ساعدوني في وصفات الارز

فوق لعيونك

وربي نفس المعاناة انا الله اعطاني اسوي المعجنات والحلويات لدرجة زوجي يقول دايما حلوياتك مميزة واطلعها من بين مية طبق لكن مالله اعطاني في الكبسات وانواع الأرز اللي هي اكلة بعلي المفضلة وماخليت بهارات ماستخدمتها بس احس الرز يطلع ماصخ ومافيه ذيك النكهه والريحه اللي تعبي الراس ياليت وحدة سنعه تسعفنا بطريقه وبهارات مضبوطه عشان نصير شطار من مجاميعه

يعطيكم العافيه على الردود ووين البنات يساعدونا انا قلت اليوم بشوف الصفحات مليانه حسافه والله ماتعرفون تتطبخون رز <<< علمي عمرك اول بنات يلا حطو وصفاتكم

نفس الحالة وش الحل اتمنى احد يفيدنا
انا لما اسوي كمية كبيرة يطلع زين بس لا سويت لي انا وزوجي يطلع يفشل
ساعدونا الله يفرج لكم

مثلكم بالضبط اسوي حلا ومعجنات وفاشلة بالغذاء واحتار ايش اسوي عشاء
لما اطبخ رز لي ولزوجي مررة ووع استغفر الله يفشل -بس اذا طبخت كمية الحمدلله - بس الحين صار الطبخ احسن
بس برضو مو ذاك الشيء
خواته واهله طباخات _ معرووفين بنات الاحساء _ ربي يحفظهم

اب

مرحبا اختي شوفي انا نزلت طريقة كبسه مع الدجاج المشوي
شوفي مواضيعي وتلقينها وخطوه خطوه واذا فيه اي استفسار انا حاضره
وبالتوفيق

يالبى قلبك انت والبنات
شوفي انا كنت اعاني زي ما قلتي كمية شوية تطلع استغفر الله والكمية الكثيرة تطلق الوجة
.
.
.
.
اول شي تذوبين نصف دجاجة وتنقعينها في موية وملح وتغسلين الرز تقريبا كاس ونصف وتنقعينه في موية حارة لمدة نصف ساعة اقل شي
تحطين في القدر موية مغلية وتحطين الدجاجة وعود دارسين وهيل ومسمار كلها حبوب وتطبخينها لما تستوي وحطي الملح قبل ما تستوي بشوي وشوفي انا استخدم الملح الخشن لكل كاس رز ملقعة صغيرة ملح
وتشلين الدجاجة وتصفين الموية من الشوائب وبعدبن تحطين مكعب ماجي فلفل صغير وحبتين هيل ومسمار وليمون اسود ودارسين وصفي الرز من الموية بعدين حطيه على موية الدجاج وشيلي موية وخليها على جنب يعني خلي الموية اكثر من الرز بشوي تقريبا ارتفاع اصبع وخليه على نار عالية الى ان تنشف مويته وطي النار مرة واكيد بيحتاج موية ابدي اسقيه بالموية اللي شلتيها وصبي عليه شوي زيت واذا استوى خلاص حطي على الوجة بذور كزبرة مطحونة وكمون او بهاراتك وحطي الكشنه اللي انت مجهزتها (وهي عبارة عن بصل مقطع شرائح ويقلى في قليل من الزيت وبعد مايتحمر تحطين عليه اللي تبين زبيب او صنوبر وشوي بهارات او صلصة شوي انت وغبتك )
يلا طبقي وخبيريني
بالهنا والعافية

نفس المعاناه اذا طبخت كميه كبيره احلى منه مافيه واذا لي انا وزوجي الحمد لله على النعمه