رواية وضحكت دموعها بكيبوردي

أم..
الصراحة..تجيني حالات أبي أكتب ،كذا فجأة..
مشكلتي يصير عندي بس فكرة سعيله عن اللي أبي أكتبه (يعني مثلي مثلكم)..
وعقب أكمل ارتجالي..<ياشين هالحركه..بس والله هذا طبعي..
هالمرة..
كتبت بس مقدمه..
وهي بالفصيح..أما الرواية أو القصة <<مدري وش بتكون..
توي ما بديت بها..راح تكون عاميه..
بس قبل..
حطوا في بالكم،يمكن ما أكمل..يمكن تطلع قصة قصيره..يمكن ويمكن..
شاركوني بتوقعاتكم..
لأني مثل ما قلت مثلكم..
ما أدري وش بيصير بالأبطال..
...
بس..إن شاء الله تعجبكم والاقي منكم تفاعل..
...
<<صح!!<شتبين؟؟
ترى للحين ما اخترت عنوان..
بس أتوقع يمكن اخليها بعنوان (وضحكت دموعها)<<ترى يمكن أغير..
......
(المقدمة)..
لاحت بين الأفق الشمس..
الشمس..
قد تكون سببا في انبعاث الأمل لنا..ها نحن نستبشر بها لإنجلاء الظلام عنا..
لكن الظلام يهزمها في آخر النهار..
قاعدتي..
لا شيء يستمر ع حاله..
كل شيء يتغير..
الأسوأ للأفضل دائما..
وبإذن الله..فكل شيء مقدر لنا في هذه الحياة..لكن أرجوك لا تيأس..
لا تقنط من رحمة الله..
مهما عانينا سيأتي اليوم الذي نرى به كل همومنا كذرات التراب المتناثره..
هي مجرد عاصفة أًُثيرت..لكن كل شيء سيعود كما أردنا..
لا حياة دون مشاكل وكفاح..
خلال هذه الأجواء أكتب قصتي..أمامكم..
هاهي السطور..أثروني بما لديكم من ملاحظات..
مازلت مبتدئه..

(1)
"تركي حرام عليك يكفي ..البنت محتاجه بنات وأهل حولها!!"
تنهد تركي بألم، ولف راسه ناحية ريما وهي تلعب..
...
"تايم أوت"
"ههه احكي عربي ياماما،خلاص مسكتك ههه"
...
قبل 7 سنين من هالوقت تماما..
...
"نوف ياله!!"
"زين زين جايه"..
كل شي مر بسرعه الخطبة الزواج وأخيرا السفر ل ترونتو..
...
نوف و تركي مثل طيور الكناري..بهالوقت..
نوف تصير صديقة بنت أخت تركي..
خلوني أتكلم لكم عن نوف وتركي شوي..
||نوف||~
آخر العنقود ع قولتهم..البنت الوحيده والمفضله عند الأم..
19 سنه..مو حقت دراسه بس مع ذلك شاطره..
حبوبه جدا وبعد بالمرة كتومه وزياده ع كذا إنها حساسه..توفى أبوها وهي صغيره..
وصار تعلق أمها بها مرة قوي..
فوقها 4 أخوان..
صديقة وجدان الروح بالروح..
....
||تركي||~
هو أصغر عيال أمه..بس من جهة أبوه تحته3..
يعيش مع أمه و أغلب وقته عند أخته الكبيره..عمره 25سنه..
لطيف بالمرة..وفرفوش وحنوون بعد..من النوع اللي ينشَّد فيهم الظهر..
عايلته مستواهم المادي حلو..
...
سافر بعثه يكمل دراسته للطب..
...
بصوت يرتجف"يوه الجو بارد"
"ههه أكيد الحين حنا بنهاية الخريف،تحملي شوي ونوصل المقهى"..
...
تركي:"الحين ورا ماتاكلين؟؟ولا إذا رحت عنك بتاكلين خ مثل
المشفووحه ههه"
انصدمت مسكينه!!شدت ع يدها وطالعت الأرض..
سكت شوي "شفيك؟ترى أمزح معااك!!"
(نوف بأعماقها..يحسبني واحد من أخوياه؟؟)
ردت بصوت مكتوم:"ياشين مزحكم يالرجال!"
(تركي بأعماقه..يالله يالبلشه..البنات ما ينفعلهم المزح)
****
"ههه لو طلعت بنت شتبي اسمها؟؟"
"لا عاد لو بنت أنت تسمينها"
"أم شرايك ريما؟صدق أبي بنت،بس بعد ودي بولد..علشانك"
"لا ما أقدر أنا..نور عيوني..أهم شي تقومين لي بالسلامه"..
****
فتحت دفتر مذكراتها وكتبت..
بالرغم من كل كتماني..إلا أن حبه تسلل بل إنه قد تغلل وانتهى في قلبي..
ياله من رجلٍ بقلب طفل..
..
..قفلت الدفتر..
...
انتبه لها تركي..هي دائما تكتب في هالدفتر وترجع تخبيه..حتى إذا صارت متضايقة،بس عقب ما تكتب ترتاح نفسيتها..
همس بذاته متزوج كاتبه ع غفله..ما اهتم ورجع نام..
****
كانت تتقلب بنومها..الحمل بالمرة متعبها..
راحت تتمشى في الشقه..وردت لغرفتها..
شافته وهو نايم..قامت وصورته..
وكتبت في الدفتر..
(حتى في نومه جذاب..وبعد ماطبعت الصورة أضافتها لكتاباتها)..
****
"لا حول ولا قوة إلا بالله،إنا لله وإنا إليه لراجعون،عظم الله أجرك،إن شاء الله،مع السلامة"
بخوف وترقب:"تركي شفيه؟!أمي فيها شي ؟؟أخواني أهلي؟؟أهلك؟؟وجدان؟؟
حاكني ؟؟"
التعبير خانه..عجز يشرح لها..هي بآخر حملها مو قادر يلقي بهالصدمه عليها..
"تركي الله يخليك قلي شصاير!!"وبدت تصيح..
مسك إيدها وحطها بجنبه:"أنت تؤمنين بالقضاء والقدر صح؟"
عيونها كانت ممتليه دمووع..وتطالعها تنتظر الصدمة..
"كلنا ماشين بهالطريق..اطلبي لأمك الرحمة"
****
"انهيار عصبي،وضغطها مرتفع،احتمال نولدها..لأنه خطر ع الجنين"{<ترى هالحكي بالإنجلش..مشواار أسأل أبوي عن مرادف هالأمراض بالإنجلش..
****
صدمه الحكي..خايف موت ع زوجته..مو قادر يستوعب..
<أنتم فاهمين حالتها..مررة خطر،غير إن بنيتها ما تساعد أبد..
****

