شطة حاره مع صوور

السلام عليكم ورحمة الله وبركاته ..
مساء البرد والامطار ...
مسائن مايليق بوه الا شطتن حاره ..
وشلون الربعات ان شاء الله بخير ..
من زمان مانزلت موضوع كده حرركات وبركاات ..
تورنن والله اطبخ بس تخبرون العجز مالي خلق اصور ..
يعني تقدرون تقولون سودانيه درجه اولى ..
وش رايكم ندخل بلب الحديث ..
عندي لكم سلطه حاره خورافيه ياويل اللي ماتجربه ماهو انزل من هالمواضيع آخرته
ماتجربنه والله حريم آخر زمن ..
ماعليكم من قرقي الكثير واللي مال امه سنع ..
اسمعوا ياطويلين العمر هذي سلطه حاره تشوي عقولكم من زينه << الله من زين الحتسي
ندخل بالمقادير :
فلفل رومي ملون ( احمر واخضر وبرتقالي ) يقطع صغير واذا ماتوفرت الالوان تكتفين بلونين
بازيلا مجمده
بصل مقطع صغيير
نص كوب كاتشب
نص كاسه شاي ماء حار
علبه شطه حاره صغيره ( على حسب الرغبه) تقدرين تزيدين بالشطه او تقللين حسب رغبتك
معجون طماط ( شوين بس ) ..
ماجي ( تقدرين تستغنين عنه )
ذرة فلفل اسود مطحون
قليل من البهارات المشكله
جزر مبشور
قشر ليمون مبشور
المقادير السابقه حسب مهاره الطباخه ..
الطريقه :
نكشن البصل مع شوي زيت ..
نضيف الفلفل الرومي ونقلبه ونضيف معه البازلا ونقلب لحد ماتذبل شوين ..
نضيف باقي المقاير ماعدا الجزر وقشر الليمون مع التحريك المستمر دقائق قليله..
آخر شي نضيف الجزر المبشور مع قشر الليمون ونقلبه شوي
ونقدمها ساخنه مع الكبسه باللحم او البرياني ..
عاد اللحين نجي للصور
تقدم مع الرز بالدجاج وهذا من تحت يديواتي ياعلهن ماهن للنار ..
صورتن اخرى للرز اللي مسويته << ياحبك للنذخ ..
انتبهوا الرز اللي فوق غير صوره المفطح اللي بموضوعي السابق << للتنويه فقط ..
وهذي سفرتي اللي سويناه لخواتي يوم تجمعن بس تروه ماكملت السفره وش اسوي
بالوالده تقول انثبري خلي التصوير بعدين كملي سفرتس ياملا الصلاح ..
وخلصت ..
بالهناء والعافيه مقدما .. لاتفوتكم ..
منقول لروعة الكلام
>> ياحلو كلامتس ياشيخة
مانزلته الا عشان جذي