صاحبات الخبرة في الغسالات الأوتوماتيكيه تعالو شوي لو سمحتو

حبيبتي الحجم ع حسب عددافراد العائله
يعني سعة 5,5 من فردين الى ثلاثه بالكثير
وانا حقتي LG صراحه مره ممتازه بالتنظيف
وفيهم خاصية نقع الملابس و ومكان للكلور والنيله
شكلها مثل هذي صراحه كلمة ممتازه فيها قليله
عذر من الاخت ROOOROOO لاني اخذت الصوره منها
وفيها خاصية لتنظيف جنز وصوف واقتصادي وعادي والماء بارد ولا حار ولا الاثنين مع بعض وفيها نظام قفل علشان اذا عندك اطفال مايلعبو بالازره و الغساله شغاله ووبس اي استفسار انا حاضره
ايوه صح وامي الله يطول بعمره عندها الغساله حقتها بس بعروسه بالوسط مثل هذي بس مع اختلاف شكل العروسه
وبرضو رهييبه بالتنظيف ام نوعية الماركه والله ماني فاكرتها
اتمنى اني افدتك بما استطعت

انا غسالتي سامسونج الحمد الله مريحه مره 12 كيلو
واعرف وحده ال جي تمدحها
دايما اسمع هالماركتين بالغساله غير كذا لاتاخذين .
بالتوفيق.

--------------------------------------------------------------------------------
السلام عليكم ورحمة الله وبركاته
حبيباتي
بعد دوران ولف بالسوق والمنتديات وكل احد اسمع عنده غسالة اسأله ودعاءالله بأن ربي ييسر لي والاستخاره
توصلت الي ما هو آت
استخدام الحرمه من حرمه تختلف
فيه منهن تحبهاللملابس وبعضهن للبطانيات
ملابس عائله من عائله تختلف
عائله بشقه غير العائله بفله وعندها حوش واللي يطلعون للبر وكشتات غير اللي يرحون بس منتجعات ومجمعات يعني اماكن نظيفه غير
نوع الملابس والاقمشه لها دور
ايام الطفره مثل ما قالت الاخت صاحبةالموضوع تختلف بالبدايه تمدحها وبعد كم شهر تسبها
اما الغسالات (التعبئه من فوق)
ال جي فيه منها انواع منها
فيها عمود كبير ومنها صغير
منها تكون الريشه والخوض ملتصق مابعض ( وهذى عند اهلي) تبقع والتنظيف لك عليه
ومنها لا الريشه لوحدها والخوض لوحده يعني مو ملتصقات وهذي عند اهل زوجي تبقع ولا تنظف البيض
ولكن الغالب يسب ال جي بعد فتره
اما الامريكيه جنرال
ممتازه للبطانيات والملابس تنظيفها حلو اذا كانن مو وسخات مره
ميتاج احد مدحها واحد قال ما تنظف حلو واحد قال اللي من الامام حلوه
اما اناعندي غير باناسونيك
خيال تنظف وانا مرتاحه احسن من الغساله العاديه
شريتها قبل 3 سنين من الشتاء والصيف ولا بعد ما مدحها قال توها جديده اشتروا ال جي بعد الاستخاره ارتحت لها وشريتها والحمدلله لهاالان بقي شهر وتكمل الثلاث سنين حلوه مره
وشريتها2050 مع التركيب والتوصيل 13 كيلو
الحين ارتفع سعرها2400 كما سمعت
بطلنا الغساله العاديه
اغلب العائله شرتها وارحت لها وتمدحهاوبعضهم من رمى الغساله بعدها
وانا اغسل يوميا الا ما ندر
تخيلو بقع الفيمتووالرمان بالملابس القطنيه تروح
ملابس عيالي عديمة النظافه بعد البر والاستراحه مع الطين صايره ياسلام بعد الغسل تكون واو
الملابس تجلساحيانا حوالي 12 ساعه بالغساله ناسيتهن وافتح الغساله واذا هن ريحتهن صابون يعني ما تخيس الملابس بها

انا غسالتي جنرال تتعبا من فوق حلوه. افضل شي الانواع الامريكيه
والثلاجه ال جي استيل
موفقه

شوفي موضوع العضوه الماسه
شكل غسالتها ماشاءالله حلوه

الشجون الخفى
الله يرفع درجاتكم ,, ويسعدكم دنيا وآخره ..

حبوبه انا عندي امريكيه وايت ويستينج هاوس بعمود وتغسل 10 ك بس الصراحه تنضيفها شوي بس مع فانيش مافيه مستحيل خ المهم عيبها انها تلف الملابس اقصد خياطتها اللي ع الجوانب تجي لافه وتعدم الملابس زي الخروق الصغيره ما ادري من قوة العمود ولا ايش ؟
السالفه ان وحده قلطت علي وزوجي واحنا نتشاور ع ال جي وابغاها من قلب الين الاخت طمرت وقالت انصحك والله ما تنظف لا تاخذي الا العمود هنا انا احترت ولف دماغي والله ب 3000 الاف من اكسترا طبعا مع الضمان هو اللي رفع السعر ولا هي 2600 والحين زوجي رافض اغيرها وكل ما مريت عند ال جي انهبل واتفرج واحزن وكمان يمدحوا السامسونج من النهايه خذي وحده من النوعين وانتي مغمضه اختي معاها ال جي 10 ك ومرتاحه معاها وهو على حسب نوعية الغسيل كيف اذا نضيف او لا وبالتوفيق .

حبايبي عيالي
الله يرفع قدرك ويلين قلب زوجك وتغيريها
علشان كذا انا نزلت الموضوع .. الواحد وده يستشير ويستخير ..
ما خاب من استخار ولا ندم من استشار ...
مو كل يوم بشتري غساله هي وحده وخلاص عام الفين وخشبة بتتغير < متى عاد مدري والله

يعطيك العافيه اختي
انا عندي غسالة توشيبا
وجربت فيها اذا اغسل ملابس كثيره ماتنظفهم كويس
صرت اغسل كل يوم بيومه وتنظف كويس كذا
والثلاجه عندي نفس الشي توشيبا >>متعاقدين مع الشركه خ
مدري ليه صدفه
المهم الثلاجه كويسه واختي عندها سل ستيل بابين وحلوه وماتثلج الاشياء
تحياتي