صينية البطاطس المسلوق مع الدجاج المنتوف من مطبخي وبالصور حياكم

أم أحلى بنوتهـ

03-11-2022 - 02:42 pm

السلام عليكم ورحمة الله وبركاته ,,
حبيبااتي اليوم شفت طريقة صينية بطاطس مسلوق مع الدجاج المنتوف بأحد المواقع وأعجبتني وسويتها اليوم وحبيت تشاركوني فيها
المقادير :
5 حبات بطاطس
3 قطع دجاج
حبة بصل
حبة طماطم
حبة فلفل رومي
نص بكت صلصه
بهارات من ملح وفلفل أسود
قشطة
ربع كوب حليب سايل
نص قطعة ماجي
شوي جبن موزوريلا
الطريقة :
اسلقي البطاطس لوحده واسلقي الدجاج لوحده
البصله افرميها وحطيها بقدر فيه زيت ولما يصير لونها ذهبي
افرمي الطماطم وقطعي الفلفل قطع صغيره مع الصلصه وحطيهم في القدر واخلطيهم
ولما يستوي الدجاج نتفيه وحطيه بالقدر وحطي عليه بهارات من ملح وفلفل اسود وخليه على نار هاديه لما تتماسك
البطاطس قطعيه شرايح مدوره ورصي نصه في صينيه قزاز
كبي كل اللي في القدر على البطاطس
رصي النص الثاني من البطاطس في الصينية
بكاس الخلاط .. القشطة + ربع كوب حليب سايل + نص قطعة ماجي
بعدين صبيه في الصينية
وبعدين وزعي جبن الموزوريلا توزيع في الصينية
غطي الصينية ودخليها الفرن وولعيها من فوق بس لما تحمر
وقدميها مع الرز الأبيض وبالعافية

التعليقات (9)