صوآني حلويآت

بسم الله نبدأ
صينية البطاطس بالتشدر والبشاميل
المقادير والطريقه مع بعض
الطبقة الاولى (طبقة البطاطس):
4 أو 3 حبات بطاطس حجمها وسط مسلوقه + رشة ملح + رشة فلفل اسود + ملعقة زبده
+ملعقة جبن سايل >> نخلطهم مع بعض بشوكة أو ملعقه خشبيه أو البسي gloves القفازات
وبيدك اعجينها (اللي يريحك) وافرديها بالصينية
الطبقة الثانية (حشوة الدجاج):
نسلق دجاجة وننتفها ولو فرمتيها احسن ( بس انا كانت الاله خربانه وقتها)
+ بصلة مفرومه + 2 فص ثوم مفروم + بهاراتك اللي تحبين (واضيفي عليها الاعشاب الايطاليه وورق الريحان >> انا بصراحه استغنيت عن الاعشاب الايطالية والر يحان )
حبه فلفل بارد + ذره معلبه + جزر مبشور + ملح >> لاتحطين ماجي لأن الصينية فيها ملح بكل طبقه فنستغني عنه
نشوح البصل والثوم بالزيت >> بعدين نحط الدجاج ونقلب شويات >> بعدين نحط الخضار
وبعده البهارات ونقلب >> وآخر شي نحط الذره لأنها مستويه ونخليها شوي على نار هاديه
ثم نطفي عليها ونحطها بالصينيه كطبقة ثانيه
الطبقة الثالثة:
علبة جبن تشدر كبيره نبشرها ونحطها فوق خلطة الدجاج
الطبقة الرابعة (البشاميل):
بخلاط الكاس >> كاس مويه دافيه + 2 ملعقة كبيره دقيق
+4 ملاعق كبيره حليب بودره + رشة ملح وفلفل ابيض او اسود >> نخلطهم ونحطهم عالنار
حتى يثقل الخليط ونفردها عالصينية ونحط هالوجه موزاريلا وبابريكا
ندخلها فرن مسبق التشغيل من تحت شوي
ومن فوق لحد ماتسيح الجبنه
وهذي شكلها اول ماطلعتها
وهذي بعد التقطيع والتزيين
وبالعافية
صينية الشاورما
بس بصراحه مادخل مزآجي اسمها لأن طعمها بعيد عن طعمة شاورما السوق
طعم بنكهة ثانيه ... أحب هالصينية بكثر حبي للي عطتني الوصفة الله يذكرها بالخير
ويوفقها دنيآ وآخره
هذي الصينية إدماني انا والعايلة وسهلله جدا
إدمان بشكل مو طبيعي وإذا بغيت ازيد كم كيلو سويتها
نرجع لطبختنا
المقادير والطريقه
الطبقة الأولى:
نقطع بطاطس وباذنجان مكعبات ونقليهم ونحطهم بالصينية
الطبقة الثانية:
نسلق دجاجة وننتفها ( ماتفرمونها بالآلة بس تنتيف )
عالصاج >> نحمس البصل مع الزيت لحد مايذبل البصل شوي ثم نضيف له مكعب ماجي
>> بعدين نضيف الدجاج ونقلب >> بعدين الفلفل البارد >> ثم الملح
ونحط هالحشوه فوق البطاطس والباذنجان
الصوص :
علبة زبادي + علبة قشطة التاج او بوك + 4 ملاعق كبيره مايونيز
+ 4 ملاعق كبيره جبن سايل >> نخلطهم ونحطهم فوق طبقة الدجاج
وهنا رشيت عليها بابريكا ( اختياري)
وندخلها فرن مسبق التشغيل من تحت وفوق بنفس الوقت
ويكون مستواها وسط بالفرن مو فوق ولا تحت
وبالعافيه
BroB

