صينيه دجاج رهيبه

طريقة عمل صينية دجاج عجيبة رهيبة ...
نبدا التحضير
نحمس حبة بصل حجم وسط مقطعه صغار مع فصين ثوم مقطع بشوي زيت على النار ...
ثم اضيف حبة فلفل رومي اخضر حجم كبير مقطع مربعات ....
ثم اضيف عليهم لما يذبلو اربع صدور دجاج مسلوقه ومفتته سابقا ...
واحركهم زين لدقيقتين ثم اضيف بصل اخضر مقطع والكمية على حسب رغبتك ...
واحركهم زين ثم اضيف لهم بقدونس مقطع والكمية على حسب رغبتك ...
ثم احط عليهم شوي ملح وفلفل اسود واحركهم شوي واطفي عليهم النار ثم اصف فوقهم بطاطس وباذنجان ويكونون مملحين ومقليين سابقا والكمية حسب رغبتك بهالشكل ...
ثم نحضر بصحن حبتين قشطه مع ثلاث ملاعق كبار جبن سائل ونصبه فوق ماسبق ....
ثم ندخله الفرن ليتحمر شوي من فوق ويكون بهالشكل ...
ام
وهذا لما اخذت منه بصحن ...
واو والله مره تشهي وراح تمسحي الصحن وتدعيلي ....
قدميها مع خبز او مكرونه مسلوقه وبالعافية ... دعواتكم في امان الله...
منقول...