سآآآعدوني يا خبيرات الجبن ما يرضى يذووب في الفرن

رزووونه1

20-10-2022 - 09:48 pm

السلآمو علييكم ..
كيفكم .. آخباركم ؟ لكم وحشة
طبعاً أنآ ..طباخة شطوره و زي كذا .. و آكلاتي تهبل مَره > مادح نفسه يبيله رفسه
االمهم ...
مشكلتي عقدتني .. لما استخدم الجبن الشيدر سواء المراعي .. أو كرافت وابشرها واحطها فوق البيتزا أو اي آكله ثانية .. ما تزبط على طوول تحرق معي وتصير قاسية ومالها طعم ..
مع أني قريت مرة أنه لازم نحطها آخر شي .. وتقعد 3 دقايق بالفرن وبعدين تذوب .. لكن برضو مافي فايدة ..
السؤال هنآ .. هل هناك جبن خاص بالبيتزا أو اي آكله ثانية نرش عليها الجبن عشآن تذوب ؟ أو عادي أي نوع ؟
ولو كانت عادي .. فكيف الطريقة ؟!
هيلب مي بليز يا شيفات ..
ولكم مني آحلى دعوة ..

التعليقات (8)

أمـــل في الحيـــاة

21-10-2022 - 01:09 am

وعليكم السلام ورحمة الله وبركاته
ياهلا فيك ياعسل يمكن حرارة الفرن عاليه علشان كذا تحترق
بالنسبه للجبن ترى فيه انواع ماتسيح
خذي جبن موزريلا للبيتزا دخلي البيتزا الفرن واذا استوت طلعيها ورشي عليها الجبن ودخليها في الفرن على حرارته
علشان تسيح
بالنسبه لطريقتي . . احطها عالبيتزا وادخلها الفرن اولع عليها من تحت فقط اذا قربت تستوي اولع عليها من فوق دقيقتين
والجبن يكون تمام
ان شاء الله تضبط معاك ياعسل
فديتك فدوفد

beauty symbol

21-10-2022 - 02:10 am

انا استخدم جبنة كرفت
ابشرها واحطها على الصينية ايا كانت
واخفض النار لاخر شي
وانتظر 10 دقايق ويمكن اقل
انتي راقبيها وشوفي
وان شاء الله
تضبط معاك طريقة
امل
او طريقتي

نواعم الرياض

21-10-2022 - 03:11 am

اب

لحظة حنان

21-10-2022 - 04:12 am

لما تطلعين البيتزا من الفرن تكون الجبنه مبشورة وخالصة رشيها فوقها وغطيها بمنشفة تذوب الجبنة من حرارة البيتزا والمنشفه ما تخلي بخار البيتزا يرجع عليها ويخليها رطبة

روعه النسيان

21-10-2022 - 05:13 am

حبيبتي النار الزايده هي اللي تخلي الجبنه ماتذوب والافضل انك تحطينها وترشين فوقها المزريلا واذا ماتبين المازريلا حطيها وغطيها وطفي نار الفرن وخليها بالفرن 5 دقايق بتلاقينها ذايبه ان شاء الله

رزووونه1

21-10-2022 - 06:14 am

شكراً حبآيبي .. إن شاء الله تزبط معي ^_^

ᘝᘜᘝﻅــــﻝّ &#

21-10-2022 - 07:15 am

اختي جبنة التشيدر ماتنحط للبيتزا لأنها تيبس وماتذوب
الموزاريلا هو اللي خاص للبيتزا والباستا واستعملي نوعية موزاريلا فرسانا والله بتدعين لي
لاني لي سنوات جربت كذا نوع ومن اعرفة فرسانا وانا مرتاحه ..تذوب وطعمها مافيه زنخه او دهون ولذيذه مرره ..

تالين1410

21-10-2022 - 08:16 am

اللي اعرفه ان جبنه المراعي ماتذوب
موفقه

الشيف كينود←
بهارات قهوه→