سوال للطباخات الماهرات فقط

عزيزتي الحجازيه
بحكم خبرتي بالكيك ولضمان نجاح الكيك عليك بالآتي:
- المقادير لازم تكون مضبوطه
- المواد المستخدمه انتبهي ما تكون منتهية الصلاحية
- المواد المستخدمة بدرجة حرارة الغرفة
- الفرن لازم يكون مشغلينه بفتره قبل لا ندخل الكيكه
- اي كيكة لازم يمر عليها نص ساعه بالفرن من غير ما تفتحين الفرن
- مكن انك تلقين نظرة على الكيكة بعد مرور 40 دقيقة واذا لاحظتي انها بعد ما استوت حاولي تصكين الفرن بحركه بطيئة جدا جدا حتى لا يدخل هوا ويخرب الكيكه
- اذا لاحظتي ان الكيكه لونها صار غامق من فوق وهي بعد ما استوت غطيها بورق قصدير وخليها الى ان تستوي
- بعد مرور الوقت الكافي وهو من 45 دقيقه الى ساعه لازم نختبر الكيكه قبل لا نطلعها والطريقه ان ندخل فيها عود او سكين بحركه خفيفه وبطيئه، اذا طلعت مبلله يعني تحتاج وقت اكثر بالفرن
هذي كل النصايح والنقاط المهمه اللي لازم ناخذها بالحسبان اذا سوينا اي كيكه
وهذي وحده من طرق الكيك الناجحه والمضمونه واللي انا دايما اسويها وانوع فيها
المقادير:
3 كوب طحين
2 كوب سكر
1 كوب زيت
1 كوب حليب سائل
5 بيضات
2 ملعقه صغيره باكينج باودر
نص ملعقه صغيره باكينج صودا
فانيلا
الطريقة:
نخلط البيض والسكر والفانيلا بالخلاط مدة 10 دقائق (حتى يرتفع)
بعدها نضيف باقي المقادير بالتدريج
ندهن قالب الفرن ونصب فيه الكيكه
ندخلها الفرن مدة 45 دقيقة
وتقدم بالعافيه
للتنويع:
لعمل كيكة الكاكاو - استبدلي مقدار كوب من الطحين بكوب كاكاو بودره
لعمل كيكه مموجه نضيف مقدار نص كوب كاكاو بودرة لنصف مقدار الكيكه
لعمل بنكهة البهارات ممكن نضيف 3 ملعقه كبيرة بهارات مخلوطه (قرفه - هيل - جوزة الطيب) ونضيف عليها مقدار من الفواكه المجففه
ممكن عمل غطاء لذيذ بالكاكاو او الكراميل

مشكوره حبيبتي الله يعطيك العافيه