ساقواا حلى اهل الاحساء مين تعرف طريقته

وش دعوه ولا وحده ردت

هلا عزيزتي
ولا يهمك انا اعطيك طريقة الساقو
انا دايما اسويه لان زوجي و اهلي دايما يطلبوه مني
طبعا هاي الطريقه متعلمتها من جدتي
يلا نبدأ
بسم الله
المقادير
حبوب ساقو
ماء
زعفران
هيل مطحون
زبده سايحه
سكر
اول شي تجيبي حبوب الساقو وتحطي منها شويه في زبديه يعني على حسب الي انتي تبغي تسويه
اذا بتسوي لشخصين او ثلاثه يكون بس تغطي ارض زبديه وزياده شوي واذا تبغي تزيدي زيدي على كيفك طبعا هوه بعدين ينفش زي الرز
بعد ما حطيتيه في الزبديه صبي عليه مويه لين تغطي فوقه بأصبعين
وخليه كم ساعه ينقع في المويه
واذا خليتيه من الليل ينقع وتسويه يوم ثاني يكون احسن
تحطي شوية زعفران (على حسب رغبتك) في بياله وتصبي عليه مويه ساخنه وتخليه
طبعا اذا كنتي حابه لونه يكون اصفر غامق تزيدي الزعفران
المهم الحين بعد ما خليتيه فتره وجيتي تبغي تسويه حطيه مع المويه الي هو فيها في طنجره وحطيها على النار
واجلسي حركي فيه حطي وضيفي عليه الزعفران وحركي
لين ما تحسي انه شرب الماي والحبوب تحول لونها من ابيض الى شفاف
اذا شفتي المويه خلصت والحبوب لسه بيضا زيديه شوية مويه بعد
والحين ضيفي عليه السكر بفنجان القهوه يعني تقريبا ثلاثه فناجين (ممكن تاخذي بطرف ملعقه شويه علشان تشوفي اذا ناقصه سكر زيدي)
وانتي تحركي طبعا لاتوقفي تحريك
والحين اضيفي عليه ملعقه صغيره هيل مطحون وانتي تحركي
واضيفي ملعقه كبيره زبده سايحه
الحين تقريبا تحسيه صار جاهز ولونه اصفر بلوري حلو
تكوني مجهزه الصحون الي بتحطيه فيها من قبل
وعلى طول تصبيه وهو ساخن في الصحون قبل لا يجمد علشان ياخذ شكل الصحن
ممكن تزينيه و ترشي فوقه شوية هيل
وبالهنا والعافيه
اعذريني لانو مو حاطه الك المقادير كم بالضبط لانو زي ما قلت لك هاي الطريقه اتعلمتها من جدتي
وتعرفي الكبار ما يتعاملو بالمقادير تحط على احساسها

الاخت قصيدة المساء ماقصرت
عطتك الوصفه
وانا كذلك اسويه بدون مقادير
بس عندي طريقه حلو بالنسبه للهيل
حطيه بمنخل صغير ورشيه عليه علشان مايضايق اللي ياكله وزينه بالمكسرات المفضله لديك
وبالعافيه ان شاء الله

مشكورة ياقصيدة المساء ماقصرتي
ويعطيكي العافيه يا ام توتي
وهو ماله الا الطريقة هذي

ماقصرو البنات بس
حبيبتي لاتنسين المكسرات فوقه اهي الي تحليه
وبالعافيه مقدما لك ولامك

انا اعرف وحده تسويه بالحليب والسكر طبعا مخترعه الطريقه مكن مخها ههه

ههه اكيد من مخها اذا اهل الساقوا علمونا طريقته عدل

هلا يااختي عليا انا اسوي الساقوا طبعنا الطريقه من الوالده الله يطولي عمرها انك تحرقين السكر يعني يكون بني الي ذهبي وبعدين تحطين احبوب الساقوابعد مانقعتيها شوي مع المكسرات روعه مشكوره يا

وانا بعد ابا اعرف طريقة تخلي طعمهة احاى بكثير
الطريقة التفليدية مليت منها