ساعدوني محتاجة لا تبخلون علي اللي داخلة هالقسم انجليزي تعلمني

انا اقولك ترى اول النصف راح تكون خايفة وهذا شي طبيعي و بعدين راح تقول الحمدلله اني ماتسرعت وغيرت قسمي واكيد اول شي تبي تقول ماعرف وش يقولون بس بعد ماتتاقلم راح تستفيد ودعواتك لي لاتنسيني

السلام عليكم
أختي الحبيبه انا خريجة هذا القسم..
بكلية التربية للبنات بالرياض ..
بس ماقلتي صديقتك داخله كليه والا جامعه ؟ ترى تفرق ..
اذا كليه التربيه .. انصحيها تستغل اللي باقي من الصيف وتدخل دوره ..
او تقرا قصص الاطفال القصيره .. او تسنتر عند القناة الثانيه السعوديه .. عشان تعتاد على سماع اللغه .. لانه كل المحاضرات راح تكون رطن انجليش بانجلش .. مستحيل يتكلمون عربي .. وهذا الشي بحد ذاته راح تلاقي فيه شوي صعوبه بالبدايه طبعا وبعدين ان شاء الله تتأقلم ..
وبالنسبه للمواد .. شوفي ياقلبي انا بقولك الصراحه .. انا كنت ممتازه بالثانوي .. خاصه بالانجليزي ماكنت انقص ولا حتى ربع درجه .. لكن بالكليه الوضع يختلف تماما .. المواد فيها صعوبه شي مؤكد خاصه ان هذي مو لغتنا ولاتعودنا اننا نسمعها او نقرأها حتى ..
لكن اذا هي شايفه انها طموحه وعندها استعداد تطور نفسها .. وحابه الماده .. خليها تستخير اهم شي وتدعي ربها بهالشهر الفضيل وماعليها من كلام الناس .. واولا واخيرا النجاح بيد رب العالمين ..
وأي استفسار او سؤال لايردك الا الرسائل الخاصه ..خ ارسلي على الخاص
لاني ماادخل هالقسم كثير ..
ومابغى غير دعوات حلوه ..

يااختي اناادرس انجليزي
وكلامي مثل كلام اختي الفجر الباسم
في البداية بتشوف انة صعب كل شي انجليزي في انجليزي
بس لازم تشد حيلها وتذاكر اول باول
وتسمع وتقراوتتكلم انجليزي كثير
ولا تترد في سؤال الاستاذة اذ مافهمت اي شي
ان شاء الله اكون ساعدتك

مافي شي سهل زي ماقالوا البنات قبلي لغة جديدة عليها اول شي راح يطلع صعب بس اذا مستواها بالانجليش كويس راح تمشي
بس اهم شي تشيد حيلها وتحاول تطور من نفسها يعني لا تعتمد ان الجامعه او الكلية راح تطورها لازم هي تشيد حيلها تاخذ دورات تقرا كتب تشارك بالكلاسات وراح تمشي ان شاءالله
هو صح الناس يالله ينجحون بس هي تشد حيلها وتتوكل على الله ولا تخلي احد يهبط عزيمتها

انا خريجة هالقسم من سنة ومادخلته الا لما استخرت
في البداية كنت ارجع يوميا البيت ابكي اقول وشلون البنات يفهموون وانا لا كان الوضع صعب لان المحاضرات كلها انجليش غير انه القسم فيه شغل كثير على نفسك مو مثل الاقسام الثانية بس الفصل الثاني صار الموضوع اهون وكل سنة تعدي احمد ربي اني مادخلت غير هالقسم جنان والله في مستوى 3 ورابع اني كنت اتمنى ان كل المواد انجليش وكرهت المواد العامة صرت اشوف مواد التخصص اهون بكثير....حتى مناهج مواد التخصص اقل بكثير من المواد العامة
نصيحتى لها مثل ماقالت الاخت الفجر الباسم تحاول تقرا قصص انجليش تدخل مواقع تعليمية بدائية بس عشان يتسهل لها الوضع وبالتوفيق لك ولصديقتك غاليتي

الله يوفقم ويريحكم زي ماريحتوها قولوا آمين..
أشكركم على تفاعلكم معي جزاكم الله ألف خير..
صدقوني راح تدعيلكم وماراح تنساكم على نصايحكم هذي..مشكورين..
دمتم بخير..