صباح الخير فطور سريع سريع

طبعا تعبت وانا اطلب النجده بخصوص فطور يكون سنع
وبسيط
والاهم انه يكون مميز
وعشان كذا صرت الفترة الاخيره اركز عن موضوع الفطور
ونزلت من قبل موضوع على الرابط هذا
http://alfrasha.maktoob.com/alfrasha30/thread1146870/
نجي الان لمقادير فطورنا اليوم
نحتاج كاس حليب سواء كان طبيعي او حليب بودرة مذوب بالماء
بيضه
رشة سكر
رشة فانيليا
وتوست
وبس
اولا نقطع التوست بهالطريفه
ثانيا نخلط الحليب والبيضه والسكر والفانيليا
نغطس قطع التوست بالخليط
ونخليها تتشربه
وندهن الصاج او المقلى بشوي زيت
دهن يابنات يعني مو اكثر من ملعقتين زيت
ونحمر قطع التوست
هذا شكلها النهائي
وتقدرين تتفننين بالصوص
ممكن مربى فراولة او اي نوع تحبين
ممكن شوكولاته نوتلا
ممكن صوص الشيرة
ممكن عسل
ممكن ترشينها بشوي قرفه
كل اللي يخطر ببالك ممكن تسوينه
احلى شي تقدمينها وهي ساخنه
بس لاتحطينها بقدر او صحن وتغطينها لانها بتصير لينه مره
خليها مكشوفه عشان تصير تقرمش
انا احب اقدمها مع صوص البانكيك مع رشة قرفه يمي يمي
ملاحظة
اي وحده تبي تسوي مقادير كبيرة
تخلط الخلطه لكل كاس حليب بيضه وحده ورشة فانيليا وسكر
اتمنى ان طبخاتي السريعه تعجبكم
انتظر ردودكم