ساعدوني يآ بنآت بليز

السلآم عليكم ورحمة الله وبركآتة
شلونكم حبايبي
مشكلتي بصرآحة مع خطيبي لنا شهرين وكم يوم مخطوبين وما يقرب لي
المهم احنا متفاهمين ولله الحمد وكل شيء بالحوار والمناقشة بيني وبينه
لكن احس ان اخواته يتدخلون بحياتي لانه صارت مشكله بسبب التصوير بالملكة
واعترضو اخواته وكان موافق ماعنده مانع وكان يقول من حقنا نتصور بليلتنا قصده بالزواج
وفجآة وقال خلاص صورتي بالملكة ماراح تسويها بالزواج ورضخت
للامر هذا بقولهم التصوير حرآآم .. وانا متآكدة انو مش حرآم وسمعت الشيخ بإذني يقول
مو حرآم لانه مثل المرآة ترى صورتك ليس مجسم او رسم هذا اللذي يأمرك الله ينفخ فيه
الروح لانه مشابه لخلق جل جلاله .. لكن مشيتها وقلت ماراح تعيق هالمشكله حياتنا وش
يعني تصوير وخلاص استغنيت عن المصورة بالزواج ..
بس الحين انه يعارض اني استخدم الماسنجر ييقول والله اني واثق فيك اكثر من نفسي
بس هالشي انا ما ابغاه بنت وعندها ماسنجر ما ابغاه ابدا .. وقلت له وحلفت اني ما استخدمه
الا للتواصل مع قريباتي وزميلاتي وانا صادقة وربي شاهد عليا والله خير الشاهدين
وبهذه الجمله قلتها له وقلت له بعد ارسل لك ايميلي والكلمه المرور بعد وشوف بعينك ..
و حاولت افهمه
وقلت له اني اكلم اختي وزوجه اخوي وصحباتي وكلهم متزوجين وبعدين عن المنطقة
اللي اسكنها واشتد النقاش بيننا وانهى المكالمه وقال خلاص انا بروح انام
بصراحه انقهرت منه ولا دقيت عليه .. وللحين ما كلمني ولا ارسل ولا اتصل دايم يصبح عليا
والحين ولا شي
ياناس وش اسوي وربي كل شوي اقوله ايه وحاضر وانا ما ابغى بهالدنيا الا رضاك
الحمدلله امي وابوي راضين عني باقي انتا .. بس احسه يبي يسيطر عليا كل شيء على كيفه
طيب انا مالي رآي ولا اهمية وخوفي بعد يقول اتركي النت بعد .. اذا سمعت كلامه عن المسنجر
والا وربي انه مايهمني المسنجر كثير .. بس استفيد كثير من المنتديات بالطبخ واشياء تخص المرآة
وانا بيتوتيه نوعا ما من 4 سنين لاني تخرجت ولا توظفت مافي وآسطه .. الله لنا
بس والله استفيد من النت وخوفي يقول مافي نت بعد يا ناس يا العالم وش اسوي
ادق عليه اسآل عنه وإلا لا .. وش اقول اذا سالني عن المسنجر وكلام البارحه ؟!!
جابوني يا متزوجات يا بنات تفكيري صح او خطأ ؟!
وترى ما علمت احد من اهلي عن هالموضوع لانو مابي تجي مشاكل او احد يتدخل
لانو قال مشاكلنا نحلها سوى وانا محترمه وجه نظره ..
اختكم الصغيرة طآلت آلغيبه }