سفرتي المتواضعه ثاني رمضان بالصوور مشاركه بالمسابقه الرمضانيه

مبروك عليكم الشهر يا احلى فراشات
والله يعيننا على صيامه وقيامه يارب . . .
هاذي سفرتي ثاني يوم من رمضان وحبيت تشاركوني فيها
بعيدا عن التكلف الزائد
وفطورنا على جزئين
الفطور الاول قهوه وتمر وقشطه وحلى
والفطور الثاني الثقيل طبعا ههه
نبدأ بسم الله...
الأطباق:
اصابع الكيري
شوربة عدس
سلطه يونانيه
سمبوسة خضار+جبن
بيتزا
جلي كرز
عصير توت وبرتقال
هاذي صوره للسفره كامله هاذا فطرونا الثاني
هذا فطورنا الاول
قهوه وتمر وقشطه واصابع الكيري
القهوه والمشروبات
هاذي اصابع الكيري
وطريقتها سهله تاخذين رقاق سويتز وتحشينه جبن كيري
وتلفينها رول وتسكرين اطرافها بالعجين عشان ماتنفتح وقت القلي
وتقلينها بعدين تغمسينها في شيره وترصينها في صحن التقديم
وترشين عليها ذرة هيل وتغمسين اطرافها بفستق(اختياري)
شوربة عدس
طريقتها سهله ولذيذه تنقعين كوب عدس في مويه حاره 25دقيقه بعد ماتغسلينه
تجيبين قدر وتحطين فيه شوية زيت وتحطين عليه بصله متوسطه مفرومه وفص ثوم وتقلبينها شوي بعدين كبي عليها العدس
وقلبي شوي عشان يتنكه ومكعب ماجي 1 ثم تغمرينه بالماء وتحطين بهارات (كمون وكزبره وفلفل اسود) وشوي ملح اذا يحتاج
وقفلي عليه واحسبيله نص ساعه في قدر الضغط عشاني تنهري حبوب العدس
سلطه يونانيه
طريقتها تقطعين كلا من حسب العدد
(خيار+طماطم بدون بذر+خس+فلفل رومي+بصل اخضر)
وعند التقديم تضيفين عليها شرايح زيتون اسود ومكرونه مسلوقه صغيره وجبن مالح مكعبات بس انا مااضفت وتبلينها بملح
وزيت زيتون نعناع ناشف زعتر شوي وعصير ليمون وقدميها
بيتزا خضار
وطريقة العجينه منزلتها في موضوع سابق
سمبوسة خضار
طريقتها تسلقين مكعبات صغيره بطاطس وجزر وبازلا
بس مومره عشان ماتنهري في ملح وفلفل اسود
بعدين تجيبين طاوه تحطين فيها شوية زيت وبصله مفرومه وفص ثوم
ومكعب ماجي 1 وتضيفين بهارات مطحونه وتضيفين الخضار بعد تصفيتها من الماء وتقلبنها شوي وضيفي شوية بقدونس مفروم
وخلاص صارة جاهزه
سمبوسة جبن اي نوع تفضلين انا حشيتها جبن مالح وبقدونس يمي
أتمنى عجبتكم الاطباق واي ا ستفسار انا حاضره
دعواتكم
لكم ودي