b a c k
صينية الدجاج المحمر بالفرن
هالصينية مسويتها اختي يعطيها العآفيه
وبما ان موضوعي عن الصواني نزلتها
زيادة الخير خيرين
المقادير
2 بصل مقطع حلقات + 2 فلفل بارد حلقات + 3 حبات جزرحلقات
+ 5 حبات بطاطس حلقات + 3 حبات طماطم برضو مقطع حلقات
دجاجة مقطعه حلقات >> برا
لا .. دجاجة كامله مغسلة ومقطعه أرباع >> تتبلينها ببهاراتك المشكله ونخليها على جنب نص ساعه
في قدر الطبخ >> نشوح البصل مع الزيت بعدين نحط الفلفل ونقلب شوي
>> بعدين نحط الجزر بعدين الطماطم ونقلبهم
>> بعدين نحط الدجاج ونقلبهم
بعدين نحط ( 3 ملاعق صلصة حمراء + مكعب ماجي + فلفل اسود مطحون
+ كمون مطحون + مويه حوالي كاسين او كاس ونص ) ونحركهم مع بعض
>>> ونغطي القدر ونخليهم حوالي ربع ساعه
>> ثم نضيف البطاطس الحلقات ونخليه ربع ساعه ثانيه >> او على حسب الاستواء اللي يعجبك بالبطاطس
بعدين نحط اللي كل اللي بالقدر بصينية ونرش عالوجه بقدونس او كزبره مفرومه
وفلفل اسود (اختياري)
وندخل الصينية الفرن ونخليها تتحمر من فوق بس
ونقدمها مع الرز او الخبز
وبالعافيه
صينية الباذنجان بالبشاميل
هالصينية دسمة جدا جدا جدا
تاكلين لقمه تزيدين كيلو >> كأني بالغت
وهالصينية تتكون من الباذنجان وحشوة اللحم والبشاميل
نبدأ بسم الله
المقادير والطريقه
باذنجان كبير او وسط مقطع لشرايح عريضه دائرية لصينية حجمها وسط
بس انا هنا استخدمت صينية صغيره تقريبا وصينية كب كيك عشان هيك قطعتهم بشكل طولي ودائري على حسب اللي عندي
وهذي صورة الصواني اللي استخدمتها
نقلي الباذنجان ونخليه على جنب
الحين نبدأ نحضر حشوة اللحم:
لحم مفروم + بصلتين متوسطه مقطع قطع صغيره + حبة جزر مبشور
+ حبة فلفل بارد مقطع مكعبات + بهارات ( رشة هيل + رشة قرفه >> عشان ريحة اللحم ) + ملح + صلصة طماطم حمراء + 4 حبات طماطم متوسطه نخلطها بالخلاط
نحمس البصل لين يصير لونه ذهبي ويذبل شوي >> بعدين نحط عليه اللحم المفروم والبهارات والملح ونقلبهم لين يستوون >> بعدين نضيف الفلفل البارد والجزر ونخليه يذبلون شوي
>> بعدين نضيف عصير الطماطم ونضيف تقريبا ملعقة كبيره او نص صلصة الطماطم الحمراء
ونتركه لين يتسبك
الحين خلصنا من الباذنجان وحشوة اللحم
بقي البشاميل
صلصة البشاميل:
نص اصبع زبده + نص مكعب ماجي + ثلث كوب دقيق + كوبين حليب سايل
أو ( 6 ملاعق حليب بودره + 2 كاس ماء فاتر) + علبة قشطه + 4 ملاعق جبن سايل
نذوب الزبد مع مكعب الماجي >> نضيف الدقيق ونحركه شوي بعدين على طول نضيف الحليب ونحركه >> ثم نضيف الفلفل الابيض او الاسود واخفقي لين مايثقل الخليط
>> نطفي النار ثم نضيف الجبن والقشطه وملعقه مايونيز (اختياري .. اذا حبيتي)
