سفره فطوري المتواضع الثاني مع حبيب قلبي

Rملك روحيM

11-11-2022 - 01:39 pm

اخباركم فراشات يارب الكل باحسن حال
فطوري في ثاني يوم من رمضان اتمنى يعجبكم
عباره عن شوربه وسمبوسه دجاج ولحم ورول خضار
وجبنيه اخذتها من منتدى تاني رهيبه
ومقاديرها
2كاس دقيق
بيضه
نص اصبع زبده
علبه جبن شير المراعي وسط مبشوره
بياله شاهي ماء دافي
ملعقه خميره وملعقه صغيره بكنج بودر واضفت من عندي فانليا عشان البيض
وطريقتها تخلط جميع المقادير بلخلاط ماعدا الدقيق ويضاف الدقيق وتعجن الى ان نحصل على عجينه متماسكه
اصابع جبنه مع حليب النستله
معجنات بعجينه العشر دقائق بيتزا وخليه نحل وفطاير بجبن سلايس وخيار
كبه الدجاج من كتاب النخبه
وانا حطيت كاس برغل في نص ماء مغلي مذوب فيه ماجي وتركته ساعه
بعدين فرمت نصف صدر دجاج مع بصله وبطاطا مسلوقه و وبعدين رجعت فرمته مره ثانييه كوله
وجهزت حشوه دجاج مع بصل
وشكلتها والكميه هذي سوت تقريبا 14 كبه وكانت روعه
ملفوف كتبت طريقته من قبل
ومكرونه القواقع
سويت صوص زي حقالكشري وزعته بالصينيه
وسلقت المكرونه وحشيته بدجاج مفروم مكشن والحشوه اضيف لها كزبره وبقدونس وجزر وبصل اخضر
وصيبيت فوقهاكريمه وجبنه وممكن قشطه وجبنه ورشيتها بالجبن
والحلا زي حلا فروحه ربي يفرح قلبها
اتمنى يعجبكم
وتدعون لي ربي ييسر لي امري وارتاح
محبتكم ملك روحي

التعليقات (9)

قوت القلوب *

11-11-2022 - 05:00 pm

الله يعطيك العافيه يارب يرزقك فى هذا شهر الكريم بحمل وانا يحقق أحلامى يارب قريب مو بعيد

رمش الخليج

11-11-2022 - 06:01 pm

ماشاء الله روعه
تسلم يدك اشتهيت الملفوف يمي

منيه حياتي

11-11-2022 - 07:02 pm

ماشاءالله
سفره دايمه يارب
والله يحققلك كل اللي تتمنيه
ممكن طريقه الحلا

برستيج الدلع

11-11-2022 - 08:03 pm

ماشاءالله تبارك الله
شي مميز وابداع

ғuѝқą

11-11-2022 - 09:04 pm

بالعآفيةة

شروق11

11-11-2022 - 10:05 pm

ماشالله تسلم يدينك
والله يسعدكم ويرزقكم بالولد الصالح

~ شذى الــورد ~

11-11-2022 - 11:06 pm

ماشاء الله ,, سفره لزيزه ورايقه ^*
واحلى الستارات لاحلى سفره
ربي يعاافييك ويسلم اديينك ,, لاتحرمينا جديدك ...

~شمعة حيآتي~

12-11-2022 - 12:07 am

كالعاده مبدعه ملووكه
ربي يسلم الايادي
ويريح بالكٍ ويسعدك ويرزقك الذريه الصالحه
لآتحرمينآ جديدكٍ

ام عبـود

12-11-2022 - 01:08 am

ماشاء الله تبارك الله سفره جونان وتفتح النفس وصحونك روعه احب انا الصحون البيضاء تعطي منظر للأكل يمي
الله يخليلك حبيب قلبك ولايفرقكم ويبعد عنكم عيون الحاسديين

اكلات رمضانية←
سفرتي المتواضعه ثاني رمضان بالصوور مشاركه بالمسابقه الرمضانيه→