سينبون يذوب بالفم

بسم الله الرحمن الرحيم ..
اول شي احب اشكر الاخت بيان على عجينتها اللي اعتمدتها لمعجناتي ..
وهاانا اطبق لكم السنمون رولز بعجينة بيان الله يسلم ايدياتها عن النار..
انتبهوا يابنات راح الون الاشياء المهمة باللون الاحمر يعني اللي باللون الاحمر لازم تنفذينه ..
قبل تبدأين بالعجينه طلعي زبدة خليها على حرارة الغرفة
العجينة:
المقادير :
4كاسات دقيق ابيض
6م ط حليب نيدو
1/2كأس زيت عافية
ملعقة ونصف طعام بيكنج باودر
2ملعقة ونصف طعام خميرة
1و1/2ملعقة طعام سكّر
1/2ملعقة صغيرة ملح
1و3/4كأس ماء
الطريقة :
ينخل الدقيق مع الملح والبيكنج باودر والحليب الجاف
بالعجّانة تخلط جميع المقادير مع الزيت جيدًا ثم يضاف الماء
وتعجن حتى تصبح عجينة ناعمة
تترك لتخمر لن تأخذ سوى ربع ساعة أو أقل وتخمر (بهذا الجو يحتاج اكثر وخليها بمكان مظلم وشيكي عليها اذا تضاعف حجمها خلاص ابدءي بالفرد..)
عاد انا باقول لكم طريقتي الخاصه بالعجن ..اول شي لازم يصير فيك حيل تعجنين بيدك
خمس دقايق او تشيلين العجينه وترمينها من بعد شيرين من الطاسه وتضلين ترمين وتشيلين مدة خمس دقايق (هذي اهم نقطة تعطي العجينه طراوة فائقة..والااستخدمي العجانه او فرامة البصل الكهربائية اريح واسهل ..وخليها تخلط لمدة 4 دقايق لاتزيد ..وحاولي تخلين العجينه سهلة التشكيل ..يعني لاتكون لينه مرة زي الفطاير العاديه خليها ثقيله شوي علشان يترتب شكلها اثناء الطوي..واذا صارت لينه ترى ماراح تقدرين تشكلينها
طيب هالحين نجيب مقدار من الدارسين(القرفة)المطحونة والمنخولة+ومقدارين من السكر البني
(احذركم من الرخيص لانه راح يخرب الطعم دوري افخر الانواع انا جبت نوع حلو مره يجي ضروف صغيره)
نخلط الزبده بملعقة او بفرشاة البيض لين تصير طريه وسلسة انتبهوا لاتسيحونها على النار ماينفع ..
ندهن صينية الفرد بقليل من الزبدة ونفرد العجينة بالنشابه على شكل مستطيل ونشيل الاطراف الزايدة..
ندهن العجينة بالزبدة وننشر طبقة كبيرة من خليط السكر والدارسين..ونطويها
نحضر خيط طوله شبرين تقريبا (انا استخدمت خيط سني) وتنزلينه من تحت الروله وتجيبين طرفين الخيط وتعاكسين مابينهم ..ان شاء الله تكونوا فهمتوا نسيت اصور لكم هالخطوة يمكن ماتكون واضحة للي مايعرفونها.. ترى ماينفع تقطعينها بالسكين
بعدين ندهن صينية الفرن بالزبدة ..ونضع الحلقات متباعدة قليلا تقريبا بينهم 2سم لأنه راح يتضاعف حجمها ..
نغطيها بسفرة ونتركها ترتاح حتى يكبر حجمها (مهم) لاتروحون تحطونها بالفرن على طول مافيه فايده بتصيرقاسيه..
نفتح الفرن على درجة متوسطة الى مرتفعة ..
وننتظر حتى يتغير حجم القطع
ثم ندخلها الفرن من اسفل ومن اعلى بس انتبهوا مولازم تصير شقراء مره اول مايبدى شقار خفيف كفاية سواء من فوق او من تحت ..
منقول للاماته