شعري تاعبني الله يوفقها دنيا واخره اللي ترد علي

هلا حبيبتي
الحناء مفيد جداً للشعر الدهني لان الحناء ينشف الشعر
بس زي ماينفع بعد يضر
لو كل اسبوع حنيتيه بيتقصف ..يكون كل اسبوعين مره على الاكثر
وتحطين معاه عصيرليمونه او على حسب طول شعرك +علبه زبادي +ملعقه زيت زيتون + نص كمية الحناء سدر مطحون ناعم
والبعض يحط معه قرمز احمر عشان اللون يصير غني
هذا شي اختياري
بس اهم شي يكون الحناء الاصلي ...تشترين من العطار وتطلبين الخاص بالشعر ...لان الانواع العاديه يخلطون معاها ماتصير صافيه
ويصير لونه الاخضر القاني ...لو كان مايل للبني يعني قديم او مخلوط
والسدر فيه مواد مفيده جدا للشعر سبحان الله فيه اعجاز علمي ماوصانا الرسول بشي الا وله فائده
اذا خلطتي الحناء اتركيه على الاقل ساعه وبعدين حطيه على شعرك
اذا تبين تحافظين على لونه اول غسله لاتغسلينه بالشامبو اتركيه يوم وبعدين اغسليه
ونقطه مهمه جداً ...عن تجربه اي شي تبين تحطينه على شعرك او على جسمك اقرأي عليه المعوذات وآيه الكرسي
لها مفعول عجيب.. سبحان الله تكون هاله قرآنيه حولك والاعجاز العلمي فيها ان الماء او السوائل بشكل عام تتأثر بالقرآن ..فمابالك لو كان هذا الماء او السوائل تدخل جلدك شوفي الفائده العظيمه ..
<<<تحب القرقه
ان شاء الله اكون افدتك

Child spirit
الله يوفقك دنيا واخره
بس كيف اعرف الحناء انه اصلي
وهل ينفع احطه الحين والا انتظر اكمل سنه

الحناء تروحين لعطار مشهور وتطلبين زي ماقلت لك حناء الشعر
وشمي ريحته تصير قويه ومركزه ..وطالعي لونه اذا كان اخضر اغمق من هالدرجه شوي بس هذا هو الجديد والحلو اما اذا كان بهذا اللون الاخضرالبني << هذا موب زين
وبالنسبه للصبغه اذا كانت لون بس يعني مادخل فيها الميش بأي طريقه
فعادي مايأثر لو من الشهر الاول ... بس المهم تكون الصبغه ملون فقط بدون بودرة الميش
وزي ماقلت لك لازم تهتمين فيه الحناء تنشف الشعر ..يعني بلسم او حمام زيت يكون معاك على طول
وبما ان شعرك دهني لاتمسكي الجذور او تقربين عليها بالزيت او حمام الزيت
وركزي على اطراف شعرك ولو تقصين اطرافه عشان تشوفين النتيجه مرضيه وتستمرين بالمحافظه عليه والله ليصير ولا دعاية بانتين
الله يبارك لك فيه .. واي خدمه انا موجوده

انا بفيدك بالي اسويه بشعري .. بس آمانه اذكروا الله علي ..
ولا ادري عن الصبغه صراحه .. انا اصبغ شعري بالحنااء
احياناً لون كستناائي واحياناً عنابي ..
وشعري دهني وناعم ..
والحنااء استخدم حنااء اليمن أو حضرموت روعه بجد ، انا ما شتريه لكن عاامل يمني عن ابوي يجيبه لنا الله يعافيه ..
للمعلوميه انا سمعت ان الشعر الاسود ما يوضح لون الحنااء فيه ،، وانا شعري فااتح شوي ( اشهب على اشقر ) ولونه ماينااسبني ابداً لاني مو بيضااء حالياً .
للون الكستناائي ، حنااء + بابونج
وللون العنابي ، حنااء + كركديه ( غجر )
هذول الي انا استخدمهم شخصياً ،، وللون البني المتوسط يعني مو غامق ولا كستنائي
حنااء مع شاي
ونصيحه تغفل عنها الكثيراات وهي سبب ان لون الحنااء ما يظهر انها تغسله بالشاامبو
إذا جيتي تغسلينه اغسليه بالمويه بس ، وإذا نشف شوي حطي عليه زيت زيتون خليه يطول على شعرك يعني لا يقل عن 6 أو 4 ساعات .. بالنسبه لي احطه اليوم مثلاً واغسله بكراا ..
ومدة الحنااء بشعرك من 4 إلى 8 سااعات على حسب شعرك ,, انا اخليه 6 سااعات احطه 10 لصبااح واغسله 4 العصر ,,
وانصحك بكريم بارشورت متوفر بكل الاسواق والصيدلياات ،
ياقلبي الحنااء ينفع مع القشره ، وزيت الزيتون بعد ..
لكن انصحك انك ما تستخدمي الحنااء لاياام ورى بعض على الاقل اصبري 3 اياام واهتمي بالزيت زيتوون فيها لانه يظهر لوون الحنااء روعه ويثبته ..
هذاا الي قدرت افيدك فيه ياقلبي ،، واتمنى ينفعك
دعوااتك انو يتحقق الي ببالي
اطيب الامنياات

عندى لكى زيت بتشكرنى عليه يوقف التساقط ويكثر الشعر ويطوله ومضمون 100% والله يتساقط من اول اسبوع يوقف وباقى ان شاء الله بعد شهر من الاستعمال
اذا تبين راسلينى

ان شاء الله البنات بساعدوكي

والله ما اعرف بس اقولك
نصيحة
اعملي حمام زيت وايد روعة بمعنى الكلمة