صحيت من النوم لقيت زوجي مسويلي حلا ابوك يالدلع حسيت اني في مسلسل كوري

صباحكم سوكر
اكيد مستغربين العنوان .. ..
بس هذي نتائج ان الرجال يقووم بدري من الفجريه مع العصافير لحاله .. مادري ليش احسكم بتخلون رجالكم يقومون بدري عققب هالحلا هع
ترا انا موب مصدقه عيوني لسة بالرغم اني دحرت الحلى في كرشتي ومع ذالك موب مصدقة..
من عذري ماصدق موب عادتة ابدن ااخر ابداعاته بالطبخ هو شاهي
يالله مالكم بالقرق اللي ماله داعي
يالله بسم الله وقولو ماشاءالله تبارك الرحمن وصلو ع النبي لاحد يرسلي عابرة قارات
هاه ذكرتو الله
ايه شاطرين
يالله كلكم ع تحت الى الصور
النحاف يتدحدرون
والسمان يتدربون
^
^
لا شوفو بعد كيف مسويه بالهرشي
حركات ياباشا
صورة من جهة اخرى .. والله الرجال طلعو موب هينين
ايه هذا نتائج متابعته لزد رصيدك
لانه كان عاجبه البرنامج مرة وقرر ان يسجل معهم في زد رصيدك3 بس الوقت اللي فيه البرنامج مايناسب وقته نهاائيا
^
^
هنا بعد التقطيع
طبعا رحت لهله العصر واخذته معي .. واوريهم ابداعات ولدهم .. والله لحسوه لحس وانا قبلهم موب مصدقين
من عذركم حتى انا
^
^
بسم الله ماشاءالله عساه دوم يارب< جازلها الوضع
..
^
^
لمن دخلت المطبخ لقيت كتاب الطبخ مفتوحة ع هالصفحة ..
وعرفت انه يحاول يطبق الوصفه
بس النكته : مكتوب من ضمن المقادير فنجال ماء << اي فنجال القهوة العربيه ماغيرة
الاخ جاي وحاط كاسة ماء
بس ولو نرجع ونقوول زين طلع منكم شيء
وبالنهاية نختمها بصورة وهي ..
^
^
^
حوسته عقب ماخلص ودخل الحلا بالثلاجة ..
يارب تخليلي هالدين اللي تحوس ولا تحرمني منها<< ماطلعت الدعواي الزينه الا عقب الحلى خ
بس ليته كملها وغسل مواعينه<< طمعت
موب يوم قمت وكل شيء يابس واقعد انقع
وعقبال رجاجيلكم يارب
ملاحظة : ترا المسئله بسيطة كلها بسكوت شاهي صافة وغمسة في صوص كاكاو
وهو مسويه لنفسة.. بس انا احب املح الموضوع ^_^
وبعض البنات كبروها ووصلوها الى عين ومادري ايش
ترا هذا موب نوع من انوع الدلع هذا شيء عاادي جدا
والرسول وصى الرجالل وقال ( خيركم خيركم لاهله وانا خيركم لاهلي)
وهذا رابط لطريقة الحلى بس بالربط الطريقة الصحيحه
http://www.al-raqi.net/showthread.php?t=205778