صدفه لقيته الي هويته محلى عيونه وايه فديته 4

بسم الله الرحمن الرحيم
السلام عليكم
كيفكم ياحلى اعضاء
بعد الانتهاء من قصتى الاولى
واللتى كانت بعنوان سديم عيون سالم
عدت اليكم بقصه جديده وقد اطلقت عليها عنوان

• •'•@•$4°• •$7 صدفه لقيته الي هويته محلى عيونه وايه فديته •$4 •°

واتمنى انها تنال اعجابكم ورضاكم
للكاتبه حبر القمر . او ملكه ندوش. او صعبه ومتهاب
راح اعرفكم فى البدايه على شخصيات القصه
عائله ابو يندر
ابو بندر . خالد 44 سنه تجار كبيرمعروف فى السوق له اسمه وهيبته فى المجالس
ام بندر .. خوله 40 سنه طيبه وحنونه وتحب عياله وماترفضلهم أي طلب
بندر 25 سنه متخرج من كليه الطب ومتزوج بنت عمه هنادي يحبهاوعند منهابنتين تؤام مى وضى وعندة عياده خاصه فيه
ديم.. 21 تدرس فى كليه التربيه قسم حاسب هاديه ورومانسيه حيل تحب تشوف الافلام الهنديه جمالها رباني
تركى .. 20 سنه يدرس فى الكليه هندسه مغازلجي درجه اوله بس يحب الفرفشه ودايم نجره (( مشاكل )) مع اخته فيافي
فيافي.. 18 سنه ثانويه عامه تموت على شي اسمه نت مابقى قصه بانت ماقراتها طيبه وعلى نياتهاحلوة عيونها رماديه بيضه ودايم اللى يشفونها يحسبونها اجنبيه
عائله ابو محمد
ابومحمد .. مازن .. 43 اخو ابو بندر ويشتغل معه يحب عياله
ام محمد ..موزة .. اخت ام بندر .. 38 سنه مغرورة شايفه حاله على الناس وكل همها العراس والحفلات واخر شى تفكر فيه عيالها وزوجها
محمد ...25 سنه .. مو متزوج طيب حيل ورمانسي وصديق بندر الروح بروح
هنادى .. 23 سنه متزوجه من بندر جمالها عادي بس فيه شوي غرور وعصبيه حيل
فهد 20 سنه يدرس مع تركي بنفس الكليه وهو بعد مغازلجي حلو عيونه ناعسه اذا ابتسم تطلع الغمازتين (( ويلقبونه بمعذب قلوب العذاري))
عائله ابو خالد
ابو خالد ياسين 45 سنه اخو ام بندر وام محمد يشتغل فى الحكومه
ام خالد ( متوفيه )
خالد 26 سنه شاب وسيم كابتن طيار وكل البنت يتمنون انه يكون من نصيبهم (( ويفكر حاليا انه يخطب)
ديمه .. 23 سنه متخرجه من كليه الطب وتشتغل مع بندر فى نفس المستشفى .. جميله بمعنى الكلمه وكثير ناس اخطبوها بس هى ترفض
غندة ..18 سنه سنه ثانويه عامه صديقه فيافي تحب تصمم على الفوتشوب حلوة ( وتحب شخص من عيال عمتها )
ياراا2 سنه اخت ابو محمد وابوبندر طيبه حيل وتدرس مع ديم بنفس الكليه وتموت على مي وضى بنات بندر( طبعا هم من ام ثانيه )
ساره ا2 سنه توام يارا تدرس فى الكليه رياضيات
واخر شى
سعود 23 سنه يدرس فى الخارج ومابقى له شى ويرجع لارض الوطن جماله ربانى .. اخو ام بندر من الرضاعه
وفى شخصيات راح تظهر فى القصه
البارت الاولى
بيت ابو بندر
فى غرفه فيافي كانت قاعدة على النت تقرا روايه ياعيونه بس يكفيني عذاب وكانت مندمجه مع الروايه وتصيح
دخلت عليها ديم وشافتها تصيح
ديم .. ههه فوفو حبيتي ليش تصحين
فيافي متاثرة .. حرام ابو شذى مات
ديم .. ههه انتى من صدقك تصحين على روايه ترى كلها خيال
فيافي .. ادري انها خيال بس والله حرام بعدين انتى متحسين لو تحسن ماقلت هالكلام
ديم حز بخاطرها .. اوكي انا جيت اقولج ان بكرة العايله الكريمه راح تروح البر
