شوربه الحب مشتهيتها

فينكم يابنات اقلكم مشتهيتها وحموت عليها تطنشوني

كل عام وانتي بخير عزيزتي استعملي الحب العماني ونقعيه من الليل او الفجر تقريبا خمس او اربع كاسات بلاستيك بعد الغسيل جيدا للحب

آه واخيتي ليتني قريبة منك وحالتك حالة .............................كان توحمت معاك ههه
والله حتى انا ابغى اعرف طريقتها

مشكوره شدى العيون وان شاء الله اسوي الي قولتيلي عليه

ههه يافاطمه تعالي ونسيني ونتوحم سوا من جد الفطور من غير دي الشربه ماله طعم اه

قصدك الحب البيضاء اللي نسويها بالحجاز ولا الجريش؟؟؟الحب البيضاء طريقتها سهله وهي انقعي ملئ صحن الكريمه والمهلبيه حب اغسلي الحب وانقعيه6ساعات انا انقعها بعد صلاة الفجر واقوم ع الساعه 2واحط الحب بقدر واحط عليه ماء حار واخليها تغلي ساعه وبعدين اغسل اللحم واحطه ع الحب ومعاه بهارات بكبارها لاتحطين مطحونه نهائي قرفه وشيبه وخولنجان وهيل كله حبتين وشوية ملح عادي وخليها تطبخ 2ساعه وبعدين حطي عليها 2كوب لبن مع شوية ملح ليمون وخليها تطبخ مع التقليب دايم حتى ماينزل الحب باسفل القدر ويحترق ربع او نص ساعه وبالهناء والعافيه

الحب قولي لراعي المحل حب شوربة مجروش...
الطريقة
نقعي الحب من الفجر فنجان شاي يكفي
ولما تصحي الظهر حطيه في القدر وعليه طماطم مطحونة شوية فلفل وكمون وكزبرة وماجي
وحطي اللحم او الدجاج
وفي صفاية البهارات حطي فلفل حبوب وهيل وقرفة وقرنفل وشيبه وارميها مع الحب
وصبي موية حارة
وحطيها على نار هادية جدا لمدة 3 ساعات وهي بتثقل بس لا تعلي النار ...
بس وبالعافية

اول شيء انقعي الحب قبل الطبخ اقل شيء ثلاث ساعات عشان تستوي بسرعة وتثقل
واذا تبيغيها تستوي بسرعة حطيها في قدر الضغظ