زوجي بيتزوج علي اش الحل

صبحكم الله بالنور والسرور
انا يا بنات عشت مع زوجي اكثر من عشر سنوات ... الحمدلله ما كدر حياتنا شي..
كنا حيل مبسوطين .. كل سنة سفرات وطلعات .. ووناسة
بس طبعا الزين ما يكمل
سنة ورا سنة ... العيال ما جاو ...
بدت الام تتكلم ... مابظلمها ..هي مو شينة ولا قاسية ...بس كل شوي تذكرنا انكم تكبرون وبتصيرون وحيدين بعدين ومن هالكلام...وخلي ولدي يتزوج ...
وانا اسمع واطنش ...
الابو نفس الشي... يقط كلام احيانا ... يعنن يمزح ..
وزوجي بالبداية قال انتي وافقي وانا بتزوج ... طبعا صعبة على اي حرمة ان زوجها يتزوج عليها..وبرضاها !!!!!!
والحين رجع يطري السالفة ..
فقلت له اني مالومه لو حب يكون عنده عيال وحياة وعايلة لكن انا بعد من حقي احقق لنفسي الرغبة هذي...
وفحوصاتنا كلها سليمة ... بس عين ماصلت عالنبي...حسبي الله ونعم الوكيل
انا طلبت الطلاق .. لاني مقدر اشوف زوجي مع وحدة غيري..
والرجال كلهم نفس الشي .. بالبداية بيقول لك انتي الاساس وانتي تاج راسي.. ولا جت الجديدة ومن بعدها عيالها ... اصير انا في خبر كان
شرايكم ؟