فيافي .. صدق واو يعني غنود بتجي وناسه
ديم .. ههه توج تصحين واللحين فرحانه
فيافي .. حبيتي هذى طلعه للبر بروح اكلم غنود عشان نخطط شنو نسوي بس قبل بروح احاول بتروك يجيلنا دبابات
ديم .. اوكى بس تروك مو موجود
فيافي .. اذا جاء خلي ميري تنادي ولا عليك امر
ديم .. اوكي
طلعت ديم من غرفه فيافي ونزلت تحت
ابو بندر .. تعالي حبيتي ديوم عندي
راحت ديم عندابوها وباسته على راسه
ابو بندر .. تحبين الكعبه ان شاء الله
ديم .. امين بابا ممكن طلب
ابو بندر .. امري تدللي لوتبين عيوني ماتغلى عليج
ديم ... تسلم عيونك بابا بس ابي اروح السو برماركت مع سارة ويارا وفيافي
ابو بندر .. روحي حبيتي( وفتح بوكه وعطها الفين حق كل وحدة فيهم خمس ميه)
ديم .. مشكور يبه
فى بيت الدكتور بندر
هنادي .. بندوري حبي يالله قوم بسك الرقاد
بندر .. حبيتي والله تعبان
هنادي ... طيب ارقد فى الليل
بندر .. بالليل ماقدر ارقد
هنادي .. طيب ليش ؟
بندر .. الغزال عندي ورقد مستحيل حبي تعالي رقدي معاي
هنادي .. مابي الرقد
بندر.. ليش حياتي ؟؟
هنادي .. بالليل احسن
تحرك بندر وسحبها من ايدها وخلها بحضنه
هنادي بندر والله مو قتك
بندر .. مراح اترك
هنادي بتوسل.. بندر عفيه مو حلوة يشفون البنات كذا
بندر .. م بشرط
هنادي .. شنو شرطك
بندر ياشر على خدة ..
قربت من عنده هنادي وباسته
تركها بندر
فى بيت ابو خالد
غندة تكلم فيافي
غندة .. فيافي حبيتي لا تنسين بكرة (gem boy)
فيافي .. لاتخافين مراح انسها .. وانتى جيبي mp3 مالج
غندة .. اوكي
فيافي .. وطبعا ديمو وسارونه ويارا راح ياخذون معاهم المسجل والاشرطه
غندة .. حلو وناسه
فيافي.. لحظه غنود بشوف تركي شنو يبي
غندة .. خذى راحتك
تركي .. فوفو
فيافي .. نعم كاني جيت
تركي .. الخادمه تقول انج تبيني امري
فيافي بدلع ..تروك حبيبي ممكن طلب
تركى رفع حاجبه الايمن ..نعم شنو تبين ؟؟
فيافي .. بكرة فى طلعه للبر
تركي .. ادري قديمه
فيافي .. طيب اصبر خلني اكمل كلامي
تركي .. اسف البرنسيه فيافي كملي
فيافي .. لو سمحت جيب لنا دبابات
تركي .. الله كل الادب عشان دبابات غالى وطلب رخيص كم فيافي عندنا
فيافي .. صدق تسلم ياخوي يالله باي خلني ابشر غنود
تركي .. الحمد لله وشكر
غندة .. لا كان قعدتى اكثر
فيافي .. اذا عرفتى اللى عندى راح تعذرين
غندة .. وشو اللى عندج يافيافي هانم
فيافي.. تروك
غندة ..شفيه
فيافي .. اوفق انه يجيب لنا دبابات
غندة .. دام جذى معذورة
سكرت غندة من فيافي
وراحت تقعد على الاب توب تصمم لها توقيع حق قصتها
وفيافي وديم وسارة ويارا
راحو السوبرماركت ياخذون الغراض اللى ناقصتهم حق طلعت البر من شبسات وكاكاوات وكافي وعصير وبيبسى
وحلويات وحب ومكسرات
وبعدها ارجعوا البيت وكل وحدة حطت راسها ونامت
بكذا انتهى البارت الاولى
توقعاتكم ..
شنو راح يصير فى البر ؟
ومنو الشخص اللىتحبه غندة ؟ وهل بتشوف بالبر ؟ ولالا
وخالد منو راح يخطب واللى بيخطبها بتوافق ولالا؟
وعلى فكرة انا منزلتها فى كذا منتدى وصلت للجزء العاشر
اتمنى من كل قلبى انى اشوف ردودكم