صينية المعكرونة بالدجاج وصلصة الجبن

تحية طيبة لكم جميعا
جايبه لكم طبق لذيذ ورهيب ولمحبي المكرونة والاجبان مثلي
جربوها وبتحبوها
المكونات :
كيس مكرونة
دجاجة مسلوقة ومقطعة صغار
بصلة مفرومة، فص ثوم
اوريغانو ( زعتر بري )
ملح وبهارات
صلصة طماط
أربع طماطم مفرومين
كاس ونص جبن كرفت صغير،
علبة جبن كرافت صغيرة (مبشور)
موزاريللا
قليل من الماء
زبدة
الطريقة :
تسلق المكرونة في ماء به زيت وملح وتصفى ويوضع عليها قليل من الزبدة والاوريغانو وتخلط جيدا.. توضع في صينية.
نسخن شوي زيت ونحط البصل حتى نحمسه، نحط الثوم وصلصة الطماطم والطماط المفروم ونخليها تنطبخ ..
نحط الدجاج والملح والبهارات والاوريغانو.
نحطها فوق الطبقة الأولى
ناخذ جبن الكاسات ونخلطه مع الكرافت المبشور وشوي موزاريللا (قد قبضة اليد) ونخلط وياهم ماء لحد مايصير القوام قوام صلصة ونصبه فوق الدجاج ونرشه بالاوريغانو.
نرشه بجبن الموزاريللا وطبعا نرش شوية اوريغانو بعد
ندخله الفرن حتى يحمر
وطبعا تقدرة تستغنوا عن الدجاج اذا تحبوا
والف صحتين