صينية كفته لحم مع البطاطس بس ايش واو

مرحبا بالكل ..وصباخ الخير والفل والياسمين
قبل شوي سويت عشا بس قبل ما اسويه سويت بحث في القسم ولقيت هذي الصينيه فعجبتني قلت خليني اسويها ...
بس طلعت جنان بالمره لذيذه ...وهذا هو موضوع الاخت الله يعطيها العافيه ...
http://alfrasha.maktoob.com/showthre...E3%DD%D1%E6%E3
بس صار تغير بسيط انه هي حطت قرفه انا ما حطيت بصراحه لأنه مالي خلق اقوم واطحن قرفه خ تعبانه ..
بصراحه الصينيه مأكول منها ما افتكرت اصورها الا بعد ما اكلنا منها ههه ...
المهم ....
تجيبي ماكينه البصل وتحطي فيها حبة بصل متوسطه او صغيره _ حبتين ثوم _ بقدونس _ البهارات اللي تحبيها فلفل اسود ..وكمون.. وقرفه بس انا ما حطيت القرفه ... وملح طبعا
وتشغلي الماكينه وتفرميها كلها ...
وبعدها تحطي ربع او نص كيلو لحمه مفرومه في زبديه كبيره وتحطي عليها البصل المفروم ... وتعجنيها مع بعض ...
وحطيها في الفريزر بس دقايق عباله تقطعي البطاطس شرايح ..
بعدين تسوي الصلصله ...
حبه طماطم كبيره _ ماجي _ بهارات نفس اللي فوق _ ملح شويه لا تكثري _ صلصله ملعقه ونص تقريبا _ نص كاسه مويه ... وحطيها كلها مع بعض فوق النار لدقايق بعدين طفيها
جيبي صينيه وكوري الكفته ورصي البطاطس وبعدها جيبي الصلصله وصبيها كلها فوق الصينيه
وغطي الصينيه بقصدير وحطيها في الفرن على نار متوسطه تقريبا 180 لمدة ساعه وربع وبعدها طفي النار وشيلي القصدير وولعي الفرن من فوق لدقايق معدوده انتبهي لا تنحرق ...
وبالعافيه انا سويت جبنها رز ابيض وسويت سلطه وحطيت في صحن خس يم يم يم ..
يالله جربوها وقوليلي رايكم يا قماري ...