سفرتي الرمضانية حياكم الله الجزء الخامس

السلام عليكم يااخواتي
الله يسلمكم ابو العيال عازم اصدقاءه عندي في البيت وقالي لا تسوين ولا شي
بجيب من برى قلت له مايصير خليني اطبخ مادام اني ماني صايمة مرفوع عني القلم ههه افهموها
هو بس جاب شوربة من بيت اهله وانا سويت اللي ربي قدرني عليه
( على فكرة هذا الموضوع المفروض ينزل من اسبوع بس جهازي خربان )
سموا بسم الله واذكروا الله
طبعاً الاكلة الرئيسية احترقت علي من العجلة اللي فيني
اسمها رولات الريم اخذتها من كتاب طبخ
طبعاً مقاديرها وطريقتها سهلة
تسوين حشوتك المعتادة دجاج او لحم وتكشنيها وتبهريها بعد ماتخلصي تاخذي التوست وتفرديها بالنشابة وتحطي الحشوة داخلها وتلفيها زي الرول تطلع معك زي اللي بالصورة
ولا خلصتي تصبي فوقها الخلطة المفضلة عندك انا عن نفسي استخدم علبة قشطة وملعقتين او ثلاث جبنة كاسة وشوية ملح وتدخليها الفرن شوية من تحت على اساس التسخين وحمريها من فوق .. وبس
سبرنغ رول احشيها بأي حشوة تفضليها
سلطة اندومي المفضلة لدى العائلة الكريمة
شوربة حب < مو انا اللي سويتها
سمبوسة حشيتها ببطاطس مسلوقة وبيض مسلوق وجبنة شيدر مبشورة وشوية كمون
بف باستري محشية بجبنة كيري وعليها الدبس
يوم حطيت السفرة رحت ابسوي حلى بس ناقصة المقادير عندي
قلت لزوجي ترى مافي حلى قالوا بس كفاية هم شبعانين مايبون يحلون يبون بس عصير ههه
وبس
كالعادة اقول اللي عندها اي استفسار او راي تطرحه هوون بدون تجريح فديتكم
وحياكم الله