صلصة باشميل جنان

انا بعطيك طريقتي في الباشميل بس والله كل من ذاقها تعجبه ودايم يقولون لي انتي فنانه بالباشميل بس
اول شي حطي زبده وشويه زيت معها على النار جيبي خفاقه البيض والكيك اظنك عرفتيها حطي على الزبده والزيت ثلاث ملاعق كبيره طحين وحركيهم بالخفاقه لين يذوف الطحين زين مع الزيت بعدين جيبي الحليب مقدار 3 كاسات وصبيهم فوق الطحين وخلطيهم زين بالخفاقه لين يتجناسون وحطي حبه وحده ماجي وحركيها لين تذوب زين حركيه لين تحسين انه ثقل شوي قبل لايثقل مره جيبي جبن سائل افضل شي اللي يصير بطعم القشطه حطي ملعقتين كبيره جبن او ثلاث واخلطيه زين بالخفاقه لين يذوب مره مع الخلطه وقبل لاتطفين النار عليها اذا عندك قشطه الخفق حطي شوي يصير طعمه خيال وطفيه على طول طبعا يكون خلاص ثقل بس اذا شفتيه مره صار ثقيل زيدي شوي حليب لين يصير شوي مو ثقيل مره ولاتنسين ترشين شويه ملح وذوقيه وقوليلي رايك *_^

بسم الله انا بعطيك طريقه امي بالصلصه وان شاء الله تعجبك...........
بياله زيت +4 ملاعق طحين+3 ملاعق حليب + كاس ونص ماء...........
توضع على النار حتي تغلظ____وطفي النار
بعدين حطي ملح +فلفل ابيض+بيضتن ________واخلطيها مع بعض
وردي لي وش يصير معك_طيب

بعطيج طريقة سهله ولا تتعب ب دقيقه تسوينها وتطلع لذييذه
علبة قشطه
اربع ملاعق جبن كاسات
اربع ملاعق مايونيز
اخلطيهم مع بعض
وحطيهم فوق المعكروونه
يطلع نفس طعم الباشميل

الله يجزاكم الجنه كلكم يارب .. وان شاء الله اجرب طريقة كل وحده فيكم .. وبعدين ارد عليكم ..

انا عندي طريقة حلوة وسهلة مرة و الاهم من ذلك انها خالية من الدسم
المقادير _لكل كأس حليب ملعقة دقيق
الطريقة _ضعي الحليب في القدر ثم ضعي في الخلاط شوية ماء +الدقيق ثم افرغيه على الحليب وضعيه على النار وحركيه بالخفاقه الى ان يتكثف ثم ضعي قليل من الملح والفلفل الابيض

ماشالله كل طريقة احلى من الثانية
انا دايما اعمل الأولى لملوكة
وطريقة المايونيز والقشطة والجبن
اعملها دايما
لكن ماقد فكرت استبدلها بالباشميل
كمان هي حلوة

شكرا على الوصفه الرائعه

عندي لك وصفه مره حلوه
علبة قشطة
ملعقتين جبن كاسات
ملعقتين جبن مايونيز
نصف كاس حليب سائل
جبن موزيرلا

النوري طريقتك مره حلوه بجربها ان شاء الله
بعد حلوه تصلح للصواني اللي بالفرن