صديقتي الانانيه وسر رشاقتها ادخلو بردو قلبي بردود

السلام عليكم جميعا.............................
قواكم الله على الرشاقه وانا وياكم
بختصر الموضوع يابنات ياحلوين لي صديقه اعرفها من 9 سنين تقريبا
والبنت مليانه ودايم تحاول تسوي انواع الرجيم وتنحف وبعدين ترجع
المهم...............يابنات انا العام الماضي في نفس هذا الوقت ولدت ببنوتتي والحمد لله
وطبعن انتو عارفين الجسم كيف يصير مافي داعي اوصف
المهم جاتني صديقتي في نفاستي وكانت نحفانه شوي مو كثير بس انا حبيت احمسها واقول مره فرق
وماشالله جسم سار يجنن يعني والله علشان اشجعهاواجاملها لانها كانت مره فرحانه
وبعدها بفتره كلمتني وقالتلي رجعت زي اول ومره سرت مااقدر امسك نفسي بس اكل
وحاولت اهون الموضوع واقولها يالله نبدا سوا
وقالتلي انا عندي شي بجربه بس ماباقولك الى لمى انحف ..........؟؟؟انا ع نياتي والله يابنات قلتلها خلاص الله يعينك وشدي حيلك وخلينا نجرب فيك ههه
بعداها بفتره ارسلتلها رساله وسألتها عن افضل حبوب تخسيس بما انها خبره
وقعدت يومين ماردت علي
ودقيت عليها من بيت اهلي طبعن هي ماتعرف الرقم وردت ولمى سمعت صوتي سوت نفسها ماعرفتني
وقفلت ع طول قلت يمكن ماعرفتني وارسلتلها رساله ودقيت من جوالي ولا ردت ..................ولا كلمتني الى يومك هذا وماعرف اخبارها ولاحتى في العيد والا في رمضان
طبعا انا قررت اني ماادق عليها .....................
بس هي قالت اول انها كانت تروح عند اخصائية تغذيه في مركز علاج في التحليه بجده
عند دكتوره اسمها هبه
بس الدكتوره راحت من المركز وحولتها ع دكتوره ثانيه بس فين ماادري
وقالت انو الطريقه حقتها جديده مره
الخولاصه يابنات الي تعرف اي معلومه عن هذي الدكتوره او المركز
ياليت ماتبخل علينا
مااعرف اشلون يفكرون بعض البنات يعني لازم تكوني وحدك رشيقه ولاتفيدي احد من جد انانيه
خلينا نفيد بعض والله يابنات انا مااحب ابخل على احد بأي معلومه لاني من جد عمري ماقلت لاي احد شي من اسراري الى ربي باركلي فيه واحس اني اشعر بسعاده بمجرد اني اساعد احد او افرحه
الله يفرح قلوبكم يارب