سويته أمس ودي كل يوم أسويه

ورده وسكر

26-04-2022 - 03:59 am

بصراحه ذقته عند ناس وعجبني حيل ومن زمان أبي طريقته والحمدلله أول ماعرفتها فريره على المطبخ وسويتها بس قلت بعلم خواتي حبيباتي.... طعمها لذيذ بشكل موطبيعي أن شاءالله تكونون تحمستوا عليها ...خلاص بقولها ياحلوات...
.مقاديرها :..
نقت دجاج أمريكانا+بطاط مقطع مربعات+باذنجان مقطع مربعات+كرتون قيمرkdd+كريمهkdd+مكعب ماجي+بهاراتك أللي تبين............................
الحين الطريقه:....
تقلين بالزيت(النقت+البطاط+الباذنجان)...
بعد ماتخلصين من القلي ....تخلطين القيمر والكريمه مع بعض وتحطين عليهم مكعب ماجي بعدما تفتتينه عدل والبهارات وتخلطينهم عدل .....الحين تحطين المقالي بصينيه بايركس أو أي صينيه للفرن وصبي عليهم الخلطه ودخليه الفرن شويه من تحت النار وشويه من فوق وطلعيه وبألف عافيه ....
لايفوتكم ترى الطبق لذيذ بشكل عجيب*****

التعليقات (8)

بعثرة محبره

26-04-2022 - 07:34 am

بسيط حيل
بس شنو النقت ؟

ورده وسكر

26-04-2022 - 08:35 am

الله يسعد أسعدتيني بمشاركتك....ياقلبي النقت هو قطع دجاج بس تقلينها بالزيت مثل الهامبرجر والكفته والكباب وغيره في أنواع مثل أمريكانا وخزان وغيرهم..

سهر اليل

26-04-2022 - 09:36 am

يسلم الايادي على الوصفه
ان شاء الله اجرب اسويها وادعيلك

دانة الدنيا

26-04-2022 - 10:37 am

مشكورة حبيبتي
الله يعطيك العافية
و لا تحرمينا جديدك
دمتي سالمه

دانة الدنيا

26-04-2022 - 11:38 am

مشكورة حبيبتي
الله يعطيك العافية
و لا تحرمينا جديدك
دمتي سالمه

النجوم الزرقاء

26-04-2022 - 12:39 pm

سلمت الايادي..........

توتي الصغيره

26-04-2022 - 01:40 pm

مشكورةبس وش الكريمة

ورده وسكر

26-04-2022 - 03:42 pm

تسلمون غلى الرد الحلو....................
الكريمه هي نفس القيمر كرتونها لونه أزرق فاتح وعليه رسمة كيكه وحلى من الوجهين وأسمه كويك ويب من منتجات KDD
أن شاء الله أكون وضحت ..والنقت هو قطع دجاج مثلجه مثل الهامبرجر والكباب والكفته من منتجات أمريكانا وخزان

اصابع الدجاج انتبهي لا تاكلي اصابعك وراها←
حشوات لذيذة للفطاير→