وأذا كنتي خايفه أنو يتكتل عندك الخليط
حطي بخلاط الكاس >> الزبده + الماجي + الدقيق والحليب
وبعدين عالنار لين مايثقل الخليط وطفي النار وحطي القشطه والجبنه
الحين كل شي جاهز الباذنجان وحشوة اللحم والبشاميل
نبدأ نرتبهم بالصينية
الطبقة الاولى : نرص الباذنجان بالصواني
الطبقة الثانية: نضيف حشوة اللحم
الطبقة الثالثة : باذنجان
الطبقة الرابعة : البشاميل
وآخر شي نرش عليها البابريكا وبودرة الثوم والاريجانو >> ضروري نرش هالاشياء عشان تعطيني نكهه وريحه حلوه
وندخلها فرن حار من ثلث الى نص ساعة ثم نحمر الوجه
ونقدمها مع الخبز مع الخبز المفرود
وهذي شكلها بعد ماطلعتها من الفرن
وبالعافيه
اسباغيتي التونة بالبشاميل
هالاسباغيتي سريع وسهل وطعمه حلو ويشبع
ينفع لآخر الليل اذا حسيتي بالجوع وطعمه افضل من الاندومي >> من اعداء الاندومي
المقادير والطريقة
أولا: نسلق باكيت مكرونة اسباغيتي مع موية وملح وشوية زيت
لحد ماتوصل الاستواء اللي تحبينه وطفي عليها وصفيها من مويتها ورجعيها للقدر
ثانيا: نقطع >> فلفل بارد + بصل أخضر + شوية كزبره
ونخليهم على جنب
وآخر شي نسوي اسهل بشاميل بالكون
بالخلاط >> كاسين مويه دافيه + 4ملاعق كبيره دقيق + 8 ملاعق كبيره حليب بودره
+ ملح وفلفل ابيض وفلفل اسود >> نخلطها بعدين نحطها عالنار حتى يثقل الخليط
ونطفي عليها
الحين نضيف للمكرونه اللي بالقدر>> 2 ملعقة كبيره جبن سايل ونخلطها مع المكرونه
بعدين نضيف علبة تونه جيشا ( افضل هالنوع) ونخلطهم
>> بعدين البشاميل ( مو كله على حسب مزاجك اذا تبينه كثير او قليل البشاميل)
وآخر شي الخضار المقطع
ونخلطهم كلهم مع بعض
وبس ومافي اسهل من هيك ^_^
دوائر التوست بالتونة
وهذي بعد اسهل من اللي قبلها
وادمنتها حيل وشكلها رايق في التقديم
المقادير والطريقه
1 / توست نقطعه بقطاعه دائرية كبيره
2/ الصوص وهو عباره عن ( خردل + كاتشاب + مايونيز )
بكميات متساويه وندهن فيه التوست
3/ اي حشوة متوفره عندك حطيها وانا دايما استخدم ( تونة + مايونيز + فلفل بارد + كزبره + عصرة ليمون + ملح وفلفل اسود ) ولك حرية الاختيار
4/ نجيب طماطم ونقطعه شرايح دائرية عريضه نوعا ما
>> نحطها عالصاج مع زيت زيتون ونخليها لين تذبل شوي
( لاتلين مراا ولا نبيها قاسيه ) ونحط الطماطم فوق حشوة التونه
5/ جبنة اي نوع متوفر عندك بس مو سايله >> انا استخدمت تشدر المراعي
نبشرها فوق الطماطم
6/ ندخلها فرن حار مررا من تحت وفوق بنفس الوقت لين تذوب الجبنه ونطلعها
ملاحظه : اذا ماتحبينها مقرمشه ولعي عليها الفرن من فوق بس
واول ماتذوب الجبنه طلعيها >> راح تصير طريه
بس انا افضلها مقرمشه احلى
وبالعافيه
BroB

