الضياء وبشوق رح بنا ،، شمس أشرقت في سمانا وأسمها أسماء
والحسن يع زف مح اسنها ويطربنا ،، والنور كل مانظرها بشوق غ ناها
ألف الصلاة والسلام على النبي سيد الأنام
صلو بأسماء ع النبي ،، وأهدو لها أجمل سلام
الشمس قالت لها : لاتطلعي بع دي ،، أخاف في نور خدك ينطفي خدي
والبدر لي قال مح د في الضياء قدي ،، من شافها طاح من طوله وح ياها
من نورها صار نور البدر وح داني ،، لو كان الأول مع اها يمشي الثاني
والنور كل ماتغيب يدو ويع اني ،، والليل يسأل اذا غ ابت عن ضياها
ألف الصلاة والسلام على النبي سيد الأنام
صلو بأسماء ع النبي ،، وأهدو لها أجمل سلام
في إسمها كل حرف بالحسن وافي ،، يحمل معاني الصفا في كل الأوصاف
إن قلنا أسماء يكون الإسم ذا كافي ،، زانت حروفه وزان بطيب معناها
الألف ليل أخذ من شعرها سحره ،، والسين بدر تبادا في نصف شهره
والميم نور بزغ في وجهها بدره ،، والألف أوفى خفوق في حناياها
ألف الصلاة والسلام على النبي سيد الأنام
صلو بأسماء ع النبي ،، وأهدو لها أجمل سلام
~ ~ ~ ~ ~
الكل كان يسمي عليها ،، من زينها اللي فتنهم ..
وصلت الع روسة للكوشة ،، والكل قاموا يبآركون لها ويسلمون ..
جمآنه ل مشغلة الدي جي : يآلله نبي نرقص ..
قاموا البنآت يرقصون ويصآرخون من الحمآس ..
والكل يصفق ومستآنسين لونآستهم ..
كآنت ليلة لآ تنسى للكل ..
~ ~ ~ ~ ~
من ضمن الطآولآت ، كانت طآوله ورآ ع الزآويه ..
أم ناصر : أقول يابنيتي لمياء تشوفين ذيك اللي ترقص ؟
لمياء : أي وحده يمّه ؟
أم نآصر : ذيك ذيك اللي لابسه سكري ، تهبل ماشاء الله ..
لمياء : آيه ، ماشاء الله تبآرك الله تجنن ، بس ليش يمّه ؟
أم نآصر : والله يآبنيتي ودّي افرح بوليدي نآصر وأشوف عيآله ..
لميآء : والله ؟ الله يعني تصير هذي زوجة أخوي ؟
أم نآصر : مين قآل لك ؟ أنآ ما سألت أخوك ولا بعد سألنآ عن هالنآس ..
لميآء : طيب إن شاء الله يمه خلاص ماراح أقول لأحد ..
~ ~ ~ ~ ~
مرام : أسومه تع آلي مع نآ ..
أسمآء : واللي يع آفيك مو وقتك أبد ..
مرام : ترآ مو زين تشدين على نفسك ، إرتآحي يآقلبي بس لآ تتوترين زيآده ..
أسماء : مشكوره ، أقول ميمي شفتي ج مآنه ؟

مرام : لآ والله ، من عقب الزفه وأنا مو شايفتهآ !!

~ ~ ~ ~ ~

جمآنه تبكي بالحمآم : معقووله بقعد بالبيت لح آلي بدونك يا أسماء ، معقوله بيوم تروحين وتخيليني ، والله ما اصدق ، ربي يوفقك ويبعد عنك كل سوء ، والله بفقدك وبشتاق لك ، وتزداد نبرة البكآء وهي تحاول تهدي نفسهآ عشان مايسمعهآ أحد أو ينتبه لهآ ..
~ ~ ~ ~ ~
مرآم تتصل على جمآنه : جموون وينك أسومه تدورك خايفه عليك ، المفروض تصيرين معها بهالوقت ..
جمانه أنتبهت لعمرها إنها تاركه أختها لحالها وهي محتاجه لها : ها ، ايه صح جايه جايه الحين ..
مرام : وش فيك ، صوتك مو طبيعي !!
جمانه : لا سلامتك مافيني شي ، يالله جايه ..
مرام : اوكي ، مع السلامة ..
> يتبع .. >
~ ~ ~ ~ ~
إنتهى البآرت آلأول ،،
البآرت الأول قصير لأني أبغ ى أشوف تفاعلكم ..
عشآن أع رف أكملهآ أو لآ !!
~ ~ ~ ~ ~

• مين أم نآصر ؟ وتتوقعون مين اللي اعجبتها ؟ وبتوافق ؟
• أيش بيصير لأسماء بأول يوم ؟ وجمانه وش بتسوي بدون أختها ؟

s msm .. !