شعبيات

مراحب حيا الله الحلوين سموا اقلطوا العين أوسع لكم من المكان
شالأخبار والعلوم إن شاء الله كل شي تمام
أنا اليوم بنزل لكم موضوع الحلويات الشعبية اللي أتمنى إنها تعجبكم وتحوز على رضاكم
إن شاء الله ببتدئ معاكم في أول طبق وهو الخبز الأسمر المقلي وهو طبق لذيذ أنا أحبه كثير يا رب تحبونه مثلي.
بعد كذا الأطباق الثانية : الكليجة م لزيزة ، و المراصيع إحنا نسميه كذا لأنك تسوين فيه كذا قبل ما تقلينه ما أدري إذا له اسم ثاني أو لأ بس هذا ا لإسم الشعبي المتداول عندنا بس هو طبق حلو ويحبونه الكبار و الصغار، و عندنا بعد المعمول بالتمر ، و اللقيمات عاد هذا غني عن التعريف عرفتوه اللي يخلينا كذا في رضان من كثر ما ناكلة بصراحة لا يقاوم .
طولت هذرة صح خلاص لا تعصبون نبتدي في أول طبق ( بسم الله )
الخبز الأسمر المقلي
المقادير :
كأس دقيق أسمر
نصف كأس دقيق أبيض
3 بيضات
ملعقة حبة البركة ، ملعقة حلوة
ملعقة خميرة فورية
1 كأس ماء
1 كأس سكر
الطريقة :
في البداية نخفق البيض جيدا ثم نضيف باقي المقادير ونعجن باليد لحد ماتتكون عندنا عجينة متماسكة شوية .
نتركها تتخمر ، بعد كذا نرق العجينة بس مش كثير ونقطعها بزبدية متوسطة الحجم ، نسخن الزيت ونقلى الخبز
وحدة وحدة أو بالكثير ثنتين لأن لازم وانت تقلينها تاخذين من الزيت بملعقة القلي واتصبين الزيت الحار على كل
وحدة و بتشوفين كيف تنتفخ و يصير شكلها روعة ، جهزي صحن فيه مناديل المطبخ علشان تصفين الخبز من الزيت بعد القلي .
ألحين صفي الخبز في صحن كشخة و قدميه بسرعة وهو حار ، و إن شاء الله ينال إعجابك و إعجاب الأهل
وصحة وعافية على قلوبكم مقدما .
يلا سوو الطبق وجربوه وقلولي رايكم ماشي
حبيباتي اللي عندها حلويات ثانية تنزلها لنا لأن كل بلد يختلف عن الثاني فإذا في أطباق ثانية يا ريت نتعلم من بعض أوكي .
بنات لا تفتكرون علشان نزلت أول موضوع لي حلويات شعبية إني قديمة و اجديدة ( يعني جدة )
لا أنا توني صغيرة وأعرف أسوي شيز كيك بعد مبسوطة على روحي .
شجعوني عاد علشان أستمر و إلإ ترا ها
بصيح
يا رب يكون موضوعي عجبكم أدري طولتها وهي قصيرة معلش استحملوني