(2)..
في ناحية أخرى من الكرة الأرضية..
وجدان:"الحمد لله ع السلامة يمه!"
بصوت منهك:"الله يسلمك.."
أبو سلمان:"ها شقلتِ؟وش بتسمينهم؟؟"
سلمان بوثوق"أنا من رأيي رامي ومروة،شرايكم؟"
دخل عرض عبد الله:"لا لا أم فارس وسارة أحلى"
منال بتعالي"لا شهالأسماء؟؟سموا وسيم وسمر"
ابتسمت الأم..وقالت خلوني أفكر..
وجدان:"يمه أبي أنام عندك"وطالعت أبوها..
"يباه تكفى"
"أم طيب..بس اليوم"
والفرحة موب سايعتها قالت:"اوكي يا أحلى أب"
|||~
بتعب واضح:"الحمد لله ع السلامة يالغالية..كذا خوفتيني عليك"
وحيلها منهد:"الله يسلمك"وابتسمت بتعب..
قطعت عليهم الطبيبه..
وعيونه ممتليه دموع،همس لها:"خفت أفقدك!"
وطلع برا الغرفه يخلي الطبيبه براحتها..
نوف بهالأثناء عجزت ترد..لأن دموعها غلبتها..
شي واحد كانت واثقه منه..إنه كل ثانيه يزيد حب
تركي في قلبها..
بس أبد مو قادره تعبر له..
طلعت الطبيبه وشرحت لتركي عن حالة نوف..
ومن حكيها فهم إنه المفروض ما تتعرض لأي شي يشد أعصابها..
لأن ولادتها قريب..
|||~
وهي تكتم دموعها:"بليز تركي أبي أشوف أخواني..أبي أشم ريحة أمي..
هذي أمي تعرف يعني شلون أمي؟؟"
وهو بقمة تأثره:"خلاص مو زين لك شدة الأعصاب..أباحاكي الطبيبه ع
السفر إن شاء الله.."
بعد شد وجذب،وافقت الطبيبه..لأن حضور نوف لعزاء أمها راح يشد لها أعصابها..
وهي خلقه ما تتحمل..بس الموضوع إنساني جدا...
|||~
رجعت البيت تجهز أغراض السفر بعد ما ارتاحت لها شوي..
أما تركي فكان عنده قلق..
أبد موب عارف شلون يواسي
..
مرة يقول أبحاكيها..ومرة يتراجع يقول خليها لين تهدأ،
يمكن ودها تقعد لحالها شوي..
|||~
"هلا واله تروك ،شلوونك؟إن شاء الله تمام"
"هلا وجدان..بخير..أنت شلونك؟؟"
"تركي شفيك؟صوتك أبد مو عاجبني!!أقلقتيني"
"أبد..شوفي وجدان..بنجي أنا ونوف السبت إن شاء الله جهزوا لنا الجناح"
"ما راح تسكن عند جدتي!!طيب غريبه قاطع دراستك
وبتجي_وحاولت تغير مود الاتصال_ولا حنييت لنا أخيرا؟ههه"
وبشكل جدي:"نوف أمها توفت..يالله سلميلي ع الوالده.."
وجدان تأثرت بالمرة..ولامت نفسها وشلون ماعرفت عن أم صديقتها؟!..
|||~
بعد كم يوم انتشر خبر رجعة تركي في أوساط عايلته..
منال بصوت يلهث:"جودي بدريووه ع التلفوون تبييك"
بخاطرها:"الله ذي البلشه،شتبي؟"
|||~
بصوت متشبع بالفرحه:"سلام..شلونك وجدان صدق تركي بيجي السبت؟؟"
ردت ومالها خلق أبد:"ايه،ليش؟وراجع علشان عزاء أم زوجته"
"لا أبد..بس أسأل"
بقفلة خاطر:"بدريووه،عيب ترى الرجال أعرس.."
مسوية كسرت خاطرها:"أنت ليه كلش تجرحيني..وتفهمين قصدي خطأ..باي أصلا الشره علي داقه"
"باي"
..
نقابل ناس..دائما..نتساءل في ذواتنا..شيبون؟؟
بس الإجابه دايما ما تتغير (حب تنكيد)..
|||~
في الطياره..
"خايفه!!"..
بقلق واضح:"ليه فيك شي؟؟حاسه بشي نوف؟؟"
"لا لا بس..مدري..تركي مابتتخلى عني صح؟"
وهو متفاجئ من حكيها:"أكييد أنا لقيت السعاده معك"
ضمت ايده ونامت..كأنها كانت محتاجه لهالإجابه تريحها..
|||~
بانتظار تفاعلكم معي : )