b a c k
نبدأ بأحلى شي بالمنيو .. الحلويات
قبل ماابدأ أحب اذكركم إني استخدم الاكواب والملاعق المعياريه لما اسوي الحلى
بس عاتي انتي لما تسوين اي وصفة حلى
الكوب اللي تستخدمينه يكون للوصفه كامله مو تغيرينه
عشان لاتتغير عندك المقادير ويمكن ماتضبط بعدين
اتمنى اكون وضحت لكم وفهمتوا
نبدأ بسم الله
الكيكة الأوروبية
هالكيكة ادمان ادمان ادمان .. مو طبيعي يابنات
كل اسبوع اسويها .. ادمنتها انا واهلي
طعمها مرراا حلو وطريه ولذيذه هالكيكه
صاحبتها الله يذكرها بالخير تقول هالكيكة ادماني وكل من جربها ادمنها
وأحلى مافيها ان طلباتها متوفره وطريقتها سهله ..
بس اخلطي >> كلها خلط في خلط
المقادير والطريقه
في خلاط الكيك >> كوب زيت + كوب سكر واخلطيهم >> ثم نضيف
3 بيضات + الفانيليا السايله ( أو الفانيليا البودره + اضافه من عندي ملعقه كبيره موية ورد )
واخلطي >> ثم نضيف كوب حليب سايل ونخلط >> ثم نضيف كوب حليب بودره ونخلط
>> آخر شي نضيف كوب دقيق + ملعقه كبيره بكنج باودر ونخلط لين يمتزجون ونقفل الخلاط
ونحطها بصينية مدهونة بزيت ومرشوشه بدقيق ونخبزها
وطبعا نكون مشغلين الفرن من قبل يعني الفرن يكون حار
وأول ماتطلع الكيكة نتركها تبرد شوي بعدين نصب عليها الصوص
واللي هو عبارة عن:
ثلاث ارباع علبة حليب محلى نستله + 4 أو 5 حبات جبن كيري
ونرشها بشوية قرفه أو كاكاو باودر أو بالصوص بس
بس طعمها بالقرفه خيال
وهذي صورتها قبل ماادخلها الفرن
وبعد ماطلعتها وبردت
وبما اني سويت هالكيكة كثير راح اعرض صور مختلفه لتقديمها
.
.
.
وهنا مسويتهم كب كيك
وهذي طريقه بسيطه لتزيينها
.
.
وهذي ميني كب كيك
مرا يدنون وبالتزين أحلى
وشكلها بعد التزيين
.
.
.
.
وبالعافيه
ملاحظات:
1/ انا بعض الاحيان اول مااطلعها وهي حاره اصب نص الصوص عالكيكه
ولما تبرد أصب باقي الصوص ولك حرية الاختيار
2/ بالنسبة للي ماعندها خلاط كيك تقدرين تستخدمين خلاط الكاس بنفس الطريقه لكن الدقيق والبكنج باودر ماتخلطينه بخلاط الكاس تخلطينه عاتي بالمضرب اليدوي مع اللي خلطتيه بخلاط الكاس.
حلى الشوفآن
في هالحلى طبقة الشوفان تكون مررا مقرمشة
للي يحبون الحاجه المقرمشه راح يعجبهم هالحلى البسيط
المقادير والطريقه
الطبقة الاولى:
كوب شوفان + نص كوب جوز هند + نص كوب سكر بني + أصبع زبده سايحه
+ ملعقة فانيليا سايله او رشة فانيليا بودره
>> نخلطهم زين ونصبها في صينية بايركس وندخلها الفرن لمدة 15 دقيقه بس
الطبقة الثانية:
نص علبة حليب محلى نستله + 6 حبات جبن كيري
>> نخلطهم زين بعدين نصبها على وجه الصينية وندخلها الفرن من فوق بس دقايق ونلطعها
وعند التقديم نرش عالوجه شوية قرفه
وبس
بسكوت الكاكاو بحشوة السنكرز
المقادير
كوب دقيق + اصبع زبده ذايبه بحرارة الغرفه + نص كوب سكر
+ 5 ملاعق شوكولا بودره غير محلاه + نص ملعقة صغيره بكنج باودر
+ ربع ملعقه صغيره ملح + بيضه + رشة فانيليا بودره
+ اصبع ونص سنكرز الكبير
الطريقه
1/ نخلط الدقيق والشوكولا الباودر والبكنج باودر والملح مع بعض
2/ نخلط السكر والزبده بخلاط الكيك لين يصير مثل الكريمه >> بعدين نضيف البيض والفانيليا ونخفق زين
3 /نضيف خليط الدقيق بالتدريج ونخلطه لين يتجانس الخليط ونقفل الخلاك
4 /نقطع السنكرز قطع صغيره ونضيفها للخليط ونحركه بملعقة سباتيولا
او ملعقه خشبيه
5/ نكور الخليط ونحطه بصينية مدهونه أو بصينية فيها ورق الزبده
>> وندخلها الفرن اللي مشغلينه من قبل ونتركها لمدة 20 دقيقه بس
وبعد مانطلعه نخليه بالصينية لين يبرد
وممكن تزينيه بسوكره بودره
فطيرة التفاح
حلاتها تاكلينها ساخنه او دافيه
المقادير والطريقه مع بعض:
الطبقة الأولى
اصبع زبدة بحرارة الغرفه + كوب دقيق + ثلث كوب سكر + رشة فانيليا بودره
نخلطهم مع بعض لين تصير مثل الكوره بعدين نفردها بالصينية
الطبقة الثانية :
بالخلاط >> 12 حبة جبن كيري + 2 بيضة + نص كوب سكر + رشة فانيليا + ملعقة صغيره موية ورد >> نخلطهم مع بعض لين يروح تكتل الكيري ويصير خليط متماسك
الطبقة الثالثه :
3 حبة تفاح احمر يقشر ويبشر + ثلث كوب سكر + 2 ملعقه وسط قرفه مطحونه (انا حطيت ملعقة ونص )
>> نخلطهم كلهم بالقدر وعلى نار هاديه لين ماتنشف موية التفاح ويذبل نطفي عليه
بس ماتنشف المويه مررا وطبعا ماتحتاج تحريك متواصل
ملاحظه : هذي الطبقه سويها أول شي بعدين سوي الطبقه الاولى والثانيه
وآخر شي رشييها بلوز مبشور
ندخلها الفرن لمدة 40 دقيقة لين ماتتحمر اطرافها وبعدين نطفي الفرن ونولع عليها من فوق حتى تشقر
.
.
.
.
.
ملاحظه ثانيه : يفضل استخدام صينية بايركس وطبعا الحجم يكون وسط مو كبير
وبالعافيه

روعه ومشكوره يعطيك العافيه
كل شي مؤجل الى مابعد الرجيم او باليوم المفتوح ودعواتكم ربي ينحفني من غير شر ان شاء الله

يعطيك ربي ألف عافيه

واو
ماشاء الله تبارك الرحمن
يعطيك العافية

وا او
يعطيك العافيه
تسبمن والله

ملف رائع والاروع اجتهادك فتنزيل الموضوع
الله يقومك بالعافية ويرزقك الطفل السليم المعافى

